fbpx

9 պարզ խորհուրդ, որոնք կօգնեն ազատվել ստամոքսի այրոցներից

Այրոցները (Изжога) առաջանում են այն դեպքում, երբ ստորին կերակրափողային սփինտերը ճիշտ չի աշխատում և ստեղծվում են պայմաններ՝ ստամոքսից դեպի կերակրափող աղաթթվի արտանետման, ինչն էլ առաջացնում է կրծքի շրջանում այրոցային զգացմունքներ:

Յուրաքանչյուր մարդ ժամանակ առ ժամանակ զգում է այրոցներ, սակայն եթե տվյալ ախտանիշները ձեզ մոտ նկատվում են շաբաթական մեկ անգամից ավել, ապա դուք պետք է անպայման խորհրդակցեք բժշկի հետ:

Ահա, ներկայացնում ենք մի քանի պարզ խորհուրդներ, որոնք կօգնեն նվազեցնել սիմպտոմատիկան կամ ամբողջովին կանխարգելել այրոցների առաջացումը:

1. Կերակրացանկից բացառեք որոշակի մթերքներ

Որոշ մթերքներ և հյութեր կարող են նպաստել այրոցների առաջացմանը: Դրանք են՝ շոկոլադը, սուրճը, անանուխը, յուղալի և կծու մթերքները, լոլիկը և ալկոհոլային խմիչքները: Փորձեք թեկուզ ժամանակավոր կերակրացանկից բացառել այս մթերքները և հետևեք, արդյո՞ք որևէ արդյունք նկատվում է, թե՞ ոչ: Նաև խորհուրդ է տրվում բացառել կամ գոնե կրճատել գազավորված ըմպելիքների կիրառումը:

2. Հետևեք քաշին

Հավելյալ քաշը և գիրացումը մեծացնում են թթվարտազատման առաջացումը: Խորհրդակցեք մասնագետի հետ, ով կօգնի ձեզ կազմել դիետա և մարզման պլան:

3. Չափից շատ մի կերեք

Միանգամից մեծ քանակությամբ կերակուրի օգտագործումը կարող է հրահրել այրոցների առաջացմանը: Փորձեք սնվել փոքր չափաբաժիններով, բայց ավելի հաճախ։

4. Օգտագործեք ավելի քիչ շաքար

Կերակրացանկում շաքարի չափաբաժնի քանակի փոքրացումը կթեթևացնի այրոցների սիմպտոմները:

5. Փորձեք զերծ մնալ սթրեսային իրավիճակներից

Անընդհատ լարվածությունն ու անհանգստությունը վատացնում են թթվարտազատման սիմտոմատիկան: Հաճախակի հանգստացեք՝ կարդալով սիրելի գրքեր և զբոսնեք մաքուր օդին:

6. Լավ քնեք

Առողջ 8 ժամանոց անընդհատ քունը՝ շատ կարևոր է: Փորձեք ամեն գիշեր քնել բավականաչափ ժամանակ:

7. Թարգեք ծխելը

Ծխելը կարող է բացասաբար ազդել ստորին կերակրափողային սփինտերի վրա, ինչը, իր հերթին կարող է այրոցներ առաջացնել:

8. Մի պառկեք անմիջապես ուտելուց հետո

Խորհուրդ է տրվում ուտելուց հետո առնվազն 3 ժամ մնալ ուղղահայաց դիրքով: Դուք կարող եք կանգնել, նստել, քայլել: Կարևորը՝ չընդունել հորիզոնական դիրք:

9. Մի կրեք նեղ և սեղմող հագուստ

Նեղ հագուստի կրումը կարող է մեծացնել ճնշումը որովայնի շրջանում և հրահրել աղաթթվի արտանետումը ստամոքսից կերակրափող:

ԿԱՐԵՎՈՐ Է․ Mediamag-ի կողմից ներկայացված այս ինֆորմացիան կրում է զուտ ՏԵՂԵԿԱՏՎԱԿԱՆ բնույթ և ոչ մի դեպքում չի փոխարինում պրոֆեսիոնալ բժշկական ծառայությանը, կոնսուլտացիային կամ ախտորոշմանը: Առողջության հետ խնդիրների առաջացման դեպքում անպայման դիմեք պրոֆեսիոնալ մասնագետին:


🎥 Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 1 assessment, среднее 5 из 5 )
MediaMag
9 պարզ խորհուրդ, որոնք կօգնեն ազատվել ստամոքսի այրոցներից
Աշխարհի լավագույն սուպերքառերը