Սոցիալական նոր հարցումը ցույց է տվել, թե տղամարդկանց և կանանց համար որ բույրերն են համարվում առավել գրավիչ և սեքսուալ: Եթե մտադրվել եք փոխել ձեր բույրը կամ օծանելիք նվիրել ձեր երկրորդ կեսին, խորհուրդ ենք տալիս ծանոթանալ արդյունքներին։
Չմոռանաք բաժանորդագրվել մեր Telegram ալիքին:
Ըստ Irish Mirror-ի՝ տղամարդկանց 85%-ը (գրեթե 4000 հարցվածներից) ծաղկային բույրը նշել է որպես կնոջ համար ամենագրավիչ բույր: Տղամարդիկ այս հոտն իսկական աֆրոդիզիակ են համարում։
Երկրորդ տեղում վառ քաղցր բույրերն են։ Դրանք դուր է գալիս հարցվածների 81%-ին։ Երրորդում՝ մրգային օծանելիքներ։ Տղամարդկանց ճնշող 78%-ն ասել է, որ թարմ, մրգային բույրը ամենասեքսուալ բանն է, որ կինը կարող է կրել:
Առանձին-առանձին հարցման մասնակիցները նշել են վանիլի հոտը: Տղամարդկանց 73%-ի քվեարկությամբ նրանք այն անվանել են իրենց սիրելի բույրը կանանց համար: Թոփի մեջ են հայտնվել նաև ցիտրուսային բույրերը՝ դրանք հավանել են հարցվածների 69%-ը:
Ինչ վերաբերում է կանանց նախասիրություններին, հարցման մասնակիցների ավելի քան 85%-ն ասել է, որ իրենց սիրելի տղամարդկանց բույրը փայտայինն է մուշկի և պաչուլիի նոտաներով: Ձայների 72%-ը բաժին է ընկել ճանդանի բույրերին։ Կանանց 64%-ը նշել է թարմ անանուխի և ռեհանի օծանելիքները, իսկ 57%-ը, ինչպես և տղամարդիկ, ընդգծել է ցիտրուսային մրգերի բույրը։
Կարդացեք նաև՝ Ամենագայթակղող բույրերի վարկանիշը
Հարկ է նշել նաև, որ, ըստ մասնագետների, մի շարք բույրեր հակառակ ազդեցությունն են ունենում՝ վանում են պոտենցիալ զուգընկերոջը կամ պարզապես զրուցակցին։ Օծանելիքի ոճաբան Տատյանա Գորիսլավսկայան այդպիսի բույրերի մեջ անվանում է խնկի, ագարափայտի և «վինտաժ օծանելիքների» նոտաներով օծանելիքները՝ երբեմնի հայտնի բույրեր, որոնք արդեն դուրս են եկել արտադրությունից և պաշտոնապես չեն վաճառվում:
«Մեր հոտառության ընկալման ուղիները անհասկանալի են, և ցանկացած բույր պահանջում է անհատական մոտեցում: Կարևոր է չամաչել բարդ նոտաներից, փորձարկել, փորձել և (հատկապես կարևոր հանդիպումներից առաջ) մտածել. «Արդյո՞ք համապատասխան եմ հնչում»», ավելացնում է փորձագետը:
Գրանցվիր մեր 
