Նվիրվածությունը կարևոր հատկություն է ցանկացած մարդու համար։ Կենդանակերպի ոչ բոլոր նշաններն են նվիրված սիրո և ընկերության մեջ, ոչ բոլորն են պատրաստ մինչև վերջ գնալ մտերիմների հետ, անկախ ամեն ինչից աջակցելով նրանց։

Նվիրվածությունը կարևոր է ոչ միայն սիրո, այլ նաև ընտանեկան կապերի, ընկերության, աշխատանքի մեջ։ Կան Կենդանակերպի նշաններ, ովքեր փնտրում են միայն իրենց շահը, ուստի նրանցից նվիրվածություն չպետք է սպասել։ Չի կարելի դատապարտել այդ մարդկանց, քանի որ ոչ ոք չգիտի նրանց իրական նպատակները, արատները և թուլությունները:

Խոյ

Խոյերը նվիրված են, նրանք ընկերներին դժբախտության մեջ չեն թողնում: Ընդ որում՝ սա վերաբերում է Կենդանակերպի այս նշանի գրեթե բոլոր ներկայացուցիչներին: Խոյերն իրենց զգացմունքները հենց նվիրվածությամբ են արտահայտում: Եթե նույնիսկ նրանք չեն ցանկանում օգնել ձեզ, միևնույն է, չեն մերժի: Նրանք բավական արագ ռիթմով են ապրում, սակայն ժամանակ են գտնում ընկերների և մերձավորների համար:

Ցուլ

Ցուլերը նվիրված են, բայց ոչ միշտ, և հաճախ նրանց շարժառիթներն ավելի ուշ են պարզ դառնում, երբ նրանք ձեզ հիշեցնում են իրենց բոլոր ջանքերի մասին: Ցուլերի բնավորության մասին կարող են պատմել նրանց արարքները, քանի որ նրանք հազվադեպ են կարողանում իրենց տիրապետել: Նրանք նման են բաց գրքի: Նրանք կօգնեն ձեզ, բայց հետո ստիպված կլինեք պատասխան օգնություն ցուցաբերել:

Երկվորյակներ

Երկվորյակները շատ են ցանկանում նվիրված երևալ, բայց վատ է ստացվում: Եթե նրանք իրենց հարմարավետության գոտում են, հազիվ թե դուրս գան դրանից՝ ձեզ օգնելու համար: Բանն այն է, որ նրանք մանրախնդիր չեն, բայց շատ են սիրում իրենց լավ զգալ: Նրանք կմոռանան այն ամենը, ինչ արել եք իրենց համար, բայց հնարավորություն ունեք հիշեցնելու, եթե ջանաք:

Խեցգետին

Խեցգետիններն ամենանվիրված մարդիկ են, բայց միայն մարդկանց որոշակի շրջանակի համար: Իրենց ընտանիքի համար նրանք ամեն ինչ կանեն՝ նույնը ձեզանից պահանջելով, եթե իրենց մտերիմների թվում եք: Ընտանեկան հարաբերություններում էներգետիկան նրանց համար ամեն ինչում որոշիչ է: իսկ եթե Խեցգետնի լավագույն ընկերը չեք, նրանից օգնություն ստանալու հավանականությունը զրոյի է հավասարվում: Եվ եթե նույնիսկ օգնեք նրանց, փաստ չէ, որ նրանք էլ ձեզ կօգնեն:

Առյուծ

Շատերն Առյուծներին եսասեր են համարում: Դա ճիշտ է, բայց մի՞թե դուք նույնպես չեք ցանկանում միայն ինքներդ ձեզ համար ինչ-որ բան անել: Առյուծները կարող են եսասիրության արքան լինել, բայց եթե գոնե մեկ անգամ օգնել եք նրանց, նույնը նրանցից կստանաք: Առյուծները դժբախտության մեջ չեն թողնի նրանց, ովքեր իրենց կողքին են եղել դժվարին պահին:

Կույս

Կույսերն օգնում են շրջապատին՝ իրենց նախանձողներից պաշտպանվելու համար, քանի որ Կենդանակերպի այս նշանի ներկայացուցիչների մեծ մասը հավատում է, որ օգնելով մարդկանց՝ նրանց ստիպում են դադարել իրենց վատ վերաբերվել: Բայց կան նաև Կույսեր, որոնք օգնում են միայն նրանց, ովքեր իրենց են օգնում:

Կշեռք

Կշեռքների համար էներգիայի և դրական էմոցիաների աղբյուր է փոխադարձ նվիրվածությունը: Նրանք գնահատում են մարդկանց, որոնք իրենց համար ինչ-որ հաճելի բան են անում, այդ պատճառով իրենք էլ փորձում են բարությամբ պատասխանել: Իհարկե, իրական աշխարհում հազվադեպ է նման բան լինում, բայց Կշեռքները կարողանում են սպասել, այդ պատճառով միշտ շրջապատված են սիրով և լավ ընկերներով: Կշեռքները հազվադեպ են հիասթափվում, բայց նույնիսկ այդ դեպքում պահպանում են լավատեսությունը:

Կարիճ

Կարիճներն իրենց նվիրվածությամբ միշտ փորձում են հարթել կոնֆլիկտները: Նրանք ուզում են աշխարհը ներդաշնակության մեջ տեսնել, այդ պատճառով նրանք չեն դադարում օգնել մտերիմ մարդուն կամ ընկերոջը: Կարիճները դժվարությամբ են բացասական որոշումներ կայացնում: Նրանք չեն ցանկանում, որպեսզի իրենց կյանքում պարզապես մարդիկ լինեն, որոնք կարող են ինչ-որ բան անել իրենց համար: Նրանք միշտ պատրաստ են ընդառաջ գնալ:

Աղեղնավոր

Աղեղնավորները կարող են ինչպես նվիրված լինել, այնպես էլ հակառակը: Նրանք կարող են քամել ձեր վերջին հյութերը, իսկ փոխարենը ոչինչ չառաջարկել: Ընդհանուր առմամբ, նրանք բարի են, բայց միանգամայն անհագ, որոնք ձգտում են նվազագույն ժամանակահատվածում առավելագույն շահը ստանալ: Զգույշ եղեք Աղեղնավորների հետ, մինչև լավ չճանաչեք նրանց:

Այծեղջյուր

Ընդառաջ գնալու ցանկության բացակայությունն Այծեղջյուրներին խանգարում է երջանիկ լինել: Կենդանակերպի այս նշանի ներկայացուցիչները դժվարությամբ են հասկանում նվիրվածության կարևորությունը: Նրանք մանրախնդիր մարդիկ են, որոնց փոխելն անհնար է: Պարզապես նրանք տարօրինակ են ընկալում իրականությունը: Երբ նրանց ինչ-որ բանի համար մեղադրում են, նրանք չեն հասկանում դա, քանի որ չեն ցանկանում կամ վախենում են փոխվել:

Ջրհոս

Ջրհոսների առույգության գաղտնիքն իրենք իրենց մշտապես բարելավելու ձգտման մեջ է: Նրանք գիտեն նվիրվածության գինը, այդ պատճառով Կենդանակերպի այս նշանի շատ ներկայացուցիչներ կարող են ձեր շրջապատի ամենանվիրված մարդիկ լինել: Հանուն ընկերների նրանք պատրաստ են ճամփա ընկնել անձրևի, ձյան և փոթորկի պայմաններում:

Ձկներ

Ձկներն ինչ-որ մեկին օգնելու ցանկությամբ չեն այրվում, բայց եթե նրանք ընտրության կամ մերժելու առիթ չունեն, կօգնեն ձեզ: Ընդհանրապես, նրանք կարող են բավական նվիրված համարվել: Միակ բանը, որ պահանջվում է ձեզանից, նորմալ և քաղաքավարի խնդրելն է: Իհարկե, կարող եք նաև սպառնալ, բայց հետո հիմարի տեսք կունենաք: Ձկները կարող են միանգամայն ուժեղ անհատներ լինել, որոնք չեն ներում վիրավորանքը: