Իմ հին բլոգը ինձ զարմացնում է: Արդեն որքան ժամանակ է ես այնտեղ ոչ մի գրառում չեմ կատարում (վերջին գրառումը կատարել եմ 2011թ. հուլիսին), բայց այն դեռ բավական այցելվող է: Ճիշտ է 2000 ունիկալ այցելությունից այն իջել է մոտ 300-400 (սակայն կարծում եմ նորից գործելու դեպքում այն կավելանա), բայց որ չգործող, չշարժվող բլոգը դեռ այցելում են՝ կարծում եմ դա մեծ ցուցանիշ է: Նրա լսարանը հիմնականում Ռուսաստանից է, քանի որ բլոգը ռուսալեզու է:

Ցավոք ժամանակս չի հերիքում, որպեսզի կարողանամ այս բլոգովս էլ զբաղվել և որի համար սրտիցս արյուն է հոսում: Դրա համար.

[important]Այդ բլոգս անվճար կտրամադրեմ վստահելի ձեռքերին: Եթե Դուք ասելիք ունեք և Ձեր այդ ասելիքը ուղղված է ոչ միայն հայերին, ապա Դուք կարող եք այն աշխատեցնել: Միակ պահանջը այն է, որ պահպանվի նրա ռուսալեզու լինելը և պահպանվի նրա անվանումը: Առաջարկությունների համար գրեք հետադարձ կապով:[/important]

Այցելությունների քանակին կարող եք հետևել Circle.am-ով:

Բլոգի հասցեն է www.arxangelo.wordpress.com: