Կարևոր չէ՝ հավատում եք «երկրորդ կեսերին» և Տիեզերքի նշաններին, թե հավատարիմ եք բացառապես մատերիալիստական դիրքորոշմանը։ Մենք պարզապես կթվարկենք այն հոգեբանական և վարքային նշանները, որոնք վկայում են, որ այս հարաբերությունները ձեզ համար շատ նշանակալի են։ Մնացածն արդեն ինքներդ եզրակացրեք։

Չմոռանաք բաժանորդագրվել մեր Telegram ալիքին:

Մենք բոլորս երազում ենք մի օր հանդիպել հոգեհարազատ մարդու՝ նրան, ով մեզ կհասկանա շատ խորը մակարդակով և կզգա նույնը, ինչ մենք։ Նման հանդիպման հավանականությունը փոքր է, բայց նույնիսկ եթե այդպիսի հրաշք տեղի ունենա, դուք կարող եք սկզբում պարզապես չնկատել դա, քանի որ այն նշանները, որոնք վկայում են, որ տվյալ մարդը ձեր «երկրորդ կեսն» է, կարող են հազիվ նկատելի լինել։

Ահա 9 նշան, որ ձեր նոր ծանոթը ձեր հոգեհարազատն է։

1․ Նրա հետ դուք ձեզ զգում եք ինչպես տանը

Բավականին դժվար է բառերով նկարագրել, թե ինչ զգացողություններ է ձեզ մոտ առաջացնում ձեր հոգեհարազատ մարդը։ Թերևս, ամենահարմար բառը կլինի «տուն» բառը։ Դա կայուն, խորը և երկարատև զգացում է, որը լցնում է ձեզ ուրախությամբ, տալիս է անվտանգության, վստահության, թեթևության, անվերապահ սիրո և ընդունված լինելու զգացողություն։ Այս մարդու հետ պետք չէ ձևացնել, դիմակներ կրել, ներկայանալ որպես այնպիսին, ինչպիսին չեք։ Նրա հետ հեշտ է և հանգիստ։

2․ Դուք պարզապես հասկանում եք միմյանց

Դուք բառացիորեն կարող եք ավարտել միմյանց նախադասությունները, ձեզ թվում է, թե միմյանց ճանաչում եք հավերժություն, կարիք չկա որևէ բան բացատրելու՝ ամեն ինչ առանց բառերի էլ պարզ է։

3․ Դուք սիրում եք նույնիսկ նրա թերությունները

Ոչ մի հարաբերություն իդեալական չէ, բայց եթե դուք «երկու կեսեր» եք, ապա սիրում եք միմյանց այնպիսին, ինչպիսին կաք՝ ընդունելով ինչպես լավ, այնպես էլ վատ կողմերը, որոնք հատուկ են մեզանից յուրաքանչյուրին։

4․ Ձեր միջև ուժեղ «քիմիա» կա

Միմյանց հանդեպ ձեր զգացմունքներն ավելի ուժգին են, քան սովորաբար, ձեր միջև խորը հուզական կապ կա, և դուք հզոր հակում եք զգում միմյանց հանդեպ։

5․ Դուք զգում եք, որ դուք երկուսով առանձին եք ամբողջ աշխարհից

Հոգեհարազատ մարդիկ հաճախ իրենց հարաբերություններն ընկալում են որպես «մենք առանձին ենք ամբողջ աշխարհից»։ Նրանք իրենց այնքան կապված են զգում միմյանց հետ, որ պատրաստ են պաշտպանել իրենց ներքին փոքրիկ աշխարհը, պատրաստ են ցանկացած կենսական սխրանքի, միայն թե զուգընկերը լինի կողքին։

6․ Ձեր միջև «մտավոր կապ» կա

Դուք կարող եք միաժամանակ որոշել զանգահարել կամ գրել միմյանց, հաճախ եք նկատում, որ մտածում եք նույն բանի մասին, նույնիսկ երբ հեռու եք միմյանցից, դուք մտածում եք «զուգահեռ»։ Ձեր միջև խորը կապը կարող է դրսևորվել նույնիսկ ֆիզիոլոգիական մակարդակում՝ համաժամանակեցվում են ուղեղի ալիքները, սրտի բաբախյունի և շնչառության ռիթմերը։

Կարդացեք նաև՝ Եթե ցանկանում ես գտնել քո կեսին, ուրեմն հրաժարվիր այս 9 բանից

7․ Նրա հետ դուք ձեզ ապահով եք զգում

Անկախ զուգընկերոջ սեռից՝ երբ միասին եք, այնպիսի զգացողություն է առաջանում, որ ձեր կողքին ձեր պահապան հրեշտակն է, դուք լիովին պաշտպանված եք, և ձեզ հետ ոչ մի վատ բան չի կարող պատահել։

8․ Ամեն նոր օր դուք նրան նորից եք ընտրում

Օրեցօր դուք պատրաստ եք նորից ու նորից «այո» պատասխանել այն հարցին, թե արդյոք ցանկանում եք լինել այս մարդու հետ։ Եվ նույնիսկ եթե ձեր միջև տարաձայնություն է լինում, դուք չեք կարող այդքան հեշտությամբ հեռանալ. բնազդաբար դուք միշտ ձգտելու եք վերադառնալ։ Միայն նրա հետ է, որ ցանկանում եք լինել կողք կողքի։

9․ Դուք ցանկանում եք երկար նայել միմյանց աչքերի մեջ

Հոգեհարազատ մարդիկ, որպես կանոն, խոսակցության ընթացքում ավելի հաճախ են նայում միմյանց աչքերին, քան սովորական զույգերը։ Դա տեղի է ունենում բնականոն կերպով՝ նրանց միջև եղած խորը կապի շնորհիվ։ Խոսակցության ընթացքում աչքերի մեջ նայելը նշանակում է անկեղծություն, հարմարավետության բարձր մակարդակ և լիակատար վստահություն։