Ենթագիտակցության հետ աշխատելու մասնագետ, «Ենթագիտակցությունը կարող է ամեն ինչ անել» բեսթսելլերի հեղինակ Ջոն Քեհոն երկար տարիներ փորձում էր գտնել երջանկության համընդհանուր բանաձև, որը կօգներ յուրաքանչյուր մարդու սովորել ուրախանալ կյանքին:

Չմոռանաք բաժանորդագրվել մեր Telegram ալիքին:

Քեհոն շատ էր շփվում տարբեր մարդկանց հետ և չէր կարողանում հասկանալ, թե կոնկրետ ինչն է երջանկացնում մարդուն: Աղքատներն ասում էին, որ երջանիկ լինելու համար փող չունեն, միլիոնատերերն ունեին անթիվ գանձեր, բայց նույնպես երջանիկ չէին, տգեղները երազում էին իդեալական արտաքին ունենալու մասին, գեղեցիկները տառապում էին առանց իսկական սիրո…

Ջոն Քեհոն երջանկության գաղտնիքը փնտրում էր Տիբեթում և Ամազոնի ջունգլիներում, շփվում էր լուսավոր մարդկանց հետ, բայց արդյունքում այս գաղտնիքը տեղավորվեց ընդամենը մեկ արտահայտության մեջ, որն արտասանեց… ճանապարհի մյուս կողմում ապրող իր հարևանը: Նա ասաց, որ չպետք է փորձես երջանկության հասնել, պետք է հենց հիմա ապրել այնպես, կարծես արդեն երջանիկ ես։

1. Շփվեք ենթագիտակցության հետ

Քեհոն երջանկության հիմնական բաղադրիչներից է անվանել սեփական ներքին ձայնը, ինտուիցիան լսելու ունակությունը։ Այս իմաստուն խորհրդականը երբեք չի սխալվում, համոզված է գրողը։

«Յուրաքանչյուր մարդու հոգում կա որոշակի խորը միստիկ բաղադրիչ, որը դուրս է գալիս առօրյա կյանքի սահմաններից», – գրել է Քեհոն իր «Երջանկության գործնական դասընթաց» գրքում: «Կրոնասեր մարդիկ այն անվանում են Աստված կամ պահապան հրեշտակ, հոգեբանները՝ ենթագիտակցություն»:

Հենց այս ենթագիտակցությունն է, որ անընդհատ մեզ հուշում է մեր կյանքի ուրույն ուղին, խորհուրդ է տալիս իրականացնել մեր ցանկությունները։

Պարզապես պետք է սկսել նրան հարցեր տալ և լսել պատասխանները, որոնք կախարդական կերպով կհայտնվեն ձեր գլխում։ Իսկ հետո սովորեք անել միայն այն, ինչ ստիպում է ձեր սրտին ուրախ բաբախել:

2. Ապրեք ներկա պահով

Այս կանոնին դժվար է հետևել, եթե ապրում ես սովորական մարդու կյանքով, ով ունի բազմաթիվ խնդիրներ և չլուծված հարցեր։ Այն ավելի շատ հարմար է բուդդայական վանականներին, ովքեր ինչ-որ բան անում են ոչ թե արդյունքի, այլ հանուն գործողության։ Այսինքն՝ նրանք մի կողմ են դնում վախերն ու կասկածները վերջնական արդյունքի, հաջողության ու ձախողման վերաբերյալ, և ուղղակի ամբողջովին խորասուզվում են այն ամենի մեջ, ինչ անում են տվյալ պահին։

Կարդացեք նաև՝ Երջանկության 7 գաղտնիք, որոնք շատ կարևոր է իմանալ

Օրական մի քանի անգամ ցանկացած մարդ կարող է կենտրոնանալ ներկա պահի վրա՝ շեղվելով անցյալի ու ապագայի մասին մտահոգություններից։ Սա նաև օգնում է երջանկություն գտնել: «Մի՛ անհանգստացիր վաղվա օրվա համար, քանզի վաղվա օրն ինքը կհոգա իր մասին»,— ասում է Աստվածաշունչը։

Այսպիսով, երջանկությունը վերջնական նպատակակետ չէ, այն ինքնին կյանքի գործընթաց է:

«Մենք չենք կարող երջանկություն զգալ անցյալում կամ ապագայում», – գրում է Քեհոն: «Մենք կարող ենք երջանիկ լինել միայն տվյալ պահին»:

3. Գլխավորը՝ գործե՛ք

Պետք չէ նստել ու սպասել, որ երջանկությունը թափվի գլխիդ։ Դուք պետք է սկսեք գոնե փոքր քայլեր անել դեպի այն, ինչի մասին երազում եք։ Փորձեք ամեն օր անել այն, ինչ ձեզ ավելի է մոտեցնում երջանկությանը, մի հապաղեք, մի հանձնվեք: Գլխավորը գործելն է։

Եթե ​​ցանկանում եք փոխել ձեր կյանքը, անմիջապես սկսեք։ Այստեղ բացառություններ (կամ արդարացումներ) չեն կարող լինել, արդարացիորեն նշում է Քեհոն։