Իսկ ինչո՞ւ…
Անչափ հետաքրքիր փաստեր, որոնք ոչ միայն ունակ են զարմացնել, այլ արժանի համալրում կլինեն Ձեր գիտելիքների պահեստում։
1. Ինչո՞ւ մենք չենք հիշում մեր մանկությունը և թե ինչպես ենք ծնվել
Դա տեղի է ունենում՝ իրադարձությունը բառերի հետ կապելու հնարավորության բացակայության պատճառով։ Քանի որ մենք դեռ չենք սովորել խոսել և չգիտենք բառեր, որոնցով կարող ենք նկարագրել այս կամ այն իրադարձությունը։ Խոսքի և գիտակցության միջև կապը շատ ավելի ամուր է, քան կարող ենք պատկերացնել։
2. Ինչո՞ւ տղամարդիկ պտուկներ ունեն
Պտուկները ձևավորվում են դեռևս ներարգանդային շրջանում։ 10-ից 15 շաբաթական և՛ արական, և՛ իգական սաղմերը բոլորովին միևնույնն են և դեռ նրանց սեռը ձևավորված չէ։ Դրանից հետո տեղի է ունենում հորմոնների կտրուկ ժայթքում, որից էլ սկսում է ձևավորվել սեռական նախանշանները։ Պտուկները սաղմի մոտ հայտնվում են մինչ այդ հորմոնների ժայթքումը։ Այսպիսով, տղամարդկանց մոտ պտուկների առկայությունը բացատրվում է սաղմի զարգացման կենսաբանական պրոցեսներով։
3. Ինչո՞ւ մարդիկ հաճախ չեն ճանաչում իրենց ձայնը ձայնագրություններում
Քանի որ ձայնը տարբեր միջավայրերում տարածվում է տարբեր կերպ, երբ մենք խոսում ենք, ներքին ականջը որսում է ոչ միայն այն թրթիռները որոնք գալիս են դրսից լսողական անցքի միջով, այլ նաև այն թրթիռները, որոնք գալիս են ձայնալարերից անմիջապես գլխի միջով (որը պարունակում է հեղուկ)։ Այդ պատճառով մեզ համար մեր իսկ ձայնը աղավաղված է։
4. Ինչո՞ւ են միջակները ավելի հաճախ հաջողության հասնում, քան գերազանցիկները
Միջակները ավելի ուժգին են ապրում իրենց անհաջողությունները։ Բացի դրանից, նրանք ստիպված են մի քանի անգամ վերակատարել աշխատանքը և դիմանալ ծնողների և ուսուցիչների քննադատությանը։ Գերազանցիկները՝ հակված են պերֆեկցիոնիզմին։ Նրանք սովոր են, երբ բոլորը նրանց գովում են, ուշադրություն են դարձնում, օրինակ են բերում և այլն։ Իսկ երբ սկսում է մեծահասակ կյանքը՝ պարզվում է, որ նրանց չի բավականացնում ինքնավստահությունը այն իրավիճակներում, երբ բոլորն անտարբեր են իրենց հանդեպ։
5. Ինչո՞ւ է եղինջը խայթում
Մաշկին դիպչելիս, եղինջը այրում է կամ խայթում, որովհետև այս բույսը արտադրում է քիմիական երեք թունավոր նյութ, երբ նրա տերևների վրա գտնվող բարակ և նուրբ մազիկները շփվում են մաշկի հետ։
6. Ինչո՞ւ է առաջանում դեժավյուի էֆեկտը
Դեժավյուի էֆեկտն առաջանում է ուղեղի կողմից, օրինակ քնի մեջ, մոդելավորվող անգիտակցական ինֆորմացիայի նախնական մշակման հետևանքով։ Այն դեպքերում, երբ մարդը իրականության մեջ հանդիպում է մի իրավիճակը, որը շատ նման է ուղեղի կողմից մոդելավորված ինֆորմացիային՝ առաջանում է դեժավյուի էֆեկտը։
Դեժավյուի մասին ավելի մանրամասն կարող եք կարդալ ԱՅՍՏԵՂ։
7. Ցավ զգո՞ւմ է արդյոք մարդը, երբ կտրում են նրա գլուխը
Պատասխանը՝ այո, զգում է։ 1983թ. կատարված բժշկական հետազոտության արդյունքում պարզվել է, որ անկախ նրանից, թե որքան արագ է կատարվում մահապատիժը, մարդը գլուխը կորցնելիս՝ մի քանի վայրկյան ուժգին ցավ է զգում։ Նույնիսկ գիլիոտինի օգտագործմամբ, որը համարվում է գլխատելու «ամենամարդասիրական» մեթոդը, անհնար է խուսափել ուժեղ ցավից, որը կշարունակվի ոչ պակաս 2-3 վայրկյան։
8. Ինչո՞ւ չի կարելի լուսանկարել քնած մարդկանց
19-րդ դարում, Եվրոպայում գոյություն ուներ ավանդույթ, ըստ որի լուսանկարում էին մահացած մարդկանց այնպես, իբր նրանք քնած են։ Մահացածին գեղեցիկ շորեր էին հագցնում, նստացնում էին բազմոցին և լուսանկարում՝ որպես հիշատակ։ Այն որ այժմ տարակուսանք է առաջացնում, այն ժամանակ սովորական երևույթ էր։
Այստեղից էլ գալիս է այն սնահավատությունը, որ չի կարելի լուսանկարել քնած մարդկանց։
Գրանցվիր մեր 
