Կա մի հարց, որ տանջում է աշխարհի բոլոր տղամարդկանց՝ «ի՞նչ է իրականում ուզում կինը»: Իրականում այս հարցն արդքան էլ բարդ չէ, որքան թվում է:

Ձեզ համար հավաքագրել ենք 10 բան, որ ուզում են բոլոր աղջիկներն ու կանայք:

1. Անկանխատեսելիություն

Սա չի նշանակում, որ դուք պետք է ամեն օրը դիմավորեք մի նոր երկրում: Խոսքը գնում է փոքրիկ բաների մասին: Անսպասելիորեն հրավիրեք նրան պարի կամ առանց որևէ առիթի հաղորդագրություն գրեք: Աղջիկներն ու կանայք գնահատում են նման յուրահատուկ վերաբերմունքը:

2. Ավելի համառ եղեք

Հաճախ կանայք իրենք էլ մինչև վերջ չեն հասկանում, թե ինչ են ուզում: Այդ իսկ պատճառով մի փոքր համառություն ցուցաբերեք. դա նրանց դուր է գալիս:

3. Ոգեշնչում

Յուրաքանչյուր կին միշտ պատրաստ է ցանկացած հարցում աջակցել իր սիրելիին, ոգեշնչել նրան: Եվ շատ բնական է, որ նա նույնն է ակնկալում իր հանդեպ: Աջակցեք նրան, ոգեշնչեք, հավատացեք, որ նա կկարողանա իրականացնել իր երազանքներն ու ցանկությունները:

4. Իմաստով նվերներ

Եթե դուք կարծում եք, որ աղջիկներին հարկավոր են միայն թանկարժեք նվերներ, ապա դուք չարաչար սխալվում եք: Ուշադիր լսեք նրան: Գուցե նա մանուկ ժամանակ երազել է ինչ-որ խաղալիքի մասին կամ սիրում է ինչ-որ մի կոնկրետ գրողի ստեղծագործությունները: Նման թեկուզ և փոքր, սակայն իմաստով նվերները կջերմացնեն նրա հոգին ավելի շատ, քան ցանկացած ադամանդը:

5. Հումոր

Կանանց և աղջիկներին դուր են գալիս սուր հումորի զգացում ունեցող տղամարդիկ, ովքեր կարող են անգամ ամենատխուր պահին բարձրացնել իրենց տրամադրությունը: Սակայն կան թեմաներ, որոնց մասին կատակելը խստիվ արգելվում է, օրինակ՝ նրա հագուստը, սանրվածքը, ընտանիքը, ընկերները և այլն:

6. Ուշադրություն և հոգատարություն

Կարևորը չափը չանցնելն է: Հարկավոր չէ ողջ օրը նրա հետևից վազել՝ «ո՞նց ես» հարցը տալով: Պարզապես ուշադրություն և հոգատարություն ցուցաբերեք: Ցույց տվեք, որ նա ձեզ համար միևնույն չէ:

7. Լավատեսություն

Հոգեբանները պնդում են, որ զույգերից մեկի տրամադրությունը շատ արագ փոխանցվում է մյուսին: Այնպես որ, ձեր լավատեսական մոտեցումը հիանալի նվեր է կնոջ համար:

8. Աջակցություն

Իհարկե, բոլորիս կյանքում էլ լինում են պահեր, երբ մենք շատ վատ հոգեվիճակում ենք լինում, սակայն գիտականորեն ապացուցված է, որ կանայք ավելի հակված են հաճախակի դեպրեսիվ տրամադրություններում հայտնվելու: Ուստի եղեք նրա կողքին, աջակցություն ցուցաբերեք և վստահություն հաղորդեք նրան:

9. Ազնվություն

Թվում է, թե սա շատ պարզ բան է, սակայն կանայք իրոք տղամարդկանց կողմից ունեն անկեղծության կարիք: Եթե ուզում եք երեկոն անցկացնել ընկերների հետ և ոչ նրա, ավելի լավ է անկեղծ ասեք, այլ ոչ թե սկսեք ինչ-որ անհեթեթ բաներ հնարել: Կանայք կես բառից զգում են՝ երբ եք դուք խաբում:

10. Հարգանք

Եթե դուք մինչև հիմա կանանց համարում եք թույլ սեռի ներկայացուցիչներ, ապա այս կետը ձեզ համար է: Կանայք բավականին ինքնուրույն են, հանդես են գալիս սեփական գաղափարներով և ունակ են լինում դրանք կյանքի կոչել և հաջողության հասնել: Նրանք ունեն արժանապատվություն: Հաճախակի ցույց տվեք, որ սիրում և գնահատում եք նրան, ոչ միայն սիրեք, այլև հարգեք ձեր ընտրյալին: