Այս ոգեշնչող գրքում ամփոփված են Մանդելայի փիլիսոփայությունն ու իդեալները, որի նպատակն է ցույց տալ, թե ինչպես կարելի է դրանք կիրառել ձեր կյանքի բոլոր բնագավառներում։ Վերծանելով Մանդելային ոգեշնչած բաները, ինչպես նաև մեծ մարդու կողմից և նրա մասին արված մեջբերումները՝ այս գիրքն արտասովոր պատմություն է այն մասին, թե ինչպես են Մանդելայի կյանքն ու գործն ազդել նրա արարքների վրա։ Այն սովորեցնում է նայել աշխարհին հեռատես հանճարի աչքերով։
Առանձնացրել ենք մի քանի մեջբերումներ այս գրքից․
- Գիտես՝ երբ պայքարում ես, նույնիսկ թշնամիներդ են քեզ հարգում, հատկապես եթե խելացի պայքար ես մղում:
- Քո ֆիզիկական վիճակը, հատկապես ֆիզիկական վարժություններից հետո լավ ինքնազգացողությունը սերտորեն կապված է ակադեմիական առաջադիմությանդ հետ:
- Մենք իրարից տարբերվում ենք ոչ թե մեզ տրվածով, այլ մեզ տրվածից մեր ստեղծածով:
- Բոլոր կրոնների, բոլոր փիլիսոփայությունների և հենց կյանքի տված պարզ դասն այն է, որ չնայած չարը ժամանակավորապես անում է իր գործը, վերջում դափնիների արժանանում է բարին:
- Մեր՝ որպես անհատների առաջընթացը գնահատելիս մենք հաճախ կենտրոնանում ենք արտաքին գործոնների վրա, ինչպես, օրինակ, հասարակական դիրքը, ազդեցությունը, հանրաճանաչությունը, հարստությունը և կրթության մակարդակը… Այնինչ ներքին գործոնները կարող են նույնիսկ ավելի կարևոր լինել մարդ-անհատի զարգացումը գնահատելիս: Ազնվությունը, անկեղծությունը, պարզությունը, հեզությունը, մաքրությունը, մեծահոգությունը, սնափառության բացակայությունը, քո կողքին ապրող մարդկանց պատրաստակամությունը-որակներ, որ կարելի է տեսնել յուրաքանչյուրի ներսում-անձի հոգևոր կյանքի հիմքն են…
- Նոր աշխարհի տերերը լինելու են ոչ թե նրանք, ովքեր կանգնած են հեռու՝ ձեռքները ծալած, այլ նրանք, ովքեր մրցասպարեզում են, ում հագուստները պատռվել են փոթորիկներից, և մարմինները՝ խեղվել մրցման ընթացքում:
- Եթե մենք պատրաստ չենք ինքներս մեզ փոխելու, ավելի մեծ նպատակներին հասնելու հավանականությունը խիստ սահմանափակ է:
- Քանի դեռ նա կարողանում էր փոխվել և ավելի լավը դառնալ, հույսը չէր կորցնում, իսկ եթե հույսը չէր կորցնում, նշանակում էր՝ թշնամին նրան չի հաղթել:
- Նա ինձ ստիպել էր կորցնել ինքնատիրապետումս, և ես դա համարում եմ պարտություն իմ հակառակորդի առջև:
- Ինքնատիրապետման և ինքդ քեզ փոխելու դրսևորումները ապահովում են քեզանով հիացողների բանակ:
- Շատերը այդպես էլ չհասկացան, որ ապաքինվելու համար մենք ստիպված էինք կտրել ու դուրս թափել թարախը:
- Եկեք չմոռանանք, որ հասարակ մարդիկ՝ կանայք ու տղամարդիկ, տղաներն ու աղջիկներն են աշխարհը դարձնում հատուկ վայր:
- Շատ են եղել վհատության ակնթարթներ, երբ իմ հավատը մարդկության հանդեպ դաժան փորձության է ենթարկվել, բայց ես չէի կարող տեղի տալ հուսահատությանը:Այդ կողմում պարտությունն ու մահն էին:
Հրապարակման ներկայացրեց՝ Գայանե Աթոյանը
Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.
Գրանցվիր մեր 
