Երախտագիտությունը որպես գերհզոր ուժ. ի՞նչ է այն անում ձեր օրգանիզմի հետ։ Գիտնականները բացատրում են, թե ինչու են երախտապարտ մարդիկ ավելի քիչ հիվանդանում։ Երախտագիտության զգացումը կարող է պաշտպանել 7 լուրջ հիվանդություններից. այսպես է ասում գիտությունը։
Չմոռանաք բաժանորդագրվել մեր Telegram ալիքին:
Հետազոտությունները ցույց են տալիս. այն մարդիկ, ովքեր կանոնավոր կերպով նկատում են լավն ու շնորհակալություն հայտնում դրա համար, ավելի հազվադեպ են բախվում մի շարք վտանգավոր հիվանդությունների։ Պատրա՞ստ եք զարմանալ։ Ահա 7 հիվանդություն, որոնց ռիսկը կարող է նվազել սովորական մարդկային երախտագիտության շնորհիվ։
1. Սրտի հիվանդություններ
Գիտնականները նկատել են. շնորհակալ լինելու սովորություն ունեցող մարդիկ ավելի հաճախ ունենում են.
- ավելի կայուն զարկերակ,
- ավելի ցածր ճնշում,
- օրգանիզմում բորբոքման նվազում,
- անոթների բարելավված աշխատանք։
«Երախտագիտությունը միայն հոգու համար չէ։ Այն նաև սրտի համար է»։
2. II տիպի շաքարային դիաբետ
Ընդամենը մեկ պարզ գործողություն՝ ժամանակ հատկացնել հիշելու համար, թե ինչի համար եք երախտապարտ, հետազոտություններում կապում են արյան մեջ շաքարի մակարդակի 9–13% նվազմամբ։
Բացի այդ, երախտապարտ մարդիկ սովորաբար ավելի լավ են սնվում, ավելի շատ են շարժվում և ավելի հազվադեպ են ընկճվում, իսկ սրանք դիաբետի կանխարգելման հիմնական գործոններն են։
3. Քաղցկեղի որոշ տեսակներ
Մասնագետների պնդմամբ՝ քաղցկեղային շատ գործընթացներ կապված են քրոնիկական բորբոքման հետ։ Իսկ երախտագիտությունը, որքան էլ տարօրինակ է, օգնում է նվազեցնել այն։
Մի փորձի ժամանակ մասնակիցները, ովքեր գրի էին առնում, թե ինչի համար են երախտապարտ, ավելի հաճախ էին բարի գործեր անում, և հենց դա ուղեկցվում էր արյան մեջ բորբոքային մարկերների նվազմամբ։
4. Մրսածություն և գրիպ
Երախտագիտությունը հզոր հակասթրես է։ Իսկ երբ սթրեսի մակարդակն ընկնում է, իմունիտետը, ընդհակառակը, բարձրանում է։
Այնպես որ, «շնորհակալություն» ասելու կանոնավոր պրակտիկան մոգություն չէ, այլ օրգանիզմին օգնելու միջոց՝ չվարակվելու սեզոնային վիրուսներով։
5. Դեմենցիա
Նոր տվյալները ցույց են տալիս. տարեց մարդիկ, ովքեր ավելի հաճախ են երախտագիտություն զգում.
- ավելի լավ են հիշում,
- ավելի քիչ են միայնակ զգում,
- ավելի հազվադեպ են ընկնում դեպրեսիայի մեջ։
Այս երեք գործոններն անմիջականորեն կապված են դեմենցիայի զարգացման ռիսկի հետ։
Կարդացեք նաև՝ Արտթերապիայի 21 վարժություն՝ տարբեր էմոցիաների համար
6. Քրոնիկ ցավ
Հետազոտությունների ընթացքում մեջքի ցավեր ունեցող պացիենտները հայտնել են. երբ նրանք երախտագիտության պարզ վարժություններ էին անում, ցավը նվազում էր, իսկ տրամադրությունը՝ բարելավվում։ Եվ որքան հաճախ էին նրանք դա անում, այնքան ուժեղ էր թեթևացումը։
7. Անքնություն
Երախտագիտության ամենահաճելի առավելություններից մեկը քնի բարելավումն է։
Մեծ հետազոտությունը ցույց է տվել. մարդիկ, ովքեր քնում էին լավ բաների մասին մտածելով, ավելի երկար էին քնում և արթնանում էին ավելի հանգստացած։ Պատճառը պարզ է. երախտագիտությունն անջատում է տագնապային մտքերի հոսքը, որոնք խանգարում են քնել։
Երախտագիտությունը պարզապես էմոցիա չէ: Դա ամենօրյա փոքրիկ սովորություն է, որը կարող է բարելավել քունը, տրամադրությունը, իմունիտետը և նույնիսկ նվազեցնել լուրջ հիվանդությունների ռիսկը։
Այս ամենը սկսել կարելի է հենց հիմա. հիշեք երեք բան, որոնց համար երախտապարտ եք, և թող դա լինի ձեր օրվա փոքրիկ հրաշքը։
Գրանցվիր մեր 
