Հարսանիքը՝ յուրաքանչյուր մարդու, հատկապես աղջիկների կյանքում կարևոր իրադարձություն է։ Աղջիկներն ամբողջ իրենց ուշադրությունը կենտրոնացնում են հարսանեկան զգեստի վրա։ Շատ երկրներում, արարողության ժամանակ, աղջիկները հագնում են ոչ թե սպիտակ զգեստ (ինչպես մենք ենք սովոր պատկերացնել), այլ ազգային կոստյումներ, որոնք համապատասխանում են տվյալ ազգի ավանդույթներին և կրոնական համոզմունքներին։

Եվ այսպես, Ձեզ ենք ներկայացնում հարսների լուսանկարներ ամբողջ աշխարհից, որոնք նկարահանվել են հարսանյաց օրը։

Բուլղարիա

Բուլղարուհին հագել է ավանդական հարսանեկան զգեստ։

Թուրքիա

Մինչ այն, երբ թուրք հարսը կլքի հայրական տունը և կգնա հարսանեկան տոնակատարության, եղբայրը կամ մորեղբայրը աղջկա մեջքին կապուն են կարմիր ժապավեն։ Ժապավենի գույնը խորհրդանշում է երջանկություն, հաջողություն և անմեղություն։

Շրի Լանկա

Շրի Լանկայում հարսի զգեստը իր մեջ համադրում է արևելյան և արևմտյան ավանդույթները։ Այստեղ հագնում են ճոխ ասեղնագործված մետաքսե սարի և քող՝ ըստ եվրոպական նորաձևության։ Զարդերը պետք է ընդգրկեն կենտ թվով քարեր, քանի որ կենտ թվերը համարվում են հաջողակ։

Ինդոնեզիա

Ինդոնեզական յուրաքանչյուր բնակեցված կղզին ունի հարսանեկան զգեստի իր նորաձևությունը։ Ավելի հաճախ աղջիկները հագնում են վառ գույներով և ծանր ասեղնագործված զգեստներ։

Պակիստան

Պակիստանյան աղջիկները հարսանեկան արարողության համար ընտրում են  մուգ կարմիր, վարդագույն կամ մանուշակագույն  զգեստներ։ Հարսն ու փեսան գլխին դնում են ուլունքներից և բամբակյա թելերից պատրաստված ավանդական դրասանգազարդը։

Հնդկաստան

Հնդկուհի հարսները ընտրում են ավանդական լախանգա չոլի հագուստը՝ ավելի հաճախ կարմիր գույնի և գլխից մինչև ոտքերը զարդարում են այն 16 զարդերով, ըստ Սոլախ Շրինգարի կանոնների։

Նուբիա

Նուբիայում, հարսը գլխին կրում է գույնզգույն գլխաշոր, թափանցիկ քող՝ դեմքին և նաև գլուխը ծածկող սպիտակ քող։

Էրիթրեա

Ավանդական էրիթրեյան հարսանեկան հագուստներում կան մուգ թավիշե թագեր և մանուշակագույն, ոսկեզոծ ասեղնագործությամբ զգեստներ։ Հարսի հագուստը պետք է համապատասխանի փեսայի հագուստի հետ։

Տիբեթ

Տիբեթյան հարսանիքից առաջ, փեսան հարսին բերում է հարսանեկան զգեստ և զարդեր։ Հագուստի մեջ կարող է լինել գլխաշոր, արծաթյա մանրադրամներ՝ հյուսերը զարդարելու համար և համայիլ բուդդայի ոչ մեծ արձանով։

Պաղեստին

Պաշտոնական արարողության համար, հարսը հագնում է սպիտակ զգեստ, բայց դրա հետ մեկտեղ, հարսը անպայման պետք է ունենա ևս մեկ զգեստ, որը իր ձեռքերով, հատուկ հարսանիքի համար կարել է մայրը։

Պերու

Պերուական մայրաքաղաք Լիմայում, ավանդաբար, հարսները հագնում են կարմրասև զգեստներ՝ բազմաշերտ բամբակյա կիսաշրջազգեստներով և դեկորատիվ փեշով։

Հորդանան

Արևմտյան նորաձևությունը մտել է նաև Հորդանան, որտեղ հարսները կրում են սպիտակ զգեստներ և զարդեր՝ ոսկուց և արծաթից։ Հաճախ նորապսակի գլուխը ծածկում են կանաչ մետաքսյա կտորով։ Գույնը խորհրդանշում է հասունություն, հարմոնիա և անվտանգություն։

Մալի

Մալիյում հարսի զգեստը անվանում են «քաֆթան» և այն գույնով համապատասխանում է դաշիկիի՝ փեսայի կոստյումի հետ։ Զույգերը ավելի հաճախ ընտրում են սպիտակ գույնը, բայց երբեմն հանդիպում են Մանուշակագույն երանգի զգեստներ։

Կորեա

Հազարավոր տարիների ընթացքում կորեացի հարսները կրում են ավանդական հանբոկ կոստյումը։ Այն բաղկացած է երկարաթև բլուզից և բարձրացված իրանով, բամբակյա կամ մետաքսյա կիսաշրջազգեստից։

Ճապոնիա

Ճապոնացի հարսները հագնում են ձյունաճերմակ կիմանո և հատուկ մետաքսյա tsunokakushi գլխաշոր, որը ծածկում է «խանդի պոզիկները» և խորհրդանշում է հնազանդ կին լինելու մտադրություն։

Նիգերիա

Նիգերիացի հարսները առանձնանում են վառ, ժանյակավոր բլուզներով և նախշավոր կաֆտաններով, որը հաճախ կարում են հնդկական կտորներից։ Կորալից պատրաստված ուլունքներն ու գլխաշորը ավարտում են հագուստը։

Իտալիա

Իտալացի հարսները հավատում են, որ կանաչ գույնը հաջողություն և առատություն է բերում, այդ պատճառով կարող են հագնել կանաչ զգեստներ և կրել կանաչ զարդեր։ Բայց առավել հաճախ, իտալուհիները կրում են սպիտակ հարսնաշոր։

^{Աղբյուրը՝ adme.ru}