Ժամանակակից, արագընթաց աշխարհում, որտեղ երջանկությունը հաճախ չափվում է նյութական բարիքներով ու սոցիալական կարգավիճակով, կան մարդիկ, ովքեր մեզ հիշեցնում են, որ իրական ուրախությունը պարփակված է մանրուքների մեջ։ Կենդանակերպի տասներկու նշանների շարքում որոշ ներկայացուցիչներ առանձնանում են իրենց պարզությամբ ու համեստությամբ։
Չմոռանաք բաժանորդագրվել մեր Telegram ալիքին:
Նրանք շքեղ ճանապարհորդությունների, թանկարժեք իրերի կամ ծովափնյա առանձնատների կարիքը չունեն՝ իրենց իսկապես երջանիկ զգալու համար։ Նրանց լիովին բավարարում են ուշադրության փոքրիկ դրսևորումները, հանգստի րոպեները կամ սիրելիի անկեղծ ժպիտը։
Ցուլ
Թեև շատերը կարծում են, թե Ցուլը սիրում է հարմարավետություն և նրբաճաշակ իրեր, իրականում հողի այս նշանը գնահատում է պարզ հաճույքները։ Ցուլերը սիրում են առավոտյան սուրճի հանգիստ արարողությունը, բնության գրկում զբոսանքը կամ ջերմ ընթրիքը մտերիմների շրջապատում։ Նրանց երջանկությունը հաճախ պայմանավորված է անվտանգության և կայունության զգացողությամբ, այլ ոչ թե նյութական ձեռքբերումներով։ Ցուլի համար ամենակարևորը սեր և նվիրվածություն զգալն է, իսկ մնացած ամեն ինչ երկրորդական է։
Խեցգետին
Խեցգետինը համարվում է Կենդանակերպի ամենազգայուն և զգացմունքային նշաններից մեկը։ Նրա համար երջանկությունն ընտանիքն է, ընկերները, որոնք իրեն սիրում ու ընդունում են այնպիսին, ինչպիսին կա, և ջերմությամբ լի օջախը։ Ջրի այս նշանը բավարարվածություն է գտնում մտերիմների համար սիրով պատրաստելու, ընտանիքի հետ ֆիլմեր դիտելու և սեր արտահայտող փոքրիկ ուշադրության նշանների մեջ։ Խեցգետնին կուրախացնեն ոչ թե նոր իրերը կամ էկզոտիկ ուղևորությունները, այլ ջերմ գրկախառնություններն ու անկեղծ զրույցներով լի երեկոները։
Կույս
Կույսերը հայտնի են կյանքի նկատմամբ իրենց համեստ և գործնական մոտեցմամբ։ Նրանք չեն հետապնդում վիթխարի նպատակներ և չեն ձգտում շքեղության։ Փոխարենը՝ Կույսերը երջանկություն են գտնում մաքրության և կարգուկանոնի, լավ կատարված աշխատանքի կամ մեկին օգնելուց ստացած բավարարվածության մեջ։ Անկեղծ երախտագիտությունը կամ ջերմ ժպիտը բավական է, որպեսզի Կույսն իրեն գնահատված զգա։ Կատարելության հասնելու նրանց ձգտումը բխում է ոչ թե հաջողության նյութական ապացույցներ ստանալու մղումից, այլ օգտակար լինելու և սեփական ներդրումն ունենալու խորը ցանկությունից։
Կարդացեք նաև՝ ԿԵՆԴԱՆԱԿԵՐՊԻ նշաններ, որոնք թաքցնում են կիրքը համեստության դիմակի տակ
Այծեղջյուր
Այծեղջյուրներին հաճախ ընկալում են որպես հավակնոտ և լուրջ անհատների, սակայն նրանց կարգապահ արտաքինի հետևում թաքնված է պարզ հաճույքները գնահատող անձնավորություն։ Այծեղջյուրների համար երջանկությունը բնության գրկում անցկացրած մի հանգիստ երեկո է, լավ գիրքը կամ լարված աշխատանքային օրվանից հետո ստացած բավարարվածության զգացումը։ Նրանք չեն ձգտում ցուցադրական ճանաչման կամ թանկարժեք նվերների. նրանց համար գլխավորը ներքին խաղաղությունn ու անձնային աճն են։
Ձկներ
Ձկները Կենդանակերպի ամենամեծ երազողներն են, սակայն նրանց երջանկությունը կախված չէ նյութական բարեկեցությունից։ Նրանց համար կարևոր է հոգևոր կապ զգալ շրջապատի և աշխարհի հետ։ Ձկներին կարող է ոգեշնչել գեղեցիկ երաժշտությունը, արվեստի որևէ ստեղծագործություն կամ նույնիսկ սովորական մայրամուտը, որը կհիշեցնի կյանքի հրաշալիքի մասին։ Նրանք հեշտությամբ են կախարդանք տեսնում ամենուր, և շատ բան պետք չէ՝ երախտագիտություն ու ուրախություն զգալու համար։
Գրանցվիր մեր 
