Առավոտյան 4-ին արթնանա՞լը նոր 6-ն է։ Վերջերս Wall Street Journal-ի հոդվածի համար մի լրագրող հարցազրույց էր վերցրել մի քանի միլիարդատերերից և պարզել, որ նրանք բոլորն էլ առավոտյան 4-ը համարում են «օրվա ամենաարդյունավետ ժամանակահատվածը»։ Սակայն կլինիկական հոգեբան Մայքլ Ջ. Բրեուսը (Michael J. Breus) psychologytoday.com-ի համար գրում է, որ դա բնակչության միայն մոտ 15 տոկոսի ուժերի ներածին չափ է, ուստի նա խորհուրդներ է տալիս, թե ինչպես ստուգել՝ արդյոք կարող եք որդեգրել այն սովորությունը, որը ձեզ հարուստ կդարձնի։
Չմոռանաք բաժանորդագրվել մեր Telegram ալիքին:
Wall Street Journal-ի լրագրողի խոսքով՝ կա երեք հիմնական պատճառ, թե ինչու է առավոտյան 4-ին արթնանալն այդքան դրական ազդել հարցվածների արտադրողականության վրա.
- Այդ ժամին շեղող գործոնները նվազագույնն են (երեխաներ, ընտանիք, աշխատակիցներ կամ ղեկավարներ)։
- Գրեթե ոչ ոք ձեզ էլեկտրոնային նամակներ կամ հաղորդագրություններ չի ուղարկում։
- Սոցիալական ցանցերում հետաքրքիր բովանդակությունն ավելի քիչ է։
Հարցվածների խմբի կազմը զարմանալի չէր. նրանց թվում էին Apple-ի գործադիր տնօրեն Թիմ Կուկը, Virgin Atlantic-ի գործադիր տնօրեն Ռիչարդ Բրենսոնը և Starbucks-ի նախկին նախագահ Միշել Գասը։ Բայց ամենահետաքրքիրն այն է, որ հարցվածների մեծամասնությունն առավոտյան այս ժամանակահատվածը համարում էր իր արդյունավետության համար «անձնական» ժամանակ։
Նրանք օգտագործում էին այս ժամանակը՝ օրն արդյունավետ պլանավորելու, սպորտով զբաղվելու, ընթերցելու, խորհրդածելու (մեդիտացիա անելու) կամ աղոթելու համար։ Բացի այդ, հարցվածները նշում են, որ այժմ շատ ավելի վաղ են պառկում քնելու։
Իսկ արդյո՞ք պետք է արթնանալ առավոտյան 4-ին
Թեև հիանալի է, որ նրանք այս խնդիրները կատարում են մինչև լուսաբաց, առաջանում են հետևյալ հարցերը. ինչո՞ւ հենց այդ ժամին, ինչպե՞ս են նրանք դա անում, և արդյո՞ք արժե փորձել… Առաջին հարցի պատճառը. նրանք գիտեն իրենց քրոնոտիպը։ Եթե նրանք բնությունից «արտույտներ» են, դա կարող է հեշտ լինել, բայց առավոտյան 4-ը մի փոքր ծայրահեղ է թվում, գրում է Մայքլը։
Իհարկե, կան մարդիկ, ովքեր բնությունից վաղ են արթնանում, հնարավոր է՝ առավոտյան 5-ից 5:30-ի սահմաններում։ Մայքլն այդպիսի մարդկանց անվանում է «առյուծներ» կամ «վաղ թռչնակներ»։ Սակայն բնակչության միայն մոտ 15 տոկոսն է ընդունակ հաջողությամբ նման բան անել (և ոչ առավոտյան 4-ին)։
Սա գենետիկական խնդիր է. ձեր քրոնոտիպը ձեր գենետիկայի մասն է, այլ ոչ թե ձեր զարթուցիչի ընտրությունը։ Առավոտյան սովորույթները հիանալի են, բայց Մայքլն ասում է, որ դրանք խորհուրդ չէր տա առավոտյան 4-ին։ Բայց եթե դուք քնում եք ձեր քրոնոտիպին համապատասխան, կհասկանաք՝ արդյոք այս ռեժիմը ձեզ համապատասխանո՞ւմ է, թե՞ ոչ։
Եվ ահա մի հուշում. մարդկանց 85%-ի համար սա այնքան էլ լավ գաղափար չէ։
Կարդացեք նաև՝ Հաջողակ մարդու 9 սովորություն
Արդյո՞ք ձեր քրոնոտիպը նախատեսում է վաղ արթնանալ
Ահա մի քանի «հնարքներ», որոնց մասին պատմել է Մայքլը, և որոնք կարող են օգտակար լինել բոլոր նրանց, ովքեր կարծում են, որ օրը պետք է սկսվի առավոտյան 4:00-ին.
- Թեև նա մեդիտացիայի մեծ սիրահար է, նրա այցելուներից շատերն ասում են, որ այդքան վաղ խորհրդածելիս ի վերջո նորից քնում են։ Նա խորհուրդ է տալիս խորհրդածել քնելու պատրաստվելու երեկոյան սովորույթից առաջ։
- Վաղ առավոտյան մարզվելը հիանալի գաղափար է, բայց արժե առնվազն 15 րոպե հատկացնել նախավարժանքի և ձգումների համար։ Վաղ առավոտյան մարզումներն այն ժամանակն են, երբ շատ մարդիկ վնասվածք ստանալու բարձր ռիսկի տակ են, քանի որ նրանց մարմինը դեռ «չի արթնացել» 6-8 ժամ անգործությունից հետո։
- Շնչառական վարժությունները միշտ լավ գաղափար են։
- Եթե քնում եք սպորտային հագուստով, դա, ամենայն հավանականությամբ, կազդի ձեր քնի վրա, իսկ եթե առավոտյան երկու րոպե չեք կարողանում հատկացնել այն հագնելու համար, ապա մարզվելու համար հարմար ժամանակ չէ։
- Արթնանալու պատճառ գտեք. սա կարծես թե ինքնին հասկանալի է։
- Փոխեք զարթուցիչի տեղը. սա լավ գաղափար է բոլորի համար, բայց եթե ձեզ զարթուցիչ է պետք արթնանալու համար, դա հստակ նշան է, որ դուք արթնանում եք ձեր քրոնոտիպի համար ոչ հարմար ժամին։
- Պատկերացրեք, թե ինչ կարող եք անել այդ հավելյալ ժամի ընթացքում։
- Բաց մի թողեք նախաճաշը։ Սա բարդ է։ Որոշ «բուեր» այս ժամին նույնիսկ ուտելու մասին չեն կարող մտածել։ Բացի այդ, եթե դուք ընդհատվող ծոմապահություն (интервальное голодание) եք կիրառում, սա երբեք չի ստացվի։
- Օրվա համար երեք նպատակ դրեք…
Մայքլը կարծում է, որ այս գաղափարներն այնքան տարածված են, որովհետև ստիպում են մտածել. «Եթե այս բոլոր հաջողակ մարդիկ դա անում են, և ես ուզում եմ հաջողության հասնել, ուրեմն ես էլ պետք է դա անեմ»։
Իսկ ինչպե՞ս «արթնանալ հանուն փողի»
Ցավոք, մարդկանց մեծամասնության համար դա այդպես չէ։ Բայց եթե այնուամենայնիվ որոշեք փորձել, Մայքլը դա խորհուրդ է տալիս միայն «Առյուծներին» և առաջարկում է մի քանի խորհուրդ.
- Պառկեք քնելու ժամանակին, որպեսզի ապահովեք ձեզ առնվազն 6 ժամ անընդմեջ քուն։ Հետևաբար, եթե արթնանում եք առավոտյան 4-ին, անջատեք լույսերը մինչև 21:30-ը (սա ձեզ 30 րոպե կտա քնելու համար)։
- Եղեք հետևողական։ Մի սահմանափակվեք մի քանի օրով. սա լրջորեն կխախտի ձեր կենսաբանական ժամացույցը։
- Քնելուց 60 րոպե առաջ կրեք կապույտ լույսն արգելափակող ակնոցներ։ Սա կօգնի ձեզ ավելի հեշտ քնել և նվազեցնել կապույտ լույսի ազդեցությունը։
- Մտածեք 4:00-ի փոխարեն առավոտյան 5:00-ին արթնանալու մասին. սա չափազանց ծայրահեղ է ցանկացած քրոնոտիպի համար և, հավանաբար, մարդկանց մեծամասնության համար իսկապես արդյունավետ ժամանակ չի լինի։
Գրանցվիր մեր 
