fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Սիլվա Կապուտիկյան - Լիլիթ

Սիլվա Կապուտիկյան – Լիլիթ

«Եվա» էին շշնջում նրա շրթները,
սակայն «Լիլիթ» էր արձագանքում նրա հոգին։
Ավետիք Իսահակյան

Նախամարդու զույգ քարերից բռնկված պեծ
Ու նեոնե կրակների ծփա՜նք դու պերճ.
Ի սկզբանե աննյութ, անմար, անհուն, անվերջ,
Լիլիթ, Լիլիթ։

Դու՝ աշխարհի աչքից դարեր գաղտնեգրված,
Հոգու թաքուն կարոտներից հրահրված,
Քո գաղտնությամբ առավել քա՛ղցր, առավել գա՜նձ,
Լիլիթ, Լիլիթ։

Սրտերի մեջ դու՝ տոնական օր ու անկյուն,
Դու՝ խոյանքի, խինդի, խանդի, տենդի ակունք,
Դու և՛ մարմի՜ն, դու և՛ թևե՜ր, դու և՛ անկում,
Լիլիթ, Լիլիթ։

Շուրջը՝ հողե, ու հաց, ու հոգս – իսկ դու ցնորք,
Դու՝ միայն փայլ, ամեն օր՝ այլ, ամեն օր՝ նոր,
Կանչող, տանջող, այրվող, այրող – ու հոգնեցնո՜ղ,
Լիլիթ, Լիլիթ։

Այնտեղ սենյակ գողտր ու տաքուկ – ու դու՝ փողոց,
Այնտեղ օջախ – դու՝ անհանգիստ խարույկի բոց,
Այնտեղ անդորր – դու՝ անդադրում խռովք ու խոց,
Լիլիթ, Լիլիթ։

Այնտեղ Եվան – դու՝ անվավեր ու անստույգ,
Դու՝ հրեղեն արյան շառաչ ու՝ անպտո՜ւղ,
Մենա՜կ, մենա՜կ, երկրից, երկնից, դրախտից՝ դո՜ւրս,
Լիլիթ, Լիլիթ։

կարդացեք նաև

Կենդանակերպի 3 ամենաօրհնված նշանները, որոնց հովանավորում են Վերին ուժերը

Ահա կենդանակերպի 3 առավել երանելի նշանները, որոնց դժվարին իրավիճակներում միշտ օգնության են հասնում Վերին ուժերը: Մեզանից շատերը գուցե նկատել են, որ ոմանք կյանքում ավելի հաջողակ...

Ընդհանուր գիտելիքների ԹԵՍՏ, որի վերջում կպարզվի իրո՞ք բազմագիտակ եք, թե՞ գլուխ եք գովում

Հարգելի ընթերցողներ մենք ընդհանուր գիտելիքները ստուգող նոր թեստ ունենք: Մենք գիտենք, որ դուք այս թեստերը սիրում եք և հաճույքով անցնում: Փորձեք նաև մեր այս...

Նումերոլոգիա. Ի՞նչ է նշանակում ձեր տան կամ բնակարանի համարը

Նումերոլոգիայի ոլորտի մասնագետները պնդում են, որ տան կամ բնակարանի համարը էապես ազդում է մեր կյանքի վրա: Իմացեք այդ ազդեցության առանձնահատկությունների մասին պարզ հաշվարկով: Կարևոր է...

Թեստ-պատրանք, որը կօգնի ձեզ ավելին իմանալ ձեր և ձեր ապագայի մասին

Թեստ-պատրանքները հիմնված են որոշակի պատկերներ կամ ֆիգուրներ առանձնացնելով` մարդու պատկերն ընկալելու ունակության վրա: Այսպիսի թեստերն ավելի հետաքրքրական են, քանի որ յուրաքանչյուր անձ նույն պատկերում...

Երջանիկ կյանքի բաղադրատոմսը՝ իմաստության 13 մարգարիտներում

Հիշեք՝ կյանքը անարդար է, բայց այն դեռ այնքան էլ վատը չէ: Իսկ եթե լավ մտածել՝ այն հրաշալի է: 1. Քայլեք ամեն օր 10-30 րոպե: Քայլելիս...