Ներկայացնում ենք Գերմանացի փիլիսոփա Գեորգ Քրիստոֆ Լիխտենբերգի մի քանի սրամիտ մտքեր։

Դա մի գործ է, որի ժամանակ, ինձ թվում է, համբերությունն ինքն իր մազերը կպոկի:

Աշունը հողին պարտահատույց է լինում տերևներով, որոնք ամռանը փոխ էր առել նրանից:

Անձրևն այնպես ուժեղ էր տեղում, որ բոլոր խոզերը մաքուր մաքրվեցին, իսկ մարդիկ կեղտոտվեցին:

Հանրահայտ է, որ «մի քառորդ ժամ»-ը ավելի շատ է, քան քառորդ ժամը:

Հարց. Ինչն է հեշտ և ինչն է դժվար:
Պատասխան. այդպիսի հարցեր տալը հեշտ է, պատասխանելը՝ դժվար:

Նա գլխավորապես այն խոսքերն էր սիրում, որոնք սովորաբար բառարաններում չեն հանդիպում:

Ճանճը, որ չի կամենում ճզմվել, իրեն ամենից ավելի ապահով է զգում նույն ճզմիչի վրա:

Նա փսխում է գաղտնիքներ և գինի:

Գյուղացի աղջիկները բոկոտն են ման գալիս, իսկ ազնվազարմերը՝ մերկ:

Գլխարկը հանելը մեր մարմնի կրճատումն է, նրա ինքնափոքրացումը:

Հրապարակման ներկայացրեց՝ Աննա Հովսեփյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]