Մասոնների շուրջ բազմաթիվ լեգենդներ են հյուսվել՝ սկսած համաշխարհային մասոնական դավադրությունից, մինչև ծիսական սպանություններ:

Իսկ իրենք՝ մասոնները, իրենց անվանում են ոչ թե գաղտնի կազմակերպություն, այլ գաղտնիքներով կազմակերպություն: Այս տեսության մեջ ներկայացնում ենք հարուստ ինտելեկտուալ տղամարդկանց համար նախատեսված այս փակ ակումբի մասին մի քանի հետաքրքիր փաստեր:

1. Մոտ 5 միլիոն մասոն

Մասոնությունը տարբեր ձևերով գոյություն ունի աշխարհի տարբեր ծայրերում: Համարվում է, որ ամբողջ աշխարհով մասոնները մոտ 5 միլիոն են (այդ թվում, մոտ 480 հազար Մեծ Բրիտանիայում և 2 միլիոնից ավել՝ ԱՄՆ):

2. Մոսոնները գաղտնի՞ են, թե՞ ոչ

Չնայած տարածված կարծիքի՝ մասոնները չեն համարվում գաղտնի կազմակերպություն: Մասոնը կարող է հանգիստ ասել մարդկանց, որ ինքը մասոն է: Իսկ ահա իրենց միաբանության գաղտնիքները բարձրաձայնել նրանց թույլ չի տրվում:

3. 24 հունիսի 1717թ.

Ընդունված է համարել, որ մասոնությունը որպես երևույթ ի հայտ է եկել 1717թ. հունիսի 24-ին՝ Լոնդոնյան մեծ օթյակի հիմնադրման օրը:

4. Բարոյականություն, ընկերություն, եղբայրական սեր

Մասոնական խորհրդանիշում աշխատանքային գործիքների առկայությունը խորհրդանշում է մասոնների մեջ բարոյականությունը, ընկերությունը և եղբայրասիրությունը:

5. Խորհրդանիշի ծագումը

Համարվում է, որ մասոնները օգտագործում են խորհրդանիշերը եղբայրության գաղտնիության պատճառով: Սակայն, իրականում, մասոնության մեջ սկսել են խորհրդանիշներ օգտագործել, քանի որ կազմակերպության հիմնադրման սկզբին անդամների մեծ մասը չգիտեին կարդալ:

6. Քառակուսի և կողմնացույց

Ամենահին մասոնական խորհրդանիշն է քառակուսին և կողմնացույցը: Այն նաև համարվում է մասոնության ամենատարածված խորհրդանիշը, չնայած որ նրա հստակ նշանակությունը տարբեր երկրներում տարբեր կերպ է մեկնաբանվում:

7. Մասոնական օթյակը մարդկանց համայնք

Մասոնական օթյակը մարդկանց համայնք է, այլ ոչ թե շինության անվանում: Յուրաքանչյուր օթյակ պետք է պատվոգիր ստանա «Մեծ օթյակից», բայց դրանից հետո հիմնականում դրանք ինքնակառավարվող են: Նաև գոյություն չունի նիստեր անցկացնելու հստալ ծիսակարգ: Յուրաքանչյուր օթյակ այն անում է յուրովի:

8. Աթեի՞ստ: Նշանակում է ոչ մասոն

Աթեիստը չի կարող դառնալ մասոն: Առաջին պահանջը կայանում է նրանում, որ պոտենցիալ անդամը պետք է հավատա որևէ վերին ուժի:

9. Մասոնության երկու ճյուղ

Գոյություն ունի մասոնության երկու ճյուղ՝ կանոնավոր, որն ենթարկվում է «Անգլիայի Միացյալ Մեծ Օթյակին» և լիբերալ, որն ենթարկվում է «Ֆրանսիայի Մեծ Արևելքին»:

10. Գաղտնի նշաններ

Մասոնները ավանդաբար ողջունում են մեկմեկու գաղտնի նշաններով, այդ թվում, կրում են մատանի մասոնական խորհրդանիշով, տարբեր տեսակի կրծքանշաններ, իսկ երբեմն էլ փոխանակվում են այսպես կոչված «մասոնական ձեռքսեմամբ»:

11. Անդերս Բրեյվիկ

Անդերս Բրեյվիկը, ով հայտնի է Նորվեգիայում իր սերիական սպանություններով՝ նույնպես մասոն է:

12. Հրամայված է սուտ վկայություն տալ

Մասոնները չեն կարող ճիշտ վկայություն տալ դատարանում, եթե ամբաստանյալը իրենց միաբանության եղբայրն է և նա մեղավոր է: Նրանք խոստովանում են, որ դա կարող է սուտ վկայություն լինել, բայց եղբայրության մեջ ավելի մեծ «մեղք» համարվում է չպաշտպանել «յուրայինին»:

13. Մասոնությունը չունի միասնական առաջնորդ

Մասոնները դրանք բազմաթիվ կազմակերպություններում բազմաթիվ մարդիկ են, որոնք ենթարկվում են տեղի Մեծ օթյակին: Եղբայրության անդամներից ոչ մեկը և ոչ մի կազմակերպություն չեն կարող խոսել մասոնության անունից՝ դա թույլատրված է միայն Մեծ օթյակին:

14. Ազատության արձանը

Ֆրեդերիկ Բարտոլդին, մարդ, ով ստեղծել է հանրահայտ Ազատության արձանը, նույնպես մասոն էր:

15. Ձեռքսեղմումներ և գաղտնաբառեր

Գաղտնի ձեռքսեղմուներն ու գաղտնաբառերը, որոնք այժմ ասոցացվում են մասոնության հետ, նախկինում օգտագործվել են մասոնների կողմից իրար ճանաչելու համար: Դա կարևոր նշանակություն է ունեցել եղբայրության գաղտնիքը պահելու համար:

16. Լուսնային մոդուլի օդաչու

Տիեզերագնաց Բազ Օլդրինը Քլիեր Լեյք № 1417 օթյակի անդամ էր Տեքսասում: Նա նաև «Ապոլոն 11» լուսնային մոդուլի օդաչուն էր:

17. Եկատերինա Բաբինգթոն

Եկատերինա Բաբինքթոնը այնքան շատ էր ցանկանում իմանալ մասոնության գաղտնիքները, որ Կենտուկիի օթյակի հանդիպումներին, ուղիղ մեկ տարի, թաքնվում էր ամբիոնի մեջ: Երբ նրան հայտնաբերեցին, մեկ ամիս գերության վերցրեցին:

18. Ամենահայտնի մասոնները

Չարլզ Դարվին, Մարկ Տվեն, Ուինսթոն Չերչիլ, Էդվարդ Գուվեր, Բենջամին Ֆրանկլին, նաև առաջին ԱՄՆ նախագահ Ջորջ Վաշինգթոնը՝ բոլոր նրանք եղել են մասոններ:

19. Իլյումինատներ և ֆրանկմասոններ

Դավադրության տեսության կողմնակիցները կապում են ֆրանկմասոններին իլյումինատների հետ: Ամեն դեպքում, դա քիչ հավանական է թվում, որովհետև իլյումինատները՝ բացարձակ գաղտնի կազմակերպություն է (այն աստիճան, որ մարդկանց մեծ մասը կարծում է որ այդ կազմակերպությունն այլևս գոյություն չունի), այն դեպքում, երբ մասոնները կարող են բարձրաձայնել, որ իրենք մասոնական օթյակի անդամ են:

20. Նացիստները ոչնչացնում էին մասոններին

Հիտլերը համարում էր, որ մասոնները դա հրեական կազմակերպություն է, այդ պատճառով, նացիստական ռեժիմի ժամանակ սպանվեցին 80000-ից 200000 մասոն:

21. Գենդերային անհավասարություն ԱՄՆ-ում

Մասոնության ամերիկյան տարատեսակում կանանց մուտքն արգելված է, այն դեպքում, երբ Եվրպոայում կանանց թույլատրում են ձեռնադրմանը:

22. Արևի պաշտամունք

Արևի պաշտամունքը համարվում է մասոնության հիմքը, ինչպես այլ գաղտնի կազմակերպություններում:

23. Մասոնական տաճար Չիկագոյում

Իլինոիս նահանգի, Չիկագո քաղաքի մասոնական տաճարը, կառուցված 1892թ. այն ժամանակ համարվում էր աշխարհի ամենաբարձր շինությունը: Այն ուներ 22 հարկ:

24. Մասոնները պատերազմում

Ամերիկյան քաղաքացիական պատերազմի ժամանակ, թշնամական բանակի զինվորները, ովքեր մեկմեկու մեջ մասոն էին ճանաչում, օգնում և փրկում էին միմյանց կյանքերը: Նույնիսկ պատերազմի ժամանակ մասոնական հավատարմությունը չէր անհետանում: