Կյանքում կան շատ փոքրիկ ու շատ հաճախ աննկատ բաներ, որոնք մենք անում ենք գրեթե ամեն օր, բայց չենք էլ գիտակցում կամ չենք էլ մտածում այն մասին, թե ինչպես են դրանք դրական լիցքեր հաղորդում մեզ:
Եվ այսպես, կյանքի մի քանի փոքրիկ ուրախությունները․
- Շուտ պառկել քնելու։
- Ոտքերով խաղ անել ջրի մեջ։
- Սայթաքել, բայց չընկնել։
- Ավազը զգալ ոտքերի մեջ։
- Ստանալ ցանկալի հաղորդագրություն։
- Արթնանալ մղձավանջից հետո և հասկանալ, որ դա ընդամենը երազ էր։
- Օրվա թոհուբոհից հոգնած նստել լռության մեջ:
- Երբ քեզ շնորհավորում են մարդիկ, որոնց դու նույնիսկ չես էլ ճանաչում։
- Գտնել վաղուց մոռացված գումար:
- Երբ սառը անկողինդ վերջապես տաքացել է։
- Հեռվից ճիշտ նետում անել աղբի դույլի մեջ։
- Զգալ, որ քեզ դուր եկած գրքին դեռ շատ էջեր են մնացել կարդալու։
- Ամռան տապին, շուռ տալ բարձը սառը կողմի վրա։
- Ուրախությունից արտասվել։
- Զարթուցիչի զանգից մեկ ժամ շուտ արթնանալ և նորից հանգիստ քնել, հասկանալով, որ դեռ ժամանակ ունես։
- Պատահական, ինչ֊որ մի տեղ զգալ մանկության բույրը։
- Վերանայել մանկական խաղալիքների և իրերի արկղը։
- Անկողնում պառկած հետևել, թե ինչպես են անձրևի ծանր կաթիլները թմբկահարում տանիքին…
Իսկ որո՞նք են քո կյանքի փոքրիկ ուրախությունները:
Հրապարակման ներկայացրեց՝ Ալլա Անախասյանը
Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.
Գրանցվիր մեր 
