ՊՈԵԶԻԱ

Համո Սահյան – Իսկ ինձ ասում են թե խելոք մնա

8765990308_181e3f5cb4_oOվկիանոսները ելնում են ափից
Եվ պատառոտում իրենց անխնա…
Խելագարվել է կյանքը տագնապից,
Իսկ ինձ ասում են՝ թե խելոք մնա:
Խաղաղ օրերը գնում են ձեռից,
Ի՞նչ է լինելու, մարդ ի՞նչ իմանա:
Խելագարվել է աշխարհն իմ խելքից ,
Իսկ ինձ ասում են՝ թե խելոք մնա
Խելագարվել են ցորեն ու բողբոջ,
Խուտուտ տաս՝ քարի ուշքը կգնա,
Խելագարվել է տիեզերքն ամբողջ,
Իսկ ինձ ասում են ՝ թե խելոք մնա:
Խելագարվել է տիեզերքն ամբողջ,
Աչքերը չռել իմ հոգու վրա…
Ես իմ մոխրի մեջ վառվում եմ անբոց ,
Իսկ ինձ ասում են՝ թե խելոք մնա:
Ես իմ մոխրի մեջ վառվում եմ անբոց,
Խելագարվածներ մոտիկ ու հեռու:
Բայց կյանքս անցավ……Եվ հազար ափսոս,
Որ հնար չունեմ խելագարվելու:

Նախորդ նյութը

Երկու առվակ - առակ

Հաջորդ նյութը

Այսօր աննման Մոնիկա Բելուչիի ծննդյան օրն է (30 ֆոտո)

Ֆեյսբուքյան Մեկնաբանություններ

մեկնաբանություններ

Մեկնաբանություն չկա

Մեկնաբանել

Ձեր Էլ-փոստը չի հրապարակվի Պարտադիր դաշտերը նշված են *