fbpx

6 գաղտնիք, թե ինչպես գրավել տղամարդու սիրտը

Տղամարդուն գայթակղելը մի բան է, բայց ահա ինչպես գրավել նրան ոչ թե մեկ գիշերով կամ մեկ շաբաթով, այլ ողջ կյանքի համար։ Կամ թեկուզ այնքան, որ նա ցանկանա ամուսնանալ: Ինչպե՞ս:

Սովորաբար հարաբերությունների մեջ գտնվող բոլոր տղամարդկանց կարելի է բաժանել երկու տեսակի՝ առաջինը խենթանում է իր ընկերուհու համար, իսկ երկրորդը վախենում է պարտավորություններից ու լուրջ հարաբերություններից։

Ի դեպ, ըստ վիճակագրության, առաջիններն ավելի շատ են: Պարզապես պետք է համապատասխանել: Իսկ եթե ոչ, ապա նա արդարանում է այնպիսի արտահայտություններով, ինչպիսիք են՝ «Ես պետք է կենտրոնանամ կարիերայիս վրա», «Ինձ ավելի շատ անձնական տարածք է պետք» կամ «Ես դեռ պատրաստ չեմ լուրջ հարաբերությունների»։ Այս ամենը նշանակում է. «Ես պատրաստ չեմ հարաբերություններ հաստատել քեզ հետ»: Որովհետև երբ նա հանդիպում է մեկին, ում հետ ամեն ինչ համընկնում է իր համար, նա պատրաստ է լուրջ հարաբերությունների, պատրաստ է ժամանակ գտնել իր կարիերայից դուրս և զոհաբերել անձնական տարածքը։

Եվ այսպես ինչպե՞ս մեծացնել տղամարդու հետ համապատասխանելու ձեր հնարավորությունները:

1. Ցույց տվեք, որ նա ցանկալի է

Նրան պետք է, որ դու ցանկանաս իրեն: Փնտրեք ուղիներ ավելի սեքսուալ, ժիր, գրավիչ լինելու համար: Օգտագործեք ձեր կանացի որակները՝ նրա տղամարդկային էներգիայի հետ կոնտրաստի մեջ լինելու համար:

2. Հարգեք նրան

Դա հարաբերությունների հիմքն է, որը դիմանում է ժամանակի փորձությանը: Հարգանքն օգնում է հաղթահարել սիրո և կրքի պակասը, որոնք երբեմն անհետանում են:

Մտածեք, թե ինչու եք հարգում նրան: Ինչու եք հպարտանում նրանով: Ինչպե՞ս կարող եք օգնել նրան հպարտանալ ինքն իրենով: Ասեք նրան ոչ միայն, որ սիրում եք, այլ ինչու եք սիրում:

Հարգանք ցուցաբերելու մեկ այլ միջոց է ներողություն խնդրելը, երբ սխալ եք թույլ տալիս կամ սխալ բան եք ասում: Հարաբերությունները պետք է ավելի կարևոր լինեն, քան սեփական էգոն:

3. Ստեղծեք նրա համար ապահով տարածք

Նրա համար կարևոր է էմոցիոնալ ապահովություն զգալը։ Թող նա արտահայտի իր զգացմունքները ձեր առջև՝ մի քննադատեք նրան, մի ծիծաղեք նրա վրա, մի նվաստացրեք։ Ցույց տվեք, որ նա կարող է վստահել ձեզ:

Ինչ վերաբերում է էմոցիոնալ բացվելուն, ապա այստեղ կինը պետք է նախաձեռնող լինի՝ դրանով օրինակ ծառայելով տղամարդուն, որ նա նույնպես կարող է բաց լինել։

Աջակցությունն ու ընդունումը կարևոր են տղամարդու համար, որպեսզի դուք ձեր ընկերներին կամ մայրիկին չպատմեք նրա սխալների մասին։ Նրա համար կարևոր է իմանալ, որ դուք միշտ իր կողքին եք, նույնիսկ երբ ինչ-որ բան իր մոտ չի ստացվում կամ ինչ-որ մեկը վատ է խոսում նրա մասին։

4. Մարտահրավեր նետեք նրան

Դա անելու համար կարևոր է, որ դուք ունենաք ամուր համոզմունքներ և սեփական արժեքներ: Դուք պետք է իմանաք, թե ինչն է ձեզ համար կարևոր և տեր կանգնեք դրան: Դա մարտահրավեր է նետում տղամարդուն:

Մեկ այլ միջոց է բարձրաձայնել, երբ ինչ-որ բան ձեզ դուր չի գալիս: Նա կարող է սկզբում զայրանալ, բայց ի վերջո նա կհասկանա, որ դուք չեք հանդուրժում վատ պահերը, և որ նա պետք է ավելի լավը դառնա հանուն ձեր հարաբերությունների։

5. Եղեք կանացի

Տղամարդը ոչ միայն պետք է հիացմունքով նայի ձեզ, այլև մտածի ձեր մասին։ Մի վախեցեք կին լինելուց՝ զգացմունքային, մի քիչ խենթ, անկանխատեսելի։ Սրանք այն կանացի հատկություններն են, որոնք տղամարդն իրեն թույլ չի տալիս, որոնք իրեն խորթ են, բայց սիրում են, քանի որ դրանք զուտ կանացի են։

Եղեք նուրբ, զգայական, եղեք իրական:

6. Աջակցեք նրա նպատակներին

Յուրաքանչյուր տղամարդ ունի իր նպատակները, և նրա համար կարևոր է, որ կինը աջակցի իրեն, ավելի շատ հավատա։ Թույլ մի տվեք, որ որևէ մեկը ծիծաղի նրա երազանքների վրա, ոգեշնչեք նրան հասնել դրանց:

Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 2 assessment, среднее 5 из 5 )
MediaMag
6 գաղտնիք, թե ինչպես գրավել տղամարդու սիրտը