Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Այսօր Պարույր Սևակի հիշատակման օրն է

Այսօր Պարույր Սևակի հիշատակման օրն է

sevak1971 թ. հունիսի 17-ին ավտովթարի զոհ դարձավ անվանի բանաստեղծ Պարույր Սևակը:

Կարծում եմ շատ դժվար է չսիրել Սևակին, շատ քիչ մարդ կարելի է գտնել, որոնց համար հոգեհարազատ չեն Սևակի տողերը և հենց սրանում է Սևակի հանճարը…

Եվ հենց այսօր տեղին է վերհիշել նրա հանճարեղ բանաստեղծություններից ևս մեկը:

Բեռան ներքո

Անցնում էիր:
Ողջ երեկոն քոնն էր կարծես,
Ողջ երեկոն` իր բույրերով ու ջերմությամբ:
Երկարափեշ եթե լիներ հագուստը քո`
Ես կասեի,
Որ երեկոն քարշ էր գալիս քո ետևից`
Քո հագուստի փեշի նման:
Սակայն կարճ էր հագուստը քո:
Եվ երեկոն
Ամփոփվում էր քո ծնկների ծալքերի մեջ`
Կարճ հագուստիդ կարճ փեշերի կարի ներքո…

Վերջալույսի արևը շեղ գտել էր քեզ
Ու շուլալվել քո հագուստի կոճակներին:
Վերջալույսի շեղ շողերի միջնորդությամբ
Երկարում էր քո ստվերը` հմայքի՛դ պես,
Ու քայլում էր քեզնի՛ց առաջ` հմայքի՜դ պես…

Եվ արթնացավ մեջս հանկարծ
Ինքնաձաղկման և ամոթի
Տարօրինակ մի ցանկություն.
Եթե կյանքում կա քեզ նման մի թանակություն
Ես ինչպե՞ս եմ կյանքին նայել էժան աչքով`
Ոչ թե անո՜ւշ մի հիացքով,
Այլ մի տըտի՛պ,
Հաճախ դա՛ռըն,
Նաև կծո՜ւ մի հայացքով:
Եվ ինչպե՛ս եմ հաճախ իջել-ստորացել`
Բարկանալու և դատելու աստիճանի,
Չարանալու և ատելու աստիճանի,
Ու թույլ տվել, որ նողկանքը տեղից հանի
Հիացմունքի՜ն:
Հոգով-սրտո՜վ ներողություն…

Այսուհետև, ինձ հավատա՜,
Է՜լ չպիտի ես խառնվեմ ո՛չ իմ գործին.
Է՜լ չպիտի այսուհետև
Հակվեմ կյանքի աղտ-աղարտի ծանրության տակ:
Առանց այն էլ ես հակված եմ բեռան ներքո
Ա՛յն վիթխարի երգեհոնի, որ ի ծնե
Սապատվել է իմ շալակին:
Թող հնչի նա՛:
Եվ անցիր դո՛ւ:

Միայն թե դու … «մե քիչ կամա՛ց գնա, գոզա՜լ»,
Որ քո կամաց և անշտապ քելքի չափին համաչափվի
Մեր խեղճ սրտի տրոփյունը հաճախակված,
Որ քո տեսքից հանգստանան աչքերը մեր,
Եվ քեզ թաքուն ունենալուց
Ջղերը մեր քիչ խաղաղվեն,
Ու երկարի այս անդորրը` շուքի՛դ նման,
Ու կարճանա հոգնությունը` փեշերի՛դ պես…

Загрузка…

 

կարդացեք նաև

Կենդանակերպի ո՞ր նշաններն են սիրում տառապել

Այս հորոսկոպը ներկայացնում է ըստ Կենդանակերպի նշանի ամենաիսկական տառապյալներին, որոնք ուղղակի շատ են սիրում տառապել։ Կույս Նրանց տառապելու գլխավոր պատճառն իրենց գլխում է։ Անընդհատ մտածողությունը և...

Ընդհանուր գիտելիքները ստուգող ԹԵՍՏ

Տարիքի հետ շրջապատող աշխարհը դադարում է հետաքրքրել մեզ այնպես, ինչպես նախկինում։ Եվ մենք ավելի ու ավելի ենք տարվում առօրյա հոգսերով։ Մենք դադարում ենք հետաքրքրվել...

12 սուր նկարազարդում, որոնք մերկացնում են մեր աշխարհի մութ կողմերը

Մեր աշխարհը իդեալական չէ, նրանում շատ անարդարություն կա։ Բայց որպեսզի այն վերականգնվի և սկսել գործել՝ նախ պետք է հասկանալ պրոբլեմի էությունը։ Ներկայացնում ենք նկարազարդումներ, որոնց...

ԹԵՍՏ․ Գիտելիքների մակարդակի ստուգում: Կկարողանա՞ք հավաքել 10 միավոր

Մեզանից յուրաքանչյուրն անընդհատ որևէ նոր բան է իմանում, ինչի մասին գաղափար չուներ նախկինում: Բայց միայն քչերն են հիշում այն ինչ սովորում կամ իմանում են:...

Ահա թե ինչ տեսք կունենան մարդկանց մեծամասնությունը 40 տարի հետո․ National Geographic-ի կանխատեսումը

Գիտնականները պնդում են, որ ապագայում մեզ մեծ փոփոխություններ են սպասվում, և մարդկությունը նույնպես չի լինի նախկինի նման: Մարդիկ փոխվում են, արյունները խառնվում են, ի...