Յուրաքանչյուր մարդ կյանքի որոշակի փուլում մտածում է, թե ինչու է եկել այս աշխարհ, ո՞րն է իր առաքելությունը։ Իհարկե, մենք կարող ենք համաձայնել, որ մարդկությունը մեր վերարտադրման կարիքն ունի, բայց մենք իսկապես չենք ուզում հավատալ, որ մենք բոլորս պարզապես գլոբալ «ինկուբատորի» մասնիկներ ենք։ Իսկ կյանքն էլ իր հերթին ապացուցում է, որ դա բոլորովին այդպես չէ, քանի որ յուրաքանչյուր մարդ յուրահատուկ է։ Ոմանք ծնվել են աշխարհում գլոբալ գաղափարներ տարածելու համար, մյուսները ուրախացնում են մարդկությանը իրենց գյուտերով, երրորդները ստեղծում են համաշխարհային մշակույթի գլուխգործոցներ, իսկ չորրորդները՝ հետևում են Երկրի վրա կյանքի պահպանմանն ու ապահովմանը:
Հոգևոր առաքելություն. խոսելով հոգևոր առաքելության մասին՝ ոմանք հղում են անում կարմային: Սա այն ճանապարհն է, որը տրվում է մեզ ծնվելիս, իսկ թե ինչպես ենք մենք այն անցնում՝ կախված է բացառապես մեզանից: Կենդանակերպի համաստեղությունները հսկայական ազդեցություն ունեն կարմայական ճանապարհի վրա, ինչը նշանակում է, որ յուրաքանչյուր մարդ կարող է պարզել իր առաքելությունը՝ իր կենդանակերպի նշանով: Իսկ ինչի՞ համար եք այս աշխարհ եկել դուք:
Խոյ
Խոյերը պիոներներ են, ռահվիրաներ: Սրանք խիզախ մարդիկ են, որոնց առաքելությունն է առաջնորդել մարդկությանը։ Նրանք նաև առաջադեմ գաղափարների գեներատորներ են, որոնք օգնում են մեզ բոլորիս զարգանալ: Միևնույն ժամանակ, Խոյն ինքը գաղափարներն իրականություն չի դարձնում։ Նա տալիս է միայն ցանկալի ուղերձը, որից հետո ուրիշները վերցնում են այն և ստեղծում մեզանից յուրաքանչյուրի համար նոր ու անհրաժեշտ բան։ Բացի այդ, Խոյերի կյանքը մշտապես կապված է պայքարի ու հաղթահարման հետ։ Զարմանալի չէ, որ մարդկության համար Մարսի հովանավորյալը նաև մոդել է դառնում, թե ինչպես կարելի է ինքնուրույն կառուցել սեփական կյանքը։
Ցուլ
Ցուլը բեղմնավոր և իր երեխաներին սիրող մայր Երկրի մարմնավորումն է: Այս մարդն օժտված է սերմերից գեղեցիկ ու բերրի ծառ աճեցնելու շնորհով։ Իրականում սա քրտնաջան ստեղծագործող է, ում առաքելությունն է իրականացնել և կյանքի կոչել այն, ինչը հորինում են այլ մարդկանց փայլուն ուղեղները: Այս մարդու ուժը բծախնդրության և անհավատալի համբերության մեջ է, չէ՞ որ եթե Ցուլը շեղվեց, ապա բոլոր սերմերը քամին կցրի, և եթե նա թողնի աշխատանքը անավարտ, շատ փայլուն գաղափարներ երբեք լույս չեն տեսնի: Ցուլի քրտնաջան աշխատանքը նշաձող է, և այս առումով նա իսկական օրինակ է։
Կարդացեք նաև՝ Ձեր առաքելությունն ու կարման ըստ ծննդյան ամսաթվի
Երկվորյակներ
Երկվորյակների առաքելությունը գիտելիքների մեջ է: Այս մարդիկ ոչ մի հարց անպատասխան չեն թողնի, նրանք միշտ կհասնեն գործի խորքին և կգտնեն ճիշտ լուծումը, եթե դա պահանջեն հանգամանքները: Երկվորյակները հստակ գիտեն, որ տեղեկատվությունը երբեք «վնասակար» կամ «օգտակար» չի լինում։ Ցանկացած գիտելիք ունի իր արժեքը, եթե դրա համար ճիշտ կիրառություն գտնես: Սա Երկվորյակների գլխավոր հոգևոր առաքելությունն է։ Նրանք գիտելիքներ են բերում մարդկանց, տալիս արժեքավոր տեղեկատվություն, որը հեշտացնում է մեր կյանքը, երբեմն նույնիսկ փրկում է մեր կյանքը:
Խեցգետին
Խեցգետնի առաքելությունն է մարդկանց փոխանցել զգացմունքների կարևորությունը։ Հենց այս մարդն է, ով կկարողանա ձեզ սովորեցնել անկեղծություն, կարեկցանք, փոխադարձություն և երախտագիտություն, նա է, ով ցույց կտա, որ ցանկացած արժեք խամրում է մարդկային հարաբերությունների արժեքի կողքին: Նաև, մարդկանց մեծամասնության համար Խեցգետինը ընտանիքի մարդու մոդել է, ով հարգում է ընտանեկան ավանդույթները և ամրացնում ընտանեկան կապերը: Որպես վարձատրություն իր ջանքերի համար՝ այս նշանի ներկայացուցիչը կգտնի իսկական մեծ ու սիրառատ ընտանիք։ Մնում է բազմապատկել այն և ձեր գիտելիքները փոխանցել մատաղ սերնդին։
Առյուծ
Առյուծը Կենդանակերպի շրջանի ամենաուժեղ և ինքնավստահ ներկայացուցիչներից մեկն է։ Այդ իսկ պատճառով նրա հոգևոր առաքելությունը մարդկանց կառավարելն է։ Առյուծները հիանալի կազմակերպիչներ և մենեջերներ են, և, հետևաբար, նրանք դառնում են հիանալի քաղաքական գործիչներ, գործարարներ և խոշոր կազմակերպությունների ղեկավարներ: Նրանց հստակ առաջնորդության ներքո մարդկությունը վստահորեն առաջ է շարժվում, քանի որ Առյուծն ունի անհրաժեշտ ամրությունն ու խստությունը, բայց միևնույն ժամանակ հմայքը և արդարության բարձր զգացումը: Եվ նրանց շրջապատողները կարող են սովորել այս մարդուց ազնվականություն, որը Առյուծի մոտ ակնհայտ է:
Կույս
Կույսերը գալիս են այս աշխարհ կարգ ու կանոն հաստատելու և քաոսից ազատելու համար։ Նրանք իրենց հետ բերում են կայունություն, ջերմություն և տան հարմարավետություն։ Իսկ շրջապատողները սովորում են Վեներայի հհովանավորյալներից՝ կազմակերպել իրենց կյանքը և դրանով իսկ հեշտացնել այն: Բացի այդ, Կույսերը կրում են պաշտպանների առաքելությունը։ Նրանք հիանալի փրկարարներ, բժիշկներ, հրշեջներ կամ անվտանգության աշխատակիցներ են: Նրանք պատվի ու խիզախության անձնավորությունն են, ինչի շնորհիվ մեծ հարգանք են վայելում շրջապատի կողմից։ Ավելին, մարդկությունը նրանցից կարեկցանք է սովորում և այդպիսով դառնում է ավելի հոգատար միմյանց հանդեպ:
Կարդացեք նաև՝ Կենդանակերպի նշանների հոգևոր տաղանդները
Կշեռք
Կշեռքները մեր աշխարհի գեղեցկությունը ամենափոքր մանրամասնությամբ տեսնելու զարմանալի ունակություն ունեն: Այն, որ ուրիշները չեն նկատում, այն, ինչը նրանք ընդհանրապես չեն կարևորում և չեն գնահատում, Կշեռքները մեծ ուշադրություն են դարձնում և դա փոխանցում են ուրիշներին։ Եվ սա է այս նշանի անհատականությունների մեծ արժեքը։ Նրանք այս աշխարհը դարձնում են ավելի լավ վայր՝ ցույց տալով նրա բազմազանության ողջ գեղեցկությունը, ինչը նշանակում է օգնել մարդկությանը ընդլայնել իր հորիզոնները և զարգացնել իր հոգևոր աշխարհը: Ի դեպ, Կշեռքներից իսկական հոգևոր ուսուցիչներ են ստացվում։ Թերևս դա է պատճառը, որ մյուսներն այդքան ձգտում են դեպի այդ մարդիկ։
Կարիճ
Այս նշանի անձնավորություններն առանձնանում են իրենց անմիջականությամբ, և միևնույն ժամանակ նրանք այնքան խորաթափանց են, որ կարողանում են ցանկացած մարդու տեսնել տառացիորեն ուղիղ և միջով։ Նման շնորհն օգնում է մարդկանց բացահայտել սեփական մութ կողմերը, ցույց տալ, որ յուրաքանչյուր մարդ բացի դրական հատկություններից ունի նաև մի շարք բացասական հատկություններ, որոնք նա փորձում է թաքցնել հետաքրքրասեր աչքերից։ Թերևս, շատերին դուր չի գալիս Կարիճիի այս «կեղտոտ» աշխատանքը, բայց իրականում մեզանից յուրաքանչյուրը երբեմն կարիք ունի ինքն իրեն նայելու կողքից։ Առանց դրա անհնար է զարգանալ և կատարելագործվել։ Իսկ Մարսի հովանավորյալներն իրենց դժվարին առաքելությունը կատարում են գերազանց գնահատականով։
Աղեղնավոր
Երբեմն թվում է, թե անհոգ Աղեղնավորն այս աշխարհ է եկել մեկ նպատակով` աննպատակ սպառել կյանքը և օր օրի պարապ զվարճանալ: Իրականում դա այդպես չէ։ Այս նշանի անհատականությունները կրում են որոշակի առաքելություն, այն է՝ նրանք սովորեցնում են շրջապատող մարդկանց հեշտությամբ վերաբերվել կյանքին, կորուստները հումորով ընկալել և չանհանգստանալ մանրուքներից։
Թերևս ավելի մեծ հարգանք կունենայիք այս մարդկանց առաքելության նկատմամբ, եթե իմանայիք, թե որքան կյանք են նրանք կարողացել փրկել կյանքի հանդեպ իրենց հեշտ վերաբերմունքի շնորհիվ, և որքան մարդ է փրկվել դեպրեսիայից՝ շփվելով կենսուրախ Աղեղնավորի հետ:
Այծեղջյուր
Այծեղջյուրները անհավատալի տոկունություն ունեցող անհատներ են: Այդ իսկ պատճառով այս մարդիկ ի ծնե օժտված են հատուկ առաքելությամբ. նրանք հավերժական արժեքների պահապաններն են, որոնք թույլ են տալիս մարդկությանը գոյություն ունենալ: Հենց այս ավանդույթների ապոլոգետներն են երաշխավորում, որ կյանքը Երկրի վրա երբեք չանհետանա: Մարդկությունը կգոյատևի հենց համառ և աննկուն Այծեղջյուրների շնորհիվ՝ անկախ ցանկացած հանգամանքից։ Իսկ մյուսները պետք է սովորեն Այծեղջյուրների աշխատունակությունը և համառորեն գնան իրենց նպատակին: Այս առումով Երկրի տարրերի ներկայացուցիչները հավասարը չունեն։
Ջրհոս
Ջրհոսները Երկրի վրա հատուկ նպատակ ունեն: Այս անհատականությունները սովորեցնում են ուրիշներին երբեք կանգ չառնել, գնալ դեպի իրենց նպատակը և անընդհատ ոգեշնչում փնտրել իրենց մեջ: Միայն այս կերպ, ամբողջապես նվիրվելով սիրելի գործին, հանձնվելով դրված նպատակին, հաղթահարելով ներքին վախերը և խուսափելով ծուլությունից, կարող ես ինչ-որ արժեքավոր բան անել ողջ մարդկության համար և դրանով իսկ թողնել քո հետքը պատմության մեջ:
Ճիշտ է, միևնույն ժամանակ, ըստ կարմայական ուղու, այս նշանի անձնավորությունները ստիպված կլինեն ապրել միայնության ողջ դաժանությունն ու ցավը: Եվ դա կարող է մարդկությանը սովորեցնել չկրկնել Ջրհոսի սխալները։
Ձկներ
Ձկների նշանի ներկայացուցիչներին է տրված Երկրի վրա ամենակարևոր առաքելություններից մեկը: Այս մարդիկ եկել են մեր աշխարհ՝ փրկելու մարդկության հոգիները: Նրանք նրբորեն զգում են յուրաքանչյուր մարդու և միշտ օգնության են հասնում՝ փրկելով շրջապատող մարդկանց հոգեկան խորը վերքերից։ Ձկները գիտեն լսել, նրանք տոգորված են այլ մարդկանց խնդիրներով, խորապես կարեկցում են նրանց և դրանով իսկ վերցնում են նրանց ցավը: Այս առումով նրանց առաքելությունը աներևակայելի դժվար է և անշնորհակալ գործ։ Բայց Նեպտունի հովանավորյալները ուրախանում են այն փաստի գիտակցմամբ, որ նրանք մարդկությանը սովորեցնում են կարեկցանք և բարություն:
Գրանցվիր մեր 
