Երբ մի հայտնի մարդու հարցրին, թե ինչպես է միլիոնատեր դարձել, նա չխոսեց փողից ու թվերից։ Նա խոսեց իր սխալներից․ այն մասին, թե ինչպես է ներդրումներ արել սխալ բաներում, ապրել սխալ մարդկանց հետ և մոռացել ամենագլխավորը։

Չմոռանաք բաժանորդագրվել մեր Telegram ալիքին:

Նա առանձնացրեց այս 17 սկզբունքները՝ իր որդուն փոխանցելու համար։ Առանց ավելորդ պաթոսի ու խրատների՝ միայն այն, ինչն իսկապես աշխատում է։ Յուրացրեք գոնե երեքը, և դուք կկարճացնեք ձեր ճանապարհը, որը կարող էր տասնամյակներ խլել։

1. Շրջապատը որոշում է ամեն ինչ

Դուք եզակի չեք։ Դուք ձեր շրջապատի արտացոլանքն եք։ Ցանկանու՞մ եք աճել, փոխե՛ք ձեր շրջապատը։

2. Առողջությունը ձեր ամենաթանկ կապիտալն է

Կարող եք լինել հարուստ, բայց անօգնական։ Կամ կարող եք լինել եռանդուն ու ամեն ինչ սկսել զրոյից։ Ամեն օր կատարեք ձեր ընտրությունը։

3. Մի՛ սպասեք իդեալական պահի

Այն երբեք չի գալու։ Սկսե՛ք նրանից, ինչ ունեք։ Հենց այսօր։

4. Վախը ցույց է տալիս աճի ուղղությունը

Եթե վախենում եք, ուրեմն աճի շեմին եք։ Քայլ արեք դեպի այդ վախը։

5. Փորձի մեջ ներդրումը միշտ արդարացված է

Սխալները ձախողումներ չեն, այլ ձեր հմտությունների փորձություն։ Գլխավորն այն է, որ նույն սխալի համար կրկին չվճարեք։

6. «Ոչ» ասելու կարողությունը ձեզ ազատ է դարձնում

Երբ «ոչ» եք ասում, դուք եք կառավարում իրավիճակը։ Երբ ամեն ինչին «այո» եք ասում, ձեզ են կառավարում։

7. Տեսությունն առանց գործողության անիմաստ է

Նույնիսկ եթե հազարավոր գրքեր կարդաք, բայց դրանցից ոչինչ չկիրառեք, դա ընդամենը ժամանց կլինի։

8. Վստահությունը սպառվող ռեսուրս է

Մեկ սխալ քայլ, և ամեն ինչ կփլուզվի։ Եղե՛ք այն մարդը, ում վրա կարելի է հույս դնել։ Դա այսօր հազվագյուտ է։ Իսկ հեղինակությունը մեկընդմիշտ է։

9. Համեմատության մեջ դուք միշտ պարտվում եք

Դուք նա չեք։ Դուք դուք եք։ Միակ թույլատրելի համեմատությունը երեկվա ձեզ հետ է։

10. Երախտագիտությունը լավատեսության աղբյուր է

Երբ գիտակցում եք, թե ինչի համար եք երախտապարտ, տրտունջի տեղ չի մնում։ Եվ ուղեղը դա ամրապնդում է։

11. Էներգիան ավելի կարևոր է, քան ժամանակը

Կարող եք ունենալ 10 ժամ ազատ ժամանակ և ոչ մի արդյունք։ Կամ ունենալ ընդամենը 1 ժամ՝ լիարժեք էներգիայով, ու սարեր շուռ տալ։

12. Անձնական սահմանները պաշտպանիչ զտիչ են

Եթե ձեզնից օգտվում են, նշանակում է՝ դուք հստակ սահմաններ չեք հաստատել։

13. Ամեն հարց ձեր կարծիքի կարիքը չունի

Երբեմն լռելը ոսկի է։ Վեճերը հաճախ ոչ թե ճշմարտություն գտնելու, այլ էմոցիոնալ լիցքաթափվելու միջոց են։

14. Սովորությունները կերտում են ձեր ապագան

Ամենօրյա ընտրությունը մի «ձայն» է։ Որքան հաճախ եք այն կրկնում, այնքան ավելի հստակ է դառնում ձեր ճակատագիրը։

15. Փողը գործիք է, ոչ թե կյանքի իմաստ

Այն ազատություն է տալիս։ Բայց եթե սխալ ուղղությամբ «փորեք», վաղ թե ուշ ինքներդ ձեզ կթաղեք դրա տակ։

16. Միայնությունը թշնամի չէ

Այն հայելի է, որը ցույց է տալիս, թե ով եք դուք իրականում՝ առանց դիմակների և շեղող հանգամանքների։ Մի՛ փախեք դրանից։

17. Ժամանակը հետհաշվարկ է

Ամեն օրը մինուս մեկ է։ «Հետո»-ի վրա հույս դնելը ամենամեծ սխալն է։

Կարդացեք նաև՝ Հոր նամակը երեխային. 9 դաս փողի և կյանքի մասին, որոնք շատերը շատ ուշ են յուրացնում

Իսկ ի՞նչ անել այս ցանկի հետ

«Ընտրի՛ր մեկ կետ։ Ապրի՛ր դրանով։ Երբ զգաս, որ այն դարձել է քո մի մասնիկը, վերադարձիր հաջորդի հետևից»։

Այսպիսով, արեք հետևյալը․

• Ընտրեք մեկ սկզբունք։
• Խորհեք՝ կյանքի որ ոլորտում եք այն անտեսում։
• Սկսեք կիրառել։ Գուցե ոչ միանգամից, գուցե ոչ կատարյալ, բայց՝ անկեղծորեն։

Այս 17 դասերը պարզապես գեղեցիկ մտքեր չեն։ Սա ճանապարհային քարտեզ է, որը թույլ չի տա ձեզ կյանքը զուր վատնել։