Ձեզ ենք ներկայացնում փաստեր Մարկ Մենսոնի և «Թքած ունենալու նուրբ արվեստը» գրքի մասին:
1. «Թքած ունենալու նուրբ արվեստը» ամերիկացի բլոգեր և գրող Մարկ Մենսոնի երկրորդ գիրքն է։
2. Մարկ Մենսոնը ծնվել է 1984թ. մարտի 9-ին ԱՄՆ-ի Տեխաս նահանգում:
3. Տեղափոխվել է Բոստոն քաղաք, որտեղ սովորել և 2007 թվականին ավարտել է Բոստոնի համալսարանը՝ ֆինանսիստի որակավորմամբ:
4. Ծանոթություններին և ժամադրություններին նվիրված իր առաջին բլոգը սկսել է 2009 թվականին: Դրանից հետո բացել է մշակութային, մարդկային հարաբերություններին ու ժամադրություններին նվիրված MarkManson.net կայքը:
5. Մարկ Մենսոնը MarkManson.net կայքում ներկայացնում է հայտնի մի բլոգ, որը 2014 թվականին ունեցել է 400,000 այցելու, իսկ 2016 թվականին՝ շուրջ 2 միլիոն: Նա գրում է մշակութային, մարդկային հարաբերությունների, հոգեբանության ու ժամադրությունների թեմաներով:
6. Գրել է երեք գիրք. «Թքած ունենալու նուրբ արվեստը», «Մոդելները.կանանց ազնվությամբ գրավեք», «Թքել ենք բոլորս»:
7. Նա «Infinity Squared Media» ՍՊԸ-ի հիմնադիր տնօրենն է:
8. Մարկ Մենսոնի հոդվածները հրապարակվել են CNN-ի եթերում, BBC News-ում, Business Insider-ում, Yahoo! News -ում, Time-ում, VOX -ում և այլուր:
9. «Թքել ենք բոլորս» գրքի վերաբերյալ Կոլումբիայի համալսարանի հոգեբանության պրոֆեսորն ասել է.
«Մարկ Մենսոնը շարունակում է ստեղծագործորեն և անսպասելի քանդել մարդկային երջանկության և բարեկեցության մասին հարցերը։ Արդյունքում ստանում է զարմանալիորեն մատչելի գիրք, որը պատասխանում է խորագույն հարցերից մի քանիսին, օրինակ, թե ուր է շարժվում մեր աշխարհը, և, ինչպես հոգ տանել քո մասին (կամ իրար մասին), մինչև մենք չհասնենք այնտեղ, որտեղ շարժվում ենք»:
10. «Թքած ունենալու նուրբ արվեստը» գիրքը Տպագրվել է HarperOne հրատարակչության կողմից։
11. Առաջին անգամ տպագրվել է 2016 թվականի սեպտեմբերի 3-ին Ամերիկայի Միացյալ Նահանգներում:
12. 2018 թվականի Փետրվար ամսվա տվյալներով գիրքը վաճառվել է շուրջ 2 միլիոն օրինակով։
13. Հունիս ամսին գիրքը գլխավորել է փաստավավերագրական ստեղծագործությունների լավագույն տասնյակը:
14. Գիրքը արձագանք է մարդու ներաշխարհի, ինքնօգնության, ինչպես նաև հեղինակի տեսակետների մասին: Մարկ Մենսոնը օգտագործել է բազմաթիվ սեփական կյանքի փորձեր՝ ցույց տալու, որ կյանքի դժվարություններն ու փորձությունները հաճախ ավելի մեծ գաղափար են տալիս մարդուն, քան մշտապես փորձելով երջանիկ լինելը:
15. Մենսոնը իր տեսակետն ու ոճը դասակարգել է հակասական մոտեցումներով՝ օգտագործելով միաժամանակ ազնվությունն ու խորամանկությունը՝ ավելի ընդգծելու իր գաղափարները:
16. 2018 թվականի փետրվարի 18-ից այն հայտնվել է NYTimes-ի լավագույն վաճառվողների ցուցակում՝ չզիջեով իր դիրքերը շուրջ 60 շաբաթ:
17. 2017 թվականին գիրքը Barnes & Noble-ի կողմից համարվել է լավագույն վավերագրական գիրքը, իսկ Amazon.com-ում և Կանադայում՝ լավագույն վաճառված գիրքը։
18. Մարկ Մենսոնը ի սկզբանե գրել է հոդված, հոդվածը գրելուց հետո է միայն հասկացել, որ պետք է գիրք գրի:
19. Մարկ Մենսոնը հարցին թե ինչի վրա պետք է թքած ունենալ պատասխանել է.
«Քննադատության: Խոսքը և դրականի, և բացասականի մասին է»:
20. Գիրքը թարգմանվել է հայերեն 2018 թվականին:
Հրապարակման ներկայացրեց՝ Գոհար Վարդանյանը
Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.
Գրանցվիր մեր Telegram ալիքին։ Ուղարկում ենք միայն թարմ հոդվածները:
