Վերջին տարիներին ավելի ու ավելի շատ միայնակ մարդիկ են հայտնվում։ Նրանք գրավիչ են, խելացի և հաջողակ, բայց հարաբերությունները միևնույնն է չեն ստացվում: Բրիտանացի գիտնականները որոշել են պարզել, թե ինչու է միայնությունը դարձել մոդայիկ, և ի՞նչ է մեզ սպասվում ապագայում։ Դա անելու համար նրանք հարցում են անցկացրել 2000 միայնակ մարդկանց շրջանում. արդյունքները զարմանալի են:
Չմոռանաք բաժանորդագրվել մեր Telegram ալիքին:
Այսպես, 45%-ը (գրեթե կեսը) ասել են, որ հարաբերություններ չեն սկսում, քանի որ ընտրում են իրենք իրենց։ Նրանք ընդգծել են, որ առաջնահերթություն են տալիս իրենց կարիերային, առօրյային և հոգեբանական բարեկեցությանը և պատրաստ չեն որևէ բան զոհաբերել «այն միակին» գտնելու համար:
Հարցվածների 74%-ը այնուամենայնիվ ցանկանում են հարաբերություններ, բայց ավելի եսասեր: Այսինքն, որպեսզի իրենց զուգընկերը հարգի իրենց սահմանները (և նրանք նույնը կանեն դրա դիմաց): Միևնույն ժամանակ, հարցվածներն ասել են, որ հարաբերություններից չեն ակնկալում «ընդհանուր ընդունված» որևէ բան, ինչպիսիք են երեխաներ ունենալը և ամուսնանալը:
Եթե խոսենք այն մասին, թե մարդիկ ինչ են ակնկալում հենց ժամադրությունից, 39%-ը պատասխանել է, որ ցանկանում է գտնել համախոհ մարդ։ Այսինքն՝ մարդիկ այլևս չեն ցանկանում ապագա կառուցել կամ միասին ապրել, նրանց համար գլխավորը ինտելեկտուալ կապվածությունն է: Իսկ հարցվածների 36%-ը նույնիսկ ասել է, որ ժամադրություններից ակնկալում է միայն զվարճանք՝ առանց պարտավորությունների։
Կարդացեք նաև՝ Միայնակ մարդկանց բնավորության 8 գիծ
Խոսելով բաժանումների մասին՝ մարդկանց 45%-ը պատասխանել է, որ մնացել են անհաջող հարաբերությունների մեջ միայն միայնության վախի պատճառով։ Հարցվածների 44%-ը պատասխանել է, որ չեն ցանկացել կոնֆլիկտ ունենալ, ուստի չեն խզել նյարդայնացնող միությունը։ Ի դեպ, 21%-ը նշել է ոչ տրիվիալ պատճառ՝ նրանք չեն ցանկացել հեռանալ զուգընկերոջից, քանի որ կապված են եղել նրա ընտանի կենդանու հետ։
Այնուամենայնիվ, գրեթե կեսը (44%) նշել է, որ ավելի շատ սեր է զգում կենդանու, քան իր զուգընկերոջ հանդեպ: Խոսելով ապագայի մասին՝ հարցվածների մեծ մասը պատասխանել է, որ հարաբերություններում գլխավորն այն է, որ հավատարիմ լինեք ինքներդ ձեզ և չբավարարվեք քչով։
Ծանոթությունների փորձագետ Սոֆի Բրաունը մի քանի խորհուրդ է տվել նրանց, ովքեր ցանկանում են հարաբերություններ, սակայն պատրաստ չեն ինչ-որ բան զոհաբերել.
- Թող հարաբերությունները աշխատեն ձեզ համար. միայն դուք եք վերահսկում, թե որքան ժամանակ և էներգիա եք պատրաստ ծախսել:
- Մի խախտեք ձեր ժամանակացույցը հանուն ժամադրության: Եթե շաբաթա վերջը ձեզ համար ձեր մասին հոգալու և ընկերների հետ հանդիպման օր է, ժամադրություն կազմակերպեք մեկ այլ օր (հինգշաբթի կամ ուրբաթ):
- Ձեր առաջին ժամադրության համար ընտրեք մի վայր, որտեղ ձեզ հարմարավետ եք զգում կամ մոտ է ձեր տանը, դա ձեզ ավելի քիչ կնյարդայնացնի:
- Ասացեք ձեր զուգընկերոջը, որ ձեր նպատակներն ու ժամանակացույցը կարևոր են ձեզ համար, և դուք չեք ցանկանում դրանցից հրաժարվել:
Գրանցվիր մեր 
