Սերը միայն կիրք չէ, այն նաև հուզական մերձեցում է։ Որպեսզի տղամարդն իսկապես «կապվի» ձեզ հոգեպես, բավական չէ պարզապես հանդիպել. անհրաժեշտ է ստեղծել այնպիսի ամուր կապ, որը սովորական ժամադրությունները կվերածի խորը և երկարատև հարաբերությունների։
Չմոռանաք բաժանորդագրվել մեր Telegram ալիքին:
Շատ կանայք բախվում են մի իրավիճակի, երբ հարաբերությունները լճանում են «ուղղակի հանդիպում ենք» փուլում, և չեն հասկանում, թե ինչու տղամարդու մոտ չի առաջանում հուզական կապվածություն։
Պատճառը տղամարդկանց՝ պարտավորություններից վախենալը չէ։ Հաճախ խնդիրն այն է, որ տղամարդը պարզապես հուզական մտերմություն չի զգում ձեզ հետ։ Առողջ կապվածությունը կառուցվում է հավասարակշռության վրա. դուք ժամանակ եք անցկացնում միասին, բայց միևնույն ժամանակ կարողանում եք գնահատել անձնական տարածքն ու սեփական ժամանակը։
Ահա կանացի 5 սովորություն, որոնք տղամարդկանց մոտ ուժեղ զգացմունքներ են արթնացնում.
1. Սիրեք նրան այնպիսին, ինչպիսին նա կա
Մի՛ փորձեք «կատարելագործել» տղամարդուն կամ նրա մեջ տեսնել միայն պոտենցիալը։ Տղամարդիկ գնահատում են, երբ իրենց ընդունում են առանց ճնշումների և փոխելու փորձերի։ Եթե հենց սկզբից հարաբերությունները կառուցվում են այն ակնկալիքով, որ նա «կփոխվի», տղամարդը կարող է զգալ, որ ինքը բավականաչափ լավը չէ ձեզ համար, և պարզապես կհեռանա։
2. Ստեղծեք հուզական անվտանգություն
Հուզական անվտանգությունն այն միջավայրն է, որտեղ տղամարդը կարող է լինել ինքն իրենով, կիսվել մտքերով և ապրումներով՝ չվախենալով քննադատությունից։ Լսեք նրան, հետաքրքրություն ցուցաբերեք և աջակցեք՝ առանց դատապարտելու։ Երբեմն նրան պարզապես պետք է, որ իրեն լսեն, այլ ոչ թե լուծում տան խնդրին։
3. Պահպանեք թեթևությունն ու աշխուժությունը
Դրական հույզերը ստեղծում են ձեր մասին ամուր և հաճելի հիշողություններ։ Հարաբերությունների սկզբում կարևոր է պահպանել թեթևությունն ու կանացի խաղկունությունը։ Տղամարդիկ հաճախ ավելի դանդաղ են որոշում կայացնում լուրջ քայլերի դիմելու համար, իսկ թեթև մթնոլորտն օգնում է նրանց բացվել։
Կարդացեք նաև՝ Կանացի ո՞ր գծերն են «խելաքահան անում տղամարդկանց». նշվել է 4 նուրբ հատկանիշ
4. Եղեք անկեղծ և բաց
Անկեղծությունն ու իրական զգացմունքները ցույց տալու կարողությունն օգնում են ստեղծել հուզական մտերմություն։ Երբ դուք ներկայանում եք առանց «ֆիլտրերի», տղամարդը վստահություն է զգում և ցանկանում է պատասխանել նույն կերպ։ Հոգեբանությունը փաստում է, որ խորը կապվածությունը ձևավորվում է փոխադարձ հուզական բացության և դիմացինի զգացմունքների հանդեպ հոգատարության միջոցով։
5. Տվեք նրան տարածություն, որպեսզի ձգտի դեպի ձեզ
Խուճապի մի՛ մատնվեք, եթե տղամարդը փոքր-ինչ հեռանում է։ Չափից ավելի ճնշումը կամ հարաբերությունները վերահսկելու փորձերը կարող են հակառակ ազդեցությունն ունենալ. տղամարդը կսկսի էլ ավելի հեռանալ։ Ստեղծելով հետաքրքիր և հագեցած կյանք ինքներդ ձեզ համար՝ դուք դրդում եք նրան գալ ձեր հետևից և նվաճել ձեզ, այլ ոչ թե հակառակը։
Այս պարզ սովորությունները կօգնեն ստեղծել առողջ հուզական կապվածություն և կառուցել այնպիսի հարաբերություններ, որտեղ երկու զուգընկերներն էլ իրենց կարևոր և սիրված կզգան:
Գրանցվիր մեր 
