Իդեալական հարաբերություններ գոյություն չունեն: Եթե նույնիսկ ամբողջ սրտով սիրում եք մեկմեկու, Ձեզ մոտ միևնույնն է մնում են թեմաներ, որոնք առաջ են բերում թյուրըմբռնումներ: Պետք է գիտակցել, որ դա բացարձակ նորմալ է, չնայած զույգերի ներդաշնակության մասին կարծրատիպերի:

Եվ այսպես, իդեալական հարաբերությունների մասին գոյություն ունի միջին վիճակագրական 5 միֆ, որոնցից պետք է ազատվել առաջին հերթին:

1. Երջանիկ հարաբերություններում զույգերը միանման հետաքրքրություններ ունեն

Յուրաքանչյուր մարդ սեփական հետաքրքրություններն ունի: Պետք չէ կարծել, որ եթե օպերա ես սիրում, իսկ քո պոտենցիալ կյանքի ուղեկիցը տարված է դայվինգով, ապա խոսելու բան չեք ունենա և երջանիկ չեք լինի միասին: Հակառակը, անձնական հետաքրքրությունները ձեզ գրավիչ կլինեն զուգընկերոջ աչքերում:

2. Հարաբերությունների սկզբում անպայման պետք է կայծ լինի

Ոչ միշտ են մեր հարաբերություններն անհավանական սիրահարվածությամբ սկսվում: Այդ պատճառով հարկավոր է ուշադրություն դարձնել ոչ միայն կրքին և կայծին, այլև անվտանգության և հարմարավետության զգացողությանը, որը զգում ես մարդու կողքին: Ամուր հարաբերությունների համար ավելի կարևոր է միասին ծիծաղելը:

3. Երջանիկ զույգերը երբեք չեն վիճում

Չեն վիճում միայն նրանք, ում համար միևնույն է: Չեն վիճում միայն այն զույգերը, որոնց հարաբերություններն ավարտին են մոտենում: Պետք չէ մտահոգվել փոքր տարաձայնությունների համար, հաշտությունը բոնուս կլինի:

4. Ներդաշնակ հարաբերություններում հարկավոր է միշտ և ամենուր միասին լինել

Պատրանք է կարծիքը, որ երջանիկ զույգերը երբեք չեն բաժանվում: Յուրաքանչյուր մարդ վաղ թե ուշ ուզում է մենակ լինել: Ներդաշնակ հարաբերություններում զույգերը դա հասկանում են և հանգիստ միմյանց անձնական ժամանակ և տարածություն են տալիս: Եվ չպետք է ինքդ քեզ մեղադրես ընտանիքից հանգստանալու ցանկության համար: Դա առաջանում է ոչ այն պատճառով, որ ինչ-որ մեկն այլևս չի սիրում քեզ, այլ հակառակը. դա օգնում է պահպանել զգացմունքները, նույնիսկ հարաբերություններին նոր շունչ հաղորդել:

5. Երջանիկ հարաբերություններում զուգընկերները պաշտում են միմյանց հարազատներին

Պետք չէ զուգընկերոջից քո շրջապատի հանդեպ միանշանակ սեր ակնկալել: Դու նույնպես պարտավոր չես սիրել նրա բոլոր ազգականներին և ընկերներին: Ձեզանից յուրաքանչյուրը հարաբերությունների համար միայն միմյանց է ընտրում, իսկ հետագայում հարկավոր է միայն ճիշտ կազմակերպել ազգականների և ընկերների հետ փոխհարաբերությունները՝ ոչ ոքի չնեղացնելու համար: