Ասում են՝ չի կարելի դատել գրքի մասին ըստ նրա կազմի, կարևոր է պարունակությունը։ Մարդու մասին առաջին տպավորությունը՝ նույնպես ոչ միշտ է որ ճիշտ է լինում։ Բայց ամեն դեպքում դրանք ազդում են հետագա շփման զարգացման վրա։

Mediamag.am-ը կպատմի, թե ո՞ր դիմագծերն են ուրիշների աչքերում որոշում ձեր կերպարը և ինչպես ղեակավարել այդ տպավորությունները։

Գիտնականները վստահ են՝ բոլոր էմոցիաները արտահայտվում են մարդու դեմքին։

Մեր ուղեղը միլիվայրկյանների ընթացքում նույնականացնում է զրուցակցի միկրոարտահայտությունները և հուշում մեզ՝ դո՞ւր է գալիս տվյալ մարդը մեզ, թե՞ ոչ։ Առաջին տպավորությունը հիմնական դեր է խաղում։

Հենց այս պատճառով կարևոր է իմանալ, թե դեմքի ի՞նչ յուրահատկություններն են շրջապատող մարդկանց աչքերում ազդում մեր կերպարի վրա։

Հաջողության հասնելու համար դիմագծերի նշանակությանը նվիրված վերջին հետազոտությունները ապացուցել են, որ առաջնորդի արտաքինով մարդիկ ղեկավար պաշտոն զբաղեցնելու ավելի մեծ հնարավորություններ ունեն։

Ժպիտը ասոցացվում է հուսալիության և գթասրտության հետ։ Աչքերի մեծությունը որոշում է ձեր համակրելիության աստիճանը և նույնիսկ վիզուալ ծերացնում կամ երիտասարդացնում է։

Առնական դիմագծերը համարվում են իշխող մարդու նշան։

Որոշ դիմագծեր ցույց են տալիս, թե որքան հուսալի եք։ Ըստ դրանց, մարդիկ ենթագիտակցաբար դատողություն են անում՝ արժե՞ ձեզ վստահել և օրինակ, արժե՞ ձեզ պարտքով գումար տալ։

Ինչպե՞ս հասկանալ, ի՞նչն է շրջապատող մարդկանց աչքերում մեզ դարձնում ազնիվ, կոմպետենտ կամ իշխող։ Առաջին և ամենապարզ նշաններից մեկն այն է, թե ժպտո՞ւմ ենք մենք արդյոք, թե՞ խոժոռվում ենք զրուցակցին պատասխանելիս։

Նոր ծանոթության առաջին տպավորությունները կազմվում են մանր դետալներից։ Հանդիպման ժամանակ մենք ինքնաբերաբար գնահատում ենք դեմքի արտահայտության չնչին փոփոխությունները, ուշադրություն ենք դարձնում ունքերի և այտոսկրերի ձևին։

Մեզ պահանջվում է ընդամենը 40 միլիվարկյան, որպեսզի տպավորություն կազմենք անծանոթի մասին։ Նույնիսկ 3-4 տարեկան երեխաները առաջին հայացքից որոշում են «լա՞վն է» մարդը, թե՞ «վատը»։

Հարցազրույցի ժամանակ կամ ձեր ընտրյալի ծնողների հետ ծանոթանալիս՝ արտաքինը կարող է որոշիչ դեր խաղալ ձեր ճակատագրում։

Հուսադրող է միայն այն, որ այդ իրավիճակներում մենք միաժամանակ և՛ մեղադրողն ենք, և՛ զոհը։

Մենք սխալմամբ մարդկանց մասին կարծիք ենք կազմում ըստ հագուկապի և ինքներս էլ ըստ արտաքինի ստանում ենք սխալմունքային գնահատական։

Եվ դա է ճշմարտությունը։

^{Աղբյուրը՝ adme.ru}

^{Թարգմանությունը՝ mediamag.am}