Արդարության և արդարադատության զգացումը ամենաառաքինի որակներից մեկն է, բայց այն կարող է մեզ զսպել կյանքում և անհարկի տառապանքի պատճառ դառնալ: Այս մասին հայտարարել է ավստրալիացի հոգեբան և թերապևտ Էմմա Պետերսոնը, գրում է yourtango.com-ը։

Չմոռանաք բաժանորդագրվել մեր Telegram ալիքին:

Նրա խոսքով, այս բնավորության գծի առկայությունը հիացմունքի է արժանի։

«Եթե դուք մեկն եք, ով իսկապես գնահատում է արդարությունն ու արդարադատությունը մեր հասարակության մեջ, ես իսկապես ծափահարում եմ ձեզ, քանի որ դա այնքան ուժեղ արժեք է», – ասում է հոգեբանը։

Արդարության ուժեղ զգացումը մարդուն դարձնում է դրական արժեքներին նվիրված, հավելում է մասնագետը.

«Նման մարդը լավ գիտակցում է, թե որն է համարվում ճիշտ կամ սխալ… և նա ուժեղ մարդ է»։

Այս գիծն ունեցող մարդիկ նաև հակված են լինել «ավելի ինքնավստահ», ինչը լավ բան է. դա նրանց տալիս է ճշմարտությունն ասելու ունակություն, նշում է Պետերսոնը:

Միևնույն ժամանակ, այս վեհ զգացումը, ինչպես նշում է հոգեբանը, կարող է որոշակի խնդիրներ առաջացնել և շատ իրական ազդեցություն ունենալ «հոգեկան բարեկեցության» վրա կամ նույնիսկ դառնալ «ավելորդ տառապանքի» պատճառ։

Մասնագետը պարզաբանում է, որ նշված գծի առկայությունը, հավանաբար, նշանակում է, որ մարդն ունի «իր կյանքում արդարության կարիք», և հենց դրա պատճառով է, որ կարելի է դժվարությունների մեջ ընկնել։ Արդարության և արդարադատության զգացումը հաճախ նշանակում է, որ անիրատեսական ակնկալիքների պատճառով մարդը «անընդհատ տառապանք է գրավում իր կողմ»:

Կարդացեք նաև՝ Ամենաուժեղ հոգիները ծնվում են տառապանքի մեջ

«Եթե դուք, որպես մարդ, իսկապես կառչած եք արդարությունից և արդարադատությունից և գնահատում եք այն ամեն գնով, ապա ձեր սիրտը կբացեք շատ հիասթափությունների, հիվանդությունների և տառապանքների առաջ, որովհետև դուք կենթարկվեք անարդարության և անարդար վերաբերմունքի: Ոչ ոք ապահովագրված չէ դրանից», – զգուշացնում է Պետերսոնը:

Դրանից խուսափելու համար պետք է ավելի «ճկուն» դարձնեք ձեր արդարության զգացումը և կենտրոնանաք ձեր վրա, խորհուրդ է տալիս մասնագետը։

Նպատակն է, ասում է Պետերսոնը, սովորել ընդունել երկու դինամիկա, որոնք թվում է, թե հակասում են միմյանց և պահել դրանք միասին.

«Ես իրոք ներքին արդարության զգացում ունեմ… և միևնույն ժամանակ ես բաց եմ այն գաղափարի համար, որ կյանքն ուղղակի անարդար է, և իմ արժեքները միշտ չէ, որ բավարարված կլինեն»:

Այս ավելի ճկուն մոտեցումը թույլ է տալիս իրոք առաջ շարժվել՝ ինչպես ուրիշներիներին հասկանալով, այնպես էլ ունակությամբ՝ օգնել ինքդ քեզ բուժվել, երբ ուրիշները ցավ են պատճառում ձեզ, եզրափակում է հրատարակությունը: