Դրա համար կա 5 պատճառ …
Պապերի, տատերի և թոռների միջև կապի մեջ մի անհավատալի բան կա, և դա շատ ավելի խորն է, քան պարզապես ազգականությունը: Եվ չնայած ժողովրդական իմաստությունը ասում է, որ երեխա մեծացնելու համար ձեզ հարկավոր է մի ամբողջ գյուղ, սա միակ պատճառը չէ, որ տատիկների և պապերի հետ շփվելը օգտակար է երեխաների համար:
Ահա 5 պատճառ, թե ինչու պապի և տատի հետ սերտ կապը ամենալավ նվերն է ցանկացած երեխայի համար.
1. Երեխաները միշտ կունենան լրացուցիչ աջակցություն
Օքսֆորդի համալսարանում անցկացված ուսումնասիրության արդյունքում պարզվել է, որ երեխաները, ովքեր մոտ են տատիկին ու պապիկին, ունեն ավելի քիչ հուզական և վարքային խնդիրներ և ավելի լավ են կարողանում վարվել այնպիսի տրավմատիկ կյանքի իրադարձությունների հետ, ինչպիսիք են ամուսնալուծությունը կամ բռնությունները դպրոցում:
Տատն ու պապը կարող են ապահովել անվտանգության և աջակցության զգացողություն, որն օգնում է երեխաներին անբարենպաստ իրավիճակներում:
2. Սերնդային հիշողությունը և ինքնորոշումը օգնում են երեխաներին ավելի լավ դիմակայել դժվարություններին
Այլ ուսումնասիրություններ ցույց են տալիս, որ սերունդների մեջ ինքնություն ունենալը կամ ընտանեկան պատմությունը հասկանալը և դրա մեջ տեղավորելը կարող են երեխաներին ավելի ճկուն դարձնել և օգնել նրանց ավելի լավ վերահսկել իրենց կյանքը, նույնիսկ այն դեպքում, երբ նրանց ընտանիքի սահմաններից դուրս գտնվող աշխարհը անվերահսկելի է թվում:
Սեպտեմբերի 11-ի ահաբեկչություններից հետո երեխաների սթրեսային դիմադրությունն ուսումնասիրող հոգեբանները պարզեցին, որ նրանք, ովքեր ավելի շատ գիտեին իրենց ընտանեկան պատմության մասին, ավելի լավ են հաղթահարել սթրեսը: Այս գիտելիքները կարող են օգնել երեխային հասկանալ, որ ինքն իրենից ավելի մեծ բանի մաս է կազմում: Տեղյակ լինելը այն փաստի մասին, որ նախորդ սերունդները վերապրել են իրենց դժվարին ժամանակները, օգնում են երեխաներին հաղթահարել դժվարությունները և վերադառնալ նորմալ վիճակի:
3. Պապիկի և տատիկի հետ սերտ կապը երեխաներին սովորեցնում է ավելի հանգիստ վերաբերվել տարիքին
Մենք բոլորս ծերանալու ենք և, իհարկե, չենք ցանկանում, որ հաջորդ սերունդը խտրականություն դրսևորի մեր հանդեպ, երբ դա տեղի ունենա: Բարեբախտաբար, այդպիսի էյջիզմի լավագույն հակաթույնը երեխաների և նրանց տատիկների և պապերի միջև դրական հարաբերությունների զարգացումն է:
Մի ուսումնասիրության համաձայն, որին մասնակցել են 7-ից 16 տարեկան բելգիացի երեխաներ, երեխաները, ովքեր մոտ են իրենց տատիկ-պապիկներին, ավելի քիչ են արհամարհում տարեց մարդկանց:
Երեխաները, որոնք վատ հարաբերություններ են ունեցել տարեց հարազատների հետ (պարտադիր չէ շփումների քանակի, այլ ավելի շուտ դրանց որակի առումով), հաճախ տարեցների հանդեպ ավելի արհամարհական վերաբերմունք են դրսևորում:
4. Ավագ սերնդի հետ շփումը պաշտպանում է դեպրեսիաներից
2014 թվականին Բոստոնի քոլեջում անցկացված ուսումնասիրությունները կապ են գտել երեխաների և տարեց հարազատների շփման և ընտանիքի բոլոր անդամների մոտ ընկճվածության ցածր մակարդակի միջև: Թոռներն իրենց ավագ հարազատներին ծանոթացնում են հարմարանքների և ժամանակակից սարքերի հետ, մինչդեռ տատն ու պապը կիսում են կյանքի փորձը և խորհուրդները:
5. Երեխաները օգնում են տատիկ-պապիկներին ավելի երկար ապրել
Գիտությունը վերջապես ապացուցել է, որ տատիկների և պապիկների կողքին լինելը օգտակար է ոչ միայն երեխայի, այլև իրենց համար: Երեխաները դառնում են ավելի ճկուն, իսկ տատն ու պապը դառնում են ավելի առողջ:
Հետազոտողները պարզել են, որ թոռնիկներին խնամելը երկարացնում է տարեցների կյանքը միջինը 5 տարի: Սերունդների հաղորդակցությունը իսկապես շահեկան է:
Պահպանեք և հոգ տարեք ձեր տատիկների ու պապիկների մասին:
Գրանցվիր մեր Telegram ալիքին։ Ուղարկում ենք միայն թարմ հոդվածները:
