fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Չապլինի ելույթը «Մեծ բռնապետը» ֆիլմից

Չապլինի ելույթը «Մեծ բռնապետը» ֆիլմից

«Մեծ բռնապետը» (The Great Dictator), աշխարհահռչակ Չառլի Չապլինի նշանավոր ֆիլմն է՝ նկարահանված 1940 թվականին։ Ֆիլմի կարգախոսն է. «Կատակերգություն՝ գլուխգործո՛ց»: Առաջին անգամ ցուցադրվել է 1940 թվականի հոկտեմբերի 25–ին, ԱՄՆ–ում։ Ֆիլմը քաղաքական երգիծանք է Ադոլֆ Հիտլերի և ֆաշիզմի հանդեպ։

Կներեք, բայց ես չեմ ուզում լինել միապետ: Դա իմ ուղին չէ: Ես չեմ ուզում իշխել կամ հաղթել ինչ-որ մեկին: Եթե հնարավոր լինի, ես ուզում եմ օգնել յուրաքանչյուրին՝ հրեաներին, հեթանոսներին, սևերին ու սպիտակներին… Մենք բոլորս ուզում ենք աջակցել միմյանց: Մարդկային էությունը լցված է դրանով: Մենք ուզում ենք ապրել միմյանց երջանկությամբ, բայց ոչ տառապանքով:  Մենք չենք ուզում ատել ու արհամարհել միմյանց. այս աշխարհում կա տեղ յուրաքանչյուրի համար: Հողագունդը հարուստ է և կարող է ապահովել բոլորին: Մեր կենսաձևը կարող է լինել ազատ և գեղեցիկ, բայց մենք մոլորվել ենք:

Ագահությունը թունավորել է մարդկանց հոգիները, լցրել աշխարհն ատելությամբ՝ աստիճանաբար հասցնելով մեզ թշվառությանն ու արյունաթափությանը: Մենք կարողացել ենք շատ անգամ մեծացնել արագությունը, բայց փոխարենը փակվել ենք ինքներս մեր մեջ: Տեխնոլոգիաները, որոնցով ստեղծվել է հարստություն, այնուամենայնիվ մեզ պահում են կարիքի մեջ: Գիտելիքները դարձրել են մեզ ցինիկ, մեր  հմտությունները կոպիտ են ու չար: Մենք չափից շատ մտածում ենք և չափից քիչ զգում: Մեզ հարկավոր են ոչ այնքան տեխնոլոգիաները, որքան մարդասիրությունը: Ոչ այնքան խելքը, որքան բարությունն ու զգայունությունը: Առանց դրա կյանքը կդառնա դաժան ու բոլորը կկործանվեն:

Օդանավերն ու ռադիոն մեզ ավելի ու ավելի են մոտեցրել, բայց բնությունը աղաղակելով հիշեցնում է մարդկային բարությունը, եղբայրությունն ու միասնությունը բոլորիս մեջ: Այժմ իմ ձայնը լսում են միլիոնավոր մարդիկ՝ հուսահատված տղամարդիկ, կանայք, երեխաներ և զոհերը այն համակարգի, որ ստիպում է խոշտանգել ու բանտարկել անմեղ մարդկանց:

Այժմ ով է լսում ինձ, ես ասում եմ՝ «Մի՛ հուսահատվեք»: Մեր վրա ծանրացած թշվառության պատճառը ագահությունն է և դառնությունը այն մարդկանց, ովքեր վախենում են մարդկային առաջընթացի ուղղուց: Մարդկանց ատելությունը կանցնի և բռնապետները կմահանան: Ժողովրդից խլված իշխանությունը կվերադարձվի նրան: Ի վերջո մեռնում են մարդիկ, բայց ոչ ազատությունը:

Զիվորնե՛ր, մի զոհվեք հանուն այն մարդկանց, ովքեր արհամարհում ու հպատակեցնում են ձեզ, կարգադրում ինչ անել, ինչ մտածել և ինչ զգալ: Մի զոհվեք հանուն նրանց, ովքեր ճնշում են ձեզ և օգտագործում որպես թնդանոթի ռումբ: Բայց մի՛ հրաժարվեք այս մարդ-մեքենաներից, նրանցից, որոնց միտքն ու սիրտն արդեն մեքենայացված են: Դուք մեքենա չեք: Դուք անասուն չեք: Դուք մարդիկ եք, դուք ձեր սրտերում ունեք սեր մարդկության հանդեպ: Մի՛ լցվեք ատելությամբ: Զիվորնե՛ր, պայքարեք ազատության, այլ ոչ ստրկության համար:

Ղուկասի ավետարանի 17-րդ գլխում գրվում է. «Աստուծոյ թագաւորութիւնը մեր մեջ է», ոչ ուրիշ մեկի կամ մարդկանց խմբի, այլ հենց քո մեջ: Դուք՝ մարդի՛կ, ունեք ուժ: Ունեք ուժ, որով կարող եք ստեղծել մեքենաներ ու ստեղծել երջանկություն: Դուք, այո, հենց դուք ունեք ուժ դարձնելու կյանքը ազատ ու գեղեցիկ, դարձնելու այն հրաշք արկած:

Դե ուրեմն հանուն ժողովրդավարության, եկեք օգտագործենք այդ ուժը: Եկեք միություն դառնանք: Պայքարենք հանուն մի նոր աշխարհի՝ արժանապատիվ աշխարհ, որ հնարավորութուն կտա մարդկանց աշխատել, որ երիտասարությանը կտա ապագա և ծերերին՝ անվտանգություն: Խոստանալով այս ամենը՝ սրիկաները իշխանության են գալիս: Բայց նրանք ստում են: Նրանք չեն կատարում իրենց խոստումները: Երբե՛ք:

Բռնապետները ազատում են իրենց և հպատակեցնում մարդկանց: Ուրեմն պայքարենք այդ խոստումները կատարելու համար: Պայքարենք հանուն ազատ աշխարհի, աշխարհ՝ առանց ազգային խոչընդոտների, առանց ագահության, ատելության ու անհանդուրժողականության: Աշխարհ, որտեղ գիտությունն ու առաջընթացը մարդկանց տանում են երջանկության: Զինվորնե՛ր. հանուն ժողովրդավարության եկեք միավորվենք…

Հրապարակման ներկայացրեց՝ Մելինե Աբրահամյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հրապարակիր քո նյութը

կարդացեք նաև

video

Մաշա Մնջոյանը հայտնի երգը սկսել է հայերենով ու կրկին հաղթել մրցակցին ավստրալական «Ձայնը» նախագծում (տեսանյութ)

Ավստրալական «Ձայնը» նախագծի հերթական` Playoffs փուլում Մաշա Մնջոյանը կրկին գերել է ժյուրիի անդամերին և իր մարզչի` Բոյ Ջորջի կողմից ստացել ուղեգիր դեպի հաջորդ փուլ:...

Կենդանակերպի նշաններ, որոնց համար դժվար է գտնել երկրորդ կես

Ոչ բոլորն են շտապում դասավորել իրենց անձնական կյանքը, նույնիսկ եթե տարիքն անցնում է, և ծնողները վաղուց թոռներ են պահանջում: Եվ դրա համար կարող են լինել...

Բազմագիտակության ԹԵՍՏ․ Եթե պատասխանեք թեստի 10 հարցերից թեկուզ 9-ին՝ դուք ավելի խելացի եք Երկրի բնակչության 70%-ից

Մեր բոլոր ամենագետ ընթերցողների համար ստեղծել ենք գիտելիքներ ստուգող հերթական թեստը, որում կհանդիպեք ամենատարբեր ոլորտներին առնչվող հարցեր: Թեստը հեշտ է, սակայն ուշադրություն պահանջող: Դե...

Մեջբերումներ Ջեք Լոնդոնի «Մարտին Իդեն» ստեղծագործությունից

Ամերիկացի գրող Ջեք Լոնդոնը (իսկական անուն ազգանունը՝ Ջոն Գրիֆիթ) իր կարճատև կյանքի ընթացքում հասցրել է թողնել հարուստ գրական ժառանգություն: Ծանր է եղել գրողի մանկությունը,...

Կենդանակերպի այս 3 նշաններին սիրում են բոլորը

Կենդանակերպի երեք նշաններ, որոնք երբեք չեն ձանձրացնում, և որոնց մենք սիրում ենք հետևյալ հատկանիշների համար. Ջրհոս Ջրհոսները օրիգինալ են, նրանց երևակայությունը դուրս է գալիս մեզ ծանոթ...