Մենք բոլորս էլ դա լսել ենք մի քանի անգամ․․․

Երջանկությունը՝ միակ բանն է, որ մեզանից յուրաքանչյուրը ցանկանում է հասնել կյանքում:

Մեր պրոբլեմների մեծ մասը մենք ինքներս ենք ստեղծում՝ հորինելով հիմար օրենքներ և սահմանելով անհասկանալի սահմաններ:

Լինել երջանիկ՝ անձնական ընտրություն է, ամեն ինչ կախված է միայն Ձեզանից:

Մեզ հաճախ են ասում, որ դժբախտություններն ու անհաջողությունները՝ այս կյանքի մի մասն են և որ մենք պետք է դրանք հաղթահարենք: Բայց դա սուտ է: Դժբախտությունը ինքն իրեն չի առաջանում: Մենք հրահրում ենք դրանք մեր մտքերով և ներշնչմամբ:

Դրա փոխարեն՝ մենք պետք է մեր ամբողջ ուժը կենտրոնացնենք նրա վրա, որպեսզի ապրենք մեր կյանքով և դառնանք թեկուզ մի փոքր երջանիկ:

Ահա 9 սովորություն, որ կօգնեն փոխել կյանքը:

1. Շրջապատեք Ձեզ երջանիկ մարդկանցով

Մեր շրջապատը ձևավորում է մեր վարքն ու հայացքները կյանքի հանդեպ: Եթե Ձեզ շրջապատող մարդիկ երջանիկ են՝ նրանց երջանկությունը փոխանցվում է նաև Ձեզ:

Բայց եթե Ձեր շուրջը անընդհատ դժգոհ մարդիկ են, ապա դուք ինքներդ էլ չեք նկատի, թե ինչպես կսկսեք փնթփնթալ և անընդհատ դժգոհել:

2. Մի համեմատեք Ձեզ ուրիշների հետ

Համեմատությունը՝ մեծագույն չարիք է, որովհետև այդպես դուք գողանում եք երջանկությունը և՛ Ձեզանից, և՛ նրանից, ում հետ համեմատվում եք:

Իհարկե, միշտ կան մարդիկ, որոնք ավելի լավ են ապրում, քան դուք: Բայց ամեն ոք ունի այս կյանքում իր ճանապարհը: Սեփական ուժեղ կողմերը գտնելու և սեփական արժեքը տեսնելու ունակությունը՝ հաջողության բանալիներից մեկն է:

3. Զբաղվեք մեդիտացիայով

Մտքի մաքրությունը՝ այն է, ինչը բերում է էմոցիոնալ հանգստության և երջանկության: Շատ մարդիկ հասնում են այդ վիճակին մեդիտացիայի օգնությամբ: Նրանք, ովքեր մեդիտացիայով են զբաղվում, որպես օրենք՝ ավելի երջանիկ են և ավելի քիչ են ենթարկվում սթրեսերի:

4. Եղեք շնորհակալ

Երախտագիտություն զգալ և չարտահայտել այն՝ նույնն է, ինչ նվեր գնել և չնվիրել այն: Երբ դուք շնորհակալ կլինեք ամեն ինչի համար, ինչ ունեք, այդժամ կտեսնեք թե ինչպես է Ձեր կյանքը աչքերի առաջ փոխվում:

5. Պահպանեք Ձեր մարմինը

Ձեր ֆիզիկական վիճակը անդրադառնում է նաև էմոցիոնալ վիճակի վրա: Եթե դուք Ձեզ վատ եք զգում, ապա չեք կարող ամբողջությամբ օգտվել կյանքի հնարավորություններից:

Այդ պատճառով հետևեք պարզ օրենքներին՝ լավ քնեք, շատ ջուր խմեք, լավ սնվեք, զբաղվեք ֆիզիկական վարժություններով:

6. Օգնեք ուրիշներին

Ուղղակի ինչ-որ բան արեք այլ մարդկանց համար՝ փոխարենը չսպասելով ոչինչ: Դա կարող է լինել ուղղակի բարի խոսք, լավ ժեստ, ժպիտ, ժամանակ կամ հոգատարություն:

7. Սովորեք ներել

Բարկությունը՝ դժբախտության հիմնական պատճառներից է: Ցավ զգալը՝ նորմալ է, բայց ամեն օր մտածել վիրավորանքների մասին՝ վատ է:

Սովորեք բաց թողնել ցավն ու բարկությունը, և դա տեղ կազատի Ձեր կյանքում մեկ այլ՝ առավել լավ բանի համար:

8. Եղեք ճկուն

Աշխարհն անընդհատ փոխվում է և դուք պետք է աշխարհի հետ միասին տրանսֆորմացվեք: Այլապես չեք կարողանա արագ զարգանալ և դառնալ հաջողակ: Այդ առումով ամենակարևոր հմտությունը՝  բաց թողնել անցյալը և չվախենալ նորից:

9. Եղեք պոզիտիվ

Հնարավոր չէ կյանքում կառավարել ամեն բան: Այդ պատճառով փորձեք հանգստանալ:

Մի դարձրեք Ձեր կյանքն ավելի ծանր՝ հետևելով հիմար օրենքներին: Կա միայն մի խնդիր՝ լինել երջանիկ, մնացածը կարևոր չէ: