Հրեաների խորաթափանց մտքի մասին լեգենդներ են հյուսվում և ոչ իզուր: «Մովսեսի զավակների» սրամիտ առածներն ու ասացվածքները օգնում են ավելի լավ հասկանալ այս աշխարհի էությունը.

Փողերով այդքան էլ լավ չէ, ինչպես վատ է առանց փողի:

Ադամը առաջին երջանիկն էր, որովհետև զոքանչ չուներ:

Եթե պրոբլեմը կարելի է լուծել փողով՝ դա պրոբլեմ չէ, դա ծախս է:

Աստված մարդուն տվել է երկու ականջ և մեկ բերան, որպեսզի մարդը ավելի շատ լսի և քիչ խոսա:

Թող աստված փրկի քեզ վատ կանանցից, իսկ լավերից ինքդ կփրկվես:

Մտավ գինին՝ դուրս եկավ գաղտնիքը:

Աստված չի կարող միաժամանակ լինել ամենուր: Այդ պատճառով նա ստեղծեց մայրերին:

Մի եղիր քաղցր՝ այլապես քեզ կուտեն, մի եղիր դառը՝ այլապես քեզ կթքեն:

Այծից զգուշացիր դիմացից, ավանակից՝ ետևից, իսկ հիմարից՝ բոլոր կողմերից:

Հյուրն ու ձուկը երեք օրից սկսում են հոտել:

Գիտելիքը շատ տեղ չի զբաղեցնում:

Ավելի լավ է հրեան առանց մորուս, քան մորուքն առանց հրեայի:

Մարդը պետք է ապրի՝ թեկուզ հետաքրքրությունից դրդված:

Խուլը լսել է, թե ինչպես է համրը պատմել, որ կույրը տեսել է, թե ինչպես է կաղը արագ-արագ վազում:

Աստված պաշտպանում է աղքատներին, համենային դեպս, թանկարժեք մեղքերից:

Եթե բարեգործությունը ոչինչ չարժենար՝ բոլորը ֆիլանտրոպ կլինեին:

Երբ ծեր կույսը ամուսնանում է՝ նա անմիջապես վեր է ածվում երիտասարդ կնոջ:

Ծնողները սովորեցնում են երեխաներին խոսել, երեխաները՝ սովորեցնում են ծնողներին լռել:

Հեռվից բոլոր մարդիկ էլ վատը չեն:

Միգուցե ձվերը ավելի խելացի են հավերից, բայց դրանք շուտ են փչանում:

Տղամարդիկ ավելի շատ բան կանեին, եթե կանայք քիչ խոսեին:

Լավ լռելը շատ ավելի դժվար է, քան լավ խոսելը:

Վատ կինը՝ անձրևից էլ վատն է: Անձրևը դեպի տուն է վռնդում, իսկ վատ կինը՝ տնից դուրս:

Աշխարհը կվերանա ոչ թե այն պատճառով, որ շատ մարդ կա, այլ այն պատճառով, որ շատ տմարդի կա:

Աստված իմ, օգնիր ինձ ոտքի կանգնել՝ ընկնել ես ինքս էլ կարող եմ:

Եթե կյանքը չի փոխվում դեպի լավը՝ սպասիր, այն կփոխվի դեպի վատը:

 Որքան էլ որ քաղցր լինի սերը՝ դրանից կոմպոտ չես պատրաստի:

Երբ ոչինչ չկա անելու՝ կատարվում են մեծագույն գործերը:

Երկու չարիքից ընտրություն կատարելիս, վատատեսը կընտրի երկուսն էլ:

Բոլորը բողոքում են փողի սակավությունից, իսկ ուղեղի սակավությունից՝ ոչ ոք չի բողոքում:

Ով երեխա չունի՝ լավ է դաստիարակում նրանց:

Ավելի լավ է մահանալ ծիծաղից, քան վախից:

Փորձը՝ բառ է, որով մարդիկ անվանում են իրենց սխալները:

Ճերմակ մազը՝ ծերության նշան է, ոչ թե իմաստության:

Ծերանալով մարդը սկսում է վատ տեսնել, բայց շատ տեսնել: