Մեջբերումներ ․․․
Ֆրանսիացի գրող Բեռնար Վերբերը մեծ աղմուկ բարձրացրեց իր ստեղծագործություններով, որոնցում նա բոլորովին ոչ ստանդարտ կերպով վերաիմաստավորում է մարդկության պատմությունը։
Վերբերի վեպերը համատեղում են ֆանտազիան, միստիկան և խորը փիլիսոփայությունը։ Նա գրում է մրջյունների, հրեշտակների, աստվածների, միջաստղային տարածության և քաղաքակրթության պատմության մասին։ Եվ նրա յուրաքանչյուր գիրք լուրջ մտորումների է առիթ է տալիս։
Առաջարկում ենք ֆրանսիացի գիտաֆանտաստիկ գրողի մեջբերումների ընտրանի, որը կխրախուսի կյանքին նայել տարբեր տեսանկյուններից:
- Սիրեք ձեր թշնամիներին: Սա նրանց նյարդերի վրա խաղալու լավագույն միջոցն է։
- Երեխայի ծնվելուց անմիջապես առաջ հրեշտակը սեղմում է մատը նրա շուրթերին և շշնջում. «Մոռացիր քո բոլոր նախորդ կյանքերը: Դրանց մասին հիշողությունները չպետք է խոչընդոտ հանդիսանան քո ներկայիս կյանքի համար»: Իսկ նորածնի վերին շրթունքի վերևում մնում է ակոս։
- Մեկ տարվա գինը պարզելու համար հարցրեք քննությունից տապալված ուսանողին:
Ամսվա գինը իմանալու համար հարցրեք վաղաժամ ծննդաբերած մորը:
Շաբաթվա գնի համար հարցրեք շաբաթականի խմբագրին:
Մեկ ժամի գինը իմանալու համար հարցրու սիրահարվածին, ով սպասում է իր սիրելիին:
Մեկ րոպեի արժեքը իմանալու համար հարցրեք գնացքից ուշացողին:
Մեկ վայրկյանի արժեքը պարզելու համար հարցրեք մեկին, ով կորցրել է իր սիրելիին ավտովթարի հետևանքով:
Վայրկյանի հազարերորդականի համար հարցրեք Օլիմպիական խաղերի արծաթե մեդալակրին: - Մարդիկ չեն ցանկանում ստեղծել իրենց երջանկությունը, նրանք միայն ցանկանում են նվազեցնել դժբախտությունը:
- Չես կարող աղի համը բացատրել նրան, ով միայն շաքար է ճաշակել։
- Իսկական սերը ոչ թե մարմինների, այլ հոգիների միջև է:
- Ամեն ինչ դարձել է մեկանգամյա օգտագործման՝ պատառաքաղները, գրիչները, հագուստները, տեսախցիկները, մեքենաները, և դուք ինքներդ, չնկատելով դա, նույնպես դառնում եք մեկանգամյա օգտագործման։
- Տղամարդկանց այնքան հեշտ է մանիպուլյացիայի ենթարկել: Բավական է, որ կինը անկախ լինի նրանցից, որպեսզի նրանք ցանկանան կախված լինել նրանից։
- Լռի՛ր: Նայիր աստղերին և գնահատիր այն փաստը, որ դու ապրում ես։
- Կատարյալ կնոջ խնդիրն է լինել մայր, սիրեկան, մարտիկ և նախաձեռնող: Այդժամ կարելի է ասել, որ արքայադուստրը դարձել է թագուհի։ Կատարյալ տղամարդու խնդիրն է լինել և՛ հողագործ, և՛ քոչվոր, և՛ շինարար, և՛ մարտիկ: Այդժամ կարելի է ասել, որ արքայազնը դարձավ թագավոր։ Եվ երբ կատարյալ թագավորը հանդիպում է կատարյալ թագուհու, ինչ-որ կախարդական բան է տեղի ունենում: Կա և՛ կիրք, և՛ երկարաժամկետ հարաբերություններ։ Միայն թե դա հազվադեպ է պատահում:
Կարդացեք նաև՝ «Կյանքը նման է սոխի. շերտ առ շերտ մաքրում ես, և վերջում տեսնում ես, որ ներսում ոչինչ չկա»: Խորիմաստ մեջբերումներ կյանքի մասին
- Հումորն ու սերը ամենահզոր ցավազրկողներից երկուսն են:
- 2 տարեկանում հաջողությունը՝ տաբատիդ մեջ չմիզելն է։
3 տարեկանում հաջողությունը՝ ատամներով լի բերան ունենալն է։
12 տարեկանում հաջողությունը՝ լինել շրջապատված ընկերներով:
18 տարեկանում հաջողությունը՝ մեքենա վարելն է:
20 տարեկանում հաջողությունը՝ լավ սեքսն է:
35 տարեկանում հաջողությունը՝ շատ փող աշխատելն է:
60 տարեկանում հաջողությունը՝ լավ սեքսն է:
70 տարեկանում հաջողությունը՝ մեքենա վարելն է:
75 տարեկանում հաջողությունը՝ լինել շրջապատված ընկերներով:
80 տարեկանում հաջողությունը՝ ատամներով լի բերան ունենալն է:
85 տարեկանում հաջողությունը՝ տաբատիդ մեջ չմիզելն է: - Միշտ հսկայական տարբերություն կլինի նրանց միջև, ովքեր հարցնում են՝ «Ինչո՞ւ չի ստացվում», և նրանց միջև, ովքեր հարցնում են «Ինչպե՞ս անել, որ ստացվի»:
- Ճիշտ ճանապարհը գտնելու համար նախ պետք է մոլորվել։
- Կյանքում միշտ կա ընտրություն: Գործիր կամ փախիր: Ներիր կամ վրեժխնդիր եղիր: Սիրիր կամ ատիր: Բայց միայն պարապ մի՛ եղիր։
- Յուրաքանչյուր ոք, ով հարց է տալիս, ռիսկի է դիմում հինգ րոպեով հիմար երևալ: Իսկ նա, ով հարց չի տալիս՝ ցմահ հիմար կմնա։
- Կարելի է ինչի վրա ասես՝ ծիծաղել, բայց ոչ ում հետ պատահի:
- Կյանքում մենք բախվում ենք միայն այն խնդիրների հետ, որոնք կարող ենք լուծել։
- Ինչո՞ւ Աստված նախ ստեղծեց տղամարդուն, իսկ հետո կնոջը: Որովհետև գլուխգործոց ստեղծելու համար անհրաժեշտ է էսքիզ:
- Կյանքը հրաշալի է: Մի հավատացեք ասեկոսեներին: Կյանքը հրաշալի է: Կյանքը փորձարկված արտադրանք է, որն օգտագործվում է 70 միլիարդ մարդու կողմից երեք միլիոն տարի շարունակ: Սա ապացուցում է նրա կատարյալ որակը:
- Կամ գուցե սերը այն չէ, երբ մարդիկ նայում են նույն ուղղությամբ, այլ այն է, երբ փակում են աչքերը և միևնույնն է տեսնում են միմյանց:
- Ոչ մեկին չսիրելով՝ մարդիկ սովորել են ձևացնել, թե սիրում են բոլորին։
- Եթե քո խոսքերն ավելի հետաքրքիր չեն, քան լռությունը, լռիր:
- Ամեն ինչ պետք է արվի ժամանակին։ Երեկ շատ շուտ էր, վաղը շատ ուշ կլինի:
- Մյուսները պարզապես քո արտացոլումն են: Դու չես կարող սիրել կամ ատել այն, ինչ կա ուրիշների մեջ, եթե այն չի արտացոլում ձեր սեփական որակները:
- Կյանքը ստեղծում է շրջանակը, իսկ դու նկարում ես նկարը: Եթե դու չես ստանձնում նկար նկարելու պատասխանատվությունը, ապա ուրիշները կնկարեն այն ձեր փոխարեն։
- Բոլոր պատասխանները ձեր մեջ են: Դուք գիտեք ավելին, քան այն, ինչ գրված է գրքերում: Բայց սա հիշելու համար հարկավոր է գրքեր կարդալ, նայել ինքներդ ձեզ, լսել ինքներդ ձեզ և վստահել ինքներդ ձեզ:
Գրանցվիր մեր 
