Ակտիվ երկարակեցությունը ենթադրում է կենսունակության, ֆիզիկական և մտավոր բարեկեցության բարձր մակարդակի պահպանում հասունության և ծերության շրջանում: Սա նշանակում է ոչ միայն երկարեցնել կյանքի տևողությունը, այլ նաև պահպանել դրա բարձր որակը կյանքի բոլոր փուլերում: Բայց ինչպե՞ս կարելի է դրան հասնել:

Չմոռանաք բաժանորդագրվել մեր Telegram ալիքին:

Աշխարհի ամենածեր մարդը

Վերջերս իսպանացի գիտնականները վերլուծեցին Մարիա Բրեյնիս Մորերայի գենոմը, ով մինչև իր մահը 2024 թվականի ամռանը՝ 117 տարեկան հասակում, ամենատարեց մարդն էր։ Պարզվեց, որ նրա գենետիկական կառուցվածքը թույլ է տվել նրա բջիջներին գործել այնպես, ասես 17 տարով ավելի երիտասարդ լինեին։ Ծերության տարիներին միակ հիվանդությունները, որոնց նա ստիպված էր դիմակայել, լսողության կորուստն ու հոդացավն էր։

Բայց բացի գենետիկ վիճակախաղում շահելուց, Մարիան նաև չէր ծխում, խուսափում էր ալկոհոլ օգտագործելուց, հետևում էր միջերկրածովյան սննդակարգին, շատ էր քայլում և շփվում էր ընտանիքի հետ։ Սա հիանալի օրինակ է այն բանի, թե ինչպես են գենետիկան և առողջ ապրելակերպը փոխազդում ոչ միայն կյանքի տևողությունը մեծացնելու, այլև մինչև ծերություն ֆիզիկական և մտավոր կարողությունները պահպանելու համար:

Ինչպե՞ս երկարացնել սեփական կյանքը

Նույնիսկ գենետիկական ռիսկերի դեպքում հնարավոր է ակտիվ երկարակեցություն: Իմանալով դրանք՝ դուք կարող եք ձեր ջանքերն ուղղել կոնկրետ հիվանդությունների նպատակային կանխարգելմանը. սկսել ժամանակին վերահսկել ձեր առողջական վիճակը և նախազգուշական միջոցներ ձեռնարկել առաջին ախտանիշների ի հայտ գալուց շատ առաջ: Կանոնավոր հետազոտություններն ու զննումները դառնում են առողջական լուրջ խնդիրների կանխարգելման ամենաարդյունավետ գործիքները:

Կարդացեք նաև՝ Ինչպես խաբել կյանքը և երկարացնել երիտասարդությունը. չինական իմաստություն

Կանխարգելիչ միջոցառումների համալիրը կարող է զգալիորեն նվազեցնել տարիքային տարբեր հիվանդությունների հաճախականությունն ու ծանրությունը: Բայց բոլոր հիվանդությունները միանգամից հնարավոր չէ կանխել. գենետիկ թեստն օգնում է բացահայտել մարմնի «թույլ կետերը»։ Առողջության մասին հոգալը պետք է սովորություն դառնա, որ մարդը աստիճանաբար զարգացնի՝ սկսած փոքր տարիքից և շարունակելով ողջ կյանքում։

«Գենետիկան հիմք է դնում մեր առողջությանը, որը որոշում է տարբեր հիվանդությունների նկատմամբ հակվածությունը և ազդում օրգանիզմի ծերացման արագության վրա: Այնուամենայնիվ, ակտիվ երկարակեցությունը ոչ միայն ժառանգականություն է, այլև կենսակերպ։

Կանոնավոր ֆիզիկական ակտիվությունը, ճիշտ սնունդը, վատ սովորություններից հրաժարվելը և ժամանակին բժշկական կանխարգելումը կարող են զգալիորեն երկարացնել ակտիվ կյանքը և պահպանել առողջությունը նույնիսկ անբարենպաստ ժառանգականություն ունեցող մարդկանց համար», – նշում են մասնագետները։