Դուք հավատու՞մ եք ճակատագրին: Գտնո՞ւմ եք արդյոք, որ մեզանից յուրաքանչյուրն ունի իր առաքելությունը։ Երբեմն մարդիկ մտածում են, որ իրենց կյանքի ուղին ի վերուստ կանխորոշված է, և որ ոչինչ փոխել հնարավոր չէ։ Բայց նման կարծիքը ծայրաստիճան սխալ է։ Վերջին խոսքը միշտ ձերն է լինելու:
«Ցանկացած կյանք, չնայած իր տևողությանն ու բարդությանը, իրականում բաղկացած է մեկ պահից՝ այն պահից, երբ մարդը գիտակցում է, թե ով է ինքը»: Խորխե Լուիս Բորխես
Ես պատասխանատու եմ իմ ընտրած կյանքի համար
Մենք՝ որպես մարդիկ, երբեմն դժվարանում ենք պատասխանատվություն ստանձնել այն ամենի համար, ինչ մեզ դուր չի գալիս կամ այն բանի համար, ինչ մենք մերժում ենք: Մենք ճակատագրին ենք մեղադրում մեր սեփական կյանքի համար։ Բայց մի՞թե ինչ-որ մեկն է մեզ համար այսպիսի կյանք ընտրել։ Իսկապե՞ս դրանում ճակատագիրն է մեղավոր: Ո՛չ, այն, թե ինչպես եք ապրում, ձեր ընտրությունն է։ Դուք ազատ եք վարվել ձեր կյանքի հետ այնպես, ինչպես ցանկանում եք:
Կյանքը միշտ լի է անորոշությամբ, և, հետևաբար, նույնիսկ ամենաանբարենպաստ հանգամանքները կարող են փոխվել: Միակ խնդիրն այն է, որ մարդիկ գիտակցաբար փնտրում են յուրաքանչյուր իրավիճակի բացասական կողմը՝ ցանկանալով խուսափել նրանից, ինչ չեն ընդունում։
Պատկերացրեք, որ դուք գոհ չեք ձեր ներկայիս կյանքից: Ի՞նչն է ձեզ խանգարում փոխել այն: Գոյություն ունե՞ն արդյոք իրական սահմանափակումներ, թե՞ դուք եք ձեզ մղում շրջանակների մեջ։ Փորձո՞ւմ եք լուծել խնդիրը, թե՞ լողում եք հոսքի ուղղությամբ։
Բոլոր սահմանները, որոնք մենք տեսնում ենք, մեծ մասամբ գոյություն ունեն մեր երևակայության մեջ, և ոչ իրական աշխարհում: Մարդիկ սահմանափակում են իրենց՝ չցանկանալով քանդել այդ սահմանները։
Բայց մենք կարող ենք դա անել: Չկա այնպիսի դժվարություն, որը չկարողանաս հաղթահարել։ Ձեր միտքն օժտված է ահռելի ուժով, և եթե ցանկանում եք ինչ-որ բանի հասնել, անպայման կստանաք այն, ինչ ցանկանում եք։
Ռիսկի գնացեք ապրել
«Կյանք» բառը մենք միշտ թեթևամտորեն ենք ասում, քանի որ բոլոր մարդիկ էլ ապրում են։ Բայց մի՞թե դա հեշտ է։ Ընդհանրապես ոչ, և դա ակնհայտ է դառնում, երբ մենք ռիսկի չենք դիմում: Բայց ինչո՞ւ ռիսկի դիմել: Որովհետև ապրելն արդեն իսկ հեշտ չէ, իսկ կյանքը հաջողություններով ու ձախողումներով լի ուղի է։
Կարդացեք նաև՝ Երջանկությունը ճանապարհ է, ոչ թե ճակատագիր
Ռիսկի դիմելով՝ դուք ընտրում եք ձեր երազանքների կյանքը, և ոչ մի ճակատագիր ձեզ չի ստիպի այլ կերպ ապրել։ Շատ հարմար է կյանքի դժվարությունների նկատմամբ մշակել հետևյալ մոտեցումը. «Ես պատասխանատու չեմ փոփոխությունների համար, և հետևաբար ես պարզապես պետք է վարժվեմ դրանց»։
Կարևոր չէ՝ երիտասարդ ես, երիտասարդ տարիքում ես գտնվում, թե արդեն թոշակի ես անցել։ Կյանքի յուրաքանչյուր փուլում ձեզ կսպասեն խնդիրներ, տառապանք, անհանգստություն և կորուստ։ Բայց դուք կհաղթահարեք դրանք, քանի որ օժտված եք անհրաժեշտ ուժով և հմտություններով։ Պարզապես ամեն ինչ ճակատագրի վրա մի գցեք: Կյանքն անհետևանք չի լինում, և վերը նշված բոլորը դրանց միայն մի փոքր մասն է։
«Ճակատագիրը մեզ ընտրության առաջ է դնում, բայց մենք ենք որոշում, թե որ ճանապարհն ընտրել»:
Ոչ պակաս կարևոր է ռիսկի դիմելը՝ փորձելով փոխել տհաճ իրավիճակը կամ հանգամանքները։ Շատ դժվար է լքել հարմարավետության գոտին և որոշել գնալ կյանքի կարդինալ փոփոխությունների: Սա նույնպես ռիսկ է, քանի որ ոչ ոք նախապես չգիտի, թե ինչպես կդասավորվի ամեն ինչ։ Պատրա՞ստ եք դա ապացուցել:
Ճակատագիրը ձևավորվում է ձեր կայացրած որոշումներից
Որքա՞ն հաճախ եք ասում, որ կցանկանայիք ինչ-որ բան փոխել անցյալում: Որ դուք նախկինում արել եք բաներ, որոնցով չեք հպարտանում։ Այո, կարող էիք հետ գնալ անցյալ, բայց եթե այն ժամանակ այլ կերպ վարվեիք, կամ այլ ընտրություն կատարեիք՝ ձեր ճակատագիրը նույնպես կփոխվեր:
Մարդու ապագան ոչ մի տեղ գրված չէ, մենք ինքներս ենք գրում այն՝ տող առ տող։ Մեր կյանքի յուրաքանչյուր փուլում մենք պետք է որոշակի որոշումներ կայացնենք, և յուրաքանչյուր հաջորդ որոշմամբ մենք նոր ճանապարհ ենք բացում մեր առջև։ Շատ կարևոր է փորձել ճիշտ ընտրություն կատարել, թեև նույնքան կարևոր է սխալվել և պարբերաբար փոխել ընտրությունը։
Եթե մենք կարողանայինք հետ շրջել ժամանակը և փոխել մեր որոշ գործողություններ, ապա նույնիսկ ամենաչնչին փոփոխությունը կարող էր հանգեցնել մեր ներկայի ամբողջական փոփոխության: Այդ ժամանակ մենք կհասկանայինք մեր կայացրած որոշումների կարևորությունը և այն, որ մեր ճակատագիրը փոխվում է դրանցից հետո:
Այո, ճակատագիրը կախված է ձեր ընտրությունից, այնպես որ ռիսկի դիմեք սխալվելու, քաջություն ունեցեք դիմակայել կյանքին, եթե համաձայն չեք դրա հետ և երբեք թույլ մի տվեք ձեզ մտածել, որ ոչինչ հնարավոր չէ անել, քանի որ վերջին խոսքը միշտ ձերն է: Պատրա՞ստ եք փոխել ձեր ճակատագիրը:
Գրանցվիր մեր 
