Սիրո մեջ ամենամեծ խնդիրներից մեկը խանդն է: Դա կարող է առաջանալ նույնիսկ առանց պատճառի և մեծապես վնասել հարաբերություններին: Աստղաբանները տղամարդկանց շրջանում առանձնացնում են Կենդանակերպի հետևյալ նշանները, որոնց կարելի է անվանել պրոֆեսիոնալ խանդոտներ:
Կարիճ
Նա խանդոտ տղամարդկանց մեջ առաջատարն է: Կարիճը նույնիսկ անկենդան իրերի հանդեպ կարող է խանդել իր ընտրյալին: Նրանք սեփականատերեր են, ովքեր թույլ չեն տա, որ իրենց երկրորդ կեսը մեկ քայլ հեռու գնա իրենցից: Աղջկա նախկին հարաբերությունները միայն խթանում են Կարիճի կասկածները: Իսկ եթե աղջիկը կապ պահի իր նախորդ զուգընկերոջ հետ, ապա Կարիճը կխելագարվի: Դրանից կարելի է խուսափել միայն այն դեպքում, երբ աղջիկը ընդհանրապես դադարեցնի շփվել իր նախկինի հետ կամ հիշատակի նրան վատ համատեքստում: Հակառակ դեպքում արժե պատրաստվել փորձանքի: Ի վերջո, Կարիճները հաճախ վրեժխնդիր են, հիշաչար ու կասկածամիտ:
Առյուծ
Առյուծի խանդը կդրսևորվի շատ հաճախ ու առանց պատճառի: Սակայն Առյուծը ոչ մի կերպ դա ցույց չի տա: Նա նույնքան հանգիստ ու անվրդով կլինի: Նա ցանկանում է անընդհատ ուշադրության կենտրոնում լինել: Եթե նրա ընկերուհին շատ շփվի ուրիշի հետ, ապա Առյուծին դա դուր չի գա: Այս նշանը պատրաստ է նույնիսկ գնալ խորամանկության՝ իր ընտրյալի ուշադրությունը վերադարձնելու և նրա համար կրկին առաջին տեղում լինելու համար: Կարելի է ասել, որ Առյուծները խանդոտ չեն, այլ միայն ուզում են գերազանցել մնացած բոլոր տղամարդկանց: Ավելին, Առյուծները հեշտությամբ կարող են թույլ տալ, որ իրենց ընկերուհին միայնակ գնա երեկույթի: Կարևորը, որ նա ավելի հաճախ զանգահարի և ասի, որ ձանձրանում է: Իսկ եթե նրա տիկինը սկսի սիրախաղ անել մեկ ուրիշի հետ, դժվար թե Առյուծը ների նման պահվածքը:
Խոյ
Կենդանակերպի այս նշանի ներկայացուցիչներն իրենց մեջ զայրույթ ու խանդ չեն կուտակում, այլ առաջին իսկ հնարավորության դեպքում անմիջապես արտահայտում են ամեն ինչ: Սրանք շատ տաքարյուն անձնավորություններ են, որոնք կարող են նույնիսկ հարաբերություններ պարզելիս՝ կոտրել սպասքը: Մյուս կողմն այդ պահերին ավելի լավ է լռի: Ոչ մի փաստարկ և արդարացում չի փրկի ձեզ այս իրավիճակում: Պարզապես պետք է սպասել, երբ Խոյը կհանդարտվի: Դրանից հետո հնարավոր կլինի սկսել ռացիոնալ երկխոսություն: Լավը այն է, որ այդպիսի տղամարդիկ արագ հետ են քաշվում և կարող են նույնիսկ խոստովանել, որ սխալվել են: Ավելին, նրանք իրենց բոլոր սխալները քավում են նվերներով:
Ցուլ
Հենց այնպես նման տղամարդը չի խանդի: Մի կողմից, սա նույնիսկ լավ է: Ի վերջո, չի հաջողվի Ցուլին զայրացնել ուղղակի ուշ տուն վերադառնալով: Սակայն, եթե նա իսկապես կասկածներ ունենա, նա կսկսի ավելի խորը փորփրել ու հաստատ ինչ-որ բան կգտնի: Նրանք հոգու խորքում իսկական դետեկտիվներ են: Հատկապես, երբ խոսքը սիրո ճակատի մասին է: Ցուլ տղամարդը կարող է հեշտությամբ վերածվել մասնավոր դետեկտիվի և տանից մինչև աշխատավայր, իսկ հետո աշխատավայրից վերադառնալուց՝ հետևել իր ընտրյալին: Եթե նրա կասկածները հաստատվեն, ապա կարող եք մեկընդմիշտ մոռանալ հարաբերությունների մասին: Այստեղ կա երկու հնարավորություն: Ցուլերը կարող են ինքնուրույն հեռանալ կամ դռնից դուրս հանել իրենց ընկերուհու իրերը: Աղջկա հետագա ճակատագիրը Ցուլին բոլորովին էլ չի հետաքրքրում:
Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:
