Ջոն Գոթմանը 40 տարի ուսումնասիրել է ամուսնությունն ու ընտանիքը։ Հինգ րոպեանոց զրույցը բավական է, որպեսզի նա 91 տոկոս ճշգրտությամբ գուշակի, թե արդյոք ամուսինները կբաժանվեն, թե ոչ։
Չմոռանաք բաժանորդագրվել մեր Telegram ալիքին:
Ինչպե՞ս է նա դա սահմանում: Իր «Յոթ սկզբունքները հաջող ամուսնության համար» գրքում Գոթմանը թվարկում է չորս ցուցանիշ, որոնք կարող են ասել, թե արդյոք ամուսնությունն ապագա ունի.
1️⃣ Ծայրահեղություն. «Բողոքներն ու դժգոհությունները նորմալ են։ Ծայրահեղությունն ավելի գլոբալ երևույթ է։ Սա նշանակում է հարձակումներ զուգընկերոջ անձի վրա, այլ ոչ թե նրա արածի վրա: Նա աղբը չի թափել ոչ թե այն պատճառով, որ մոռացել է, այլ որ այդքան վատ մարդ է»:
2️⃣ Արհամարհանք. «Հրապարակային վիրավորանքներ, թարս հայացք, ծաղրանք ու չար կատակներ. Ամուսնական հարաբերությունների «ապոկալիպսիսի ձիավորներից» ամենավտանգավորն է արհամարհանքը ցանկացած ձևով, քանի որ այն իր մեջ զզվանք է կրում։ Եթե դուք անընդհատ ցույց եք տալիս, որ զուգընկերը զզվանք է առաջացնում ձեզ մոտ, ապա գրեթե անհնար է որևէ խնդիր լուծել։
3️⃣ Պաշտպանական վարքագիծ. «Պաշտպանողական դիրք զբաղեցնելը զուգընկերոջդ մեղադրելու եղանակներից մեկն է: Սա կարելի է հնչեցնել այսպես. «Պատճառը ոչ թե իմ մեջ է, այլ քո մեջ»։ Պաշտպանական պահվածքը միայն սրում է կոնֆլիկտը, ինչի պատճառով էլ այն վտանգավոր է»։
4️⃣ Լռություն. «Դադարել խոսել: Կառուցել քարե պատ: Լռելով՝ դուք ոչ միայն խուսափում եք կոնֆլիկտից, այլ սպանում եք հարաբերությունները՝ էմոցիոնալ կերպով դուրս գալով դրանից?։
Կարդացեք նաև՝ 6 նշան, որ ձեր ամուսնությունն իսկապես ամուր է
Գոթմանի հետազոտությունը ցույց է տվել, որ ամուսինների կարծիքների ու նախասիրությունների տարբերությունը չէ, որ քայքայում է հարաբերությունները։ Զույգի խնդիրների 69%-ը հնարավոր չէ լուծել: Դրանք ոչ մի տեղ չեն հեռանում, չնայած նրան, որ շատերը պատերազմում են տարեցտարի՝ փորձելով փոխել միմյանց։ Ավելի հաճախ այդ կոնֆլիկտները կապված են հիմնարար բաների հետ՝ ապրելակերպի, անհատականության գծերի կամ արժեքների: Նման վեճերը ժամանակի և մտավոր ուժի վատնում են։
💡 Ի՞նչ անել այն բանի հետ, ինչը հնարավոր չէ փոխել՝ ընդունել այն այնպես, ինչպես կա:
Հոգեբան Դեն Ուայլն իր «Մեղրամսից հետո» գրքում գրել է. «Երբ ընտրում ես զուգընկերոջը, ում հետ մտադիր ես ապրել քո կյանքը… դու անխուսափելիորեն հայտնվում ես մի շարք անլուծելի խնդիրների առաջ, որոնց հետ ստիպված կլինես զբաղվել հաջորդ տասը, քսան կամ հիսուն տարին»։
🔎 Եվ ևս մի քանի հետաքրքիր փաստ Ջոն Գոթմանի գրքից.
«Ձախողված ամուսնությունը մոտ 35%-ով մեծացնում է հիվանդությունների նկատմամբ զգայունությունը և նույնիսկ միջինը չորս տարով կրճատում կյանքը»։
«96% դեպքերում առաջին երեք րոպեները կարող են կանխատեսել, թե ինչպես կավարտվի տասնհինգ րոպեանոց զրույցը»:
«Ես բացահայտել եմ, որ դեպքերի 94%-ում երջանիկ է ստացվում նաև այն զույգերի ապագան, ովքեր ունեն հաճելի ընդհանուր հիշողություններ: Եթե հիշողությունները փոխվում են և աղավաղվում, սա տագնապի կոչ է»:
Գրանցվիր մեր 
