ՀԱՆՐԱՃԱՆԱՉ ՄԱՐԴԻԿ

Աֆորիզմներ ձանձրույթի, կարոտի, թախիծի մասին

Ձանձրույթը, բացասական գունավորված զգացմունքի կամ տրամադրության տարատեսակ է, հոգեկան պասիվ վիճակ, որը բնորոշվում է ակտիվության նվազեցմամբ, որևէ գործունեության, շրջակա աշխարհի և այլ մարդկանց նկատմամբ հետաքրքրության բացակայությամբ։

Ձանձրույթի վիճակը կարող է առաջանալ ինչպես արտաքին պատճառներից (միատեսակ աշխատանք, շփման պակաս), այնպես էլ արտաքին դատարկությամբ և ուրախություն առաջացնող զգայական վերապրումների նկատմամբ անկարողությամբ, նպատակի և կյանքի իմաստի բացակայության զգացողությամբ։

Ներկայացնում ենք Ձեզ մի քանի խորիմաստ աֆորիզմներ ձանձրույթի, կարոտի, թախիծի մասին՝ հայտնի մտածողներից։

Նույնիսկ ինքը փառասիրությունը նվազ սիրալիր է մարդկային կյանքի նկատմամբ, քան ձանձրույթը. փառասիրությունը հաճույքով պարծենում է իր զիջողությամբ, իսկ ձանձրույթը արնախում է, ինչպես մարդակերը:

Բենքրոֆթ

Մելամաղձոտը նայում է գեղեցիկ դեմքին, բայց տեսնում է միայն մերկ ատամնաշարով գանգ:

Բոուվի

Ձանձրույթը երջանիկների տկարությունն է. դժբախտները երբեք չեն ձանձրանում, նրանք չափազանց շատ գործ ունեն:

Դյուֆրեն

Կարոտը թախիծ է առանց սիրո:

Թոմագեո

Նույնիսկ կարոտից ծնունդ առած ցավը… նվազ անտանելի է, քան ինքը կարոտը:

Լեոպարդի

Չկա ավելի միայնակ մարդ, քան նա, ով սիրած կնոջից ավելի է ապրել:

Հեմինգուեյ

Հումորի գաղտնի աղբյուրը ոչ թե ուրախության, այլ տխրության մեջ է. երկնքում հումոր չկա:

Մարկ Տվեն

Միայնությունը նման է թունավոր բույսի հոտի. այն հաճելի է, սակայն, թմրեցնում է և ժամանակի ընթացքում կործանարար է դառնում ամենաամուր մարդկանց համար:

Շպիլհագեն

Միայնության մեջ կարելի է ձեռք բերել ամեն ինչ, բացի բնավորությունից:

Ստենդալ

Մենակությունը չի կարելի լցնել հիշողություններով, նրանք միայն խորացնում են այն:

Ֆլոբեր

Մենակությունը ծերության ամենաստույգ հատկանիշն է:

Օլքոթ

Ձանձրույթը մեր ամենամեծ թշնամին է:

Վոլտեր

Թախծել կարող են բոլորը…

Ֆագյուս

Ձանձրույթը, որով համակված են որոշ գրքեր, ծառայում է նրանց օգտին. իր նիզակը բարձրացրած քննադատությունը քուն է մտնում՝ չհասցնելով այն նետել:

Էբներ Էշենբախ

Վհատությունը բարոյական մահ է:

Լառոշֆուկո Դուդովիլ

Հրապարակման ներկայացրեց՝ Ջուլիետտա Մանուկյանը

Ուշադրություն

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը.

Հրապարակիր քո նյութը

Նախորդ նյութը

Թեստ. Ճի՞շտ է, թե՞ սխալ

Հաջորդ նյութը

Երջանկության միջազգային օր