Երբեմն մենք հանդիպում ենք մարդկանց, ովքեր կարծես հենց միայն իրենց ներկայությամբ տրամադրում են դեպի իրենց։ Ոչ թե այն պատճառով, որ նրանք բոլորից սրամիտ են, վառ կամ քարիզմատիկ, այլ պարզապես նրանք կարողանում են լսել և իրապես տեսնել դիմացինին։
Չմոռանաք բաժանորդագրվել մեր Telegram ալիքին:
Եվ հակառակը. լինում ես երեկույթի, կանգնած ես բաժակով, ժպտում ես, բայց զրույցը հեչ չի ստացվում։ Բոլոր արտահայտությունները հնչում են լարված, և ի վերջո ավելի հեշտ է մի կողմ քաշվել ու լռել։
Սակայն համակրանքը չի ծնվում սրամտությունից։ Մարդիկ ձգվում են ոչ թե դեպի նրանց, ովքեր «հետաքրքիր են», այլ դեպի նրանց, ովքեր անկեղծորեն հետաքրքրված են իրենցով։ Դեպի նրանց, ում կողքին քեզ նկատված ու ընդունված ես զգում։
Հոգեբաններն սա անվանում են «համակրանքի էֆեկտ». մենք ավելի շատ սիրում ենք նրանց, ովքեր օգնում են մեզ լավ զգալ։ Եվ շատ հաճախ ամեն ինչ սկսվում է մեկ ճիշտ հարցից։
Ահա ութ պարզ արտահայտություն, որոնք օգնում են կապ հաստատել բառացիորեն րոպեների ընթացքում և թողնել ջերմ տպավորություն։
1. «Ինչպե՞ս եկար նրան, ինչով հիմա զբաղվում ես»
Չոր «Որտե՞ղ ես աշխատում»-ի փոխարեն՝ սա պատմություն պատմելու հնարավորություն է։ Լյուդիկանց դուր է գալիս խոսել իրենց առաջին քայլերի մասին, այն մասին, թե ինչն է իրենց ոգեշնչել և ուր են հասցրել կյանքի շրջադարձերը։ Սա անհատականության մի մասն է։
Ավելացրեք. «Իսկ ի՞նչն է քեզ դրանում ամենաշատը դուր գալիս», և մարդն է՛լ ավելի կբացվի։
2. «Ո՞րն էր շաբաթվա ամենալավ իրադարձությունը քեզ համար»
Պարզ արտահայտություն, որն անմիջապես բարձրացնում է տրամադրությունը։ Այն զրույցը տեղափոխում է դրական հուն և օգնում է մարդուն հիշել հաճելի պահերը։ Իսկ լավ հույզերը վարակիչ են։
3. «Լսի՛ր, հետաքրքիր է քո կարծիքը…»
Մեզ բոլորիս համար կարևոր է զգալ, որ մեր հայացքները գնահատվում են։ Կարծիք հայտնելու խնդրանքը մարդուն տալիս է կարևորության զգացում։ Երբ մեզ լսում են, մենք ինքնաբերաբար ձգվում ենք դեպի դիմացինը։
4. «Ի՞նչ ես սիրում անել, երբ չես աշխատում»
Աշխատանքի մասին խոսակցությունները հազվադեպ են մտերմացնում։ Այնինչ հոբբիները, սիրելի վայրերը, գրքերը՝ այդ ամենը ցույց է տալիս մարդուն կենդանի ու իրական։ Եթե զրուցակիցն ասի՝ «Սիրում եմ զբոսնել», հարցրեք. «Սիրելի վայր ունե՞ս»։
Կարդացեք նաև՝ Ճիշտ առաջին տպավորություն թողնելու 3 գաղտնիք
5. «Հետաքրքիր է հնչում, կպատմե՞ս մի փոքր ավելի մանրամասն»
Կարճ, բայց շատ հզոր արտահայտություն։ Այն ցույց է տալիս, որ դուք լսում եք, այլ ոչ թե պարզապես սպասում եք ձեր հերթին։ Սա կոչվում է «ակտիվ լսում»։
6. «Դու մի՞շտ ես այստեղ ապրել»
Նուրբ ու պարզ հարց, որը ճանապարհ է բացում դեպի հիշողություններ։ Եթե մարդն եկել է այլ տեղից, զրույցը հեշտ է շարունակել. «Ի՞նչը քեզ բերեց այստեղ» կամ «Ինչի՞ համար ես ամենաշատը կարոտում տունը»։
7. «Ի՞նչն է քեզ ուրախացրել վերջին շրջանում»
Հարց, որն ակնթարթորեն փոխում է մթնոլորտը։ Յուրաքանչյուրին հաճելի է հիշել մի փոքրիկ ուրախություն։ Դրականը վարակում և մտերմացնում է նույնիսկ անծանոթ մարդկանց։
8. «Ինչի՞ն ես հիմա առանձնահատուկ սպասում»
Արտահայտություն, որն հայացքն ուղղում է դեպի ապագան։ Երբ մարդը երազում է հաճելի բանի մասին, ուղեղն ինքնաբերաբար արտադրում է ուրախության հորմոններ։
Ամփոփում
Ի վերջո, կարևորը կատարյալ արտահայտությունը կամ փայլուն մատուցումը չէ։ Կարևորը կողքին իրական լինելն է։
Մարդիկ հազվադեպ են հիշում ճշգրիտ բառերը, բայց նրանք միշտ հիշում են, թե ինչպես են իրենց զգացել։ Զգացե՞լ են արդյոք ջերմություն։ Նկատվա՞ծ են եղել։ Ընդունվա՞ծ են եղել։ Մի՛ փնտրեք զրույցի կատարյալ սկիզբ, փնտրե՛ք անկեղծ հայացք և ուշադրություն։
Գրանցվիր մեր 
