Աշխարհում գոյություն ունեն բազմաթիվ բաներ, որոնք այնպիսին չեն, ինչպիսին սովոր են մարդիկ դրանք համարել: Դա կարող է զարմանալի թվալ, սակայն, այն, որ մարդկանց բազմաթիվ սերունդներ վստահ էին այդ փաստերում, այսօր պարզվում է սխալմունք՝ միֆ: Մեր տեսության մեջ հավաքված են հենց այսպիսի փաստեր.

1. Շները ավելի վտանգավոր են, քան շնաձկները

Տարվա մեջ, շները 2500 անգամ ավելի շատ մարդ են սպանում, քան շնաձկները: Ամեն տարի, ավելի քան 25000 մարդ է մահանում կատաղությունից, որը տարածում են շները:

2. Մարդիկ օգտագործում են իրենց ուղեղի մեծ մասը

Բոլորը, թեկուզ կյանքում մեկ անգամ լսել են, որ մարդը օգտագործում է իր ուղեղի միայն 10%-ը: Իրականում, այդ պնդումը միֆ է և կապված է ուղեղի մասին հնացած պատկերացումների հետ: Չնայած նրան, որ ուղեղում միաժամանակ շատ քիչ թվով նեյրոններ են ակտիվ, դրանք ակտիվանում են տարբեր պրոսցեսների ժամանակ ըստ պահանջի՝ մտածելուց մինչև շնչառություն և արյան շրջանառության կարգավորում:

3. Պատվաստանյութերը աուտիզմ չեն առաջացնում

Ամբողջ աշխարհով տարածվել է կարծիք, իբր պատվաստանյութերը երեխաների մոտ առաջացնում են աուտիզմ: Դա հիմար միֆ է, որը հարկավոր է ցրել, քանի որ այդպիսի փոխկապակցվածության մասին տվյալները կեղծված են:

4. Երկնաքարը չի վերացրել Երկրի վրայի ամբողջ կյանքը

Գիտական հիմնական հիպոթեզներից մեկն այն է, որ իբր երկնաքարը, որը բախվել է Երկիր մոլորակի հետ 65 միլիոն տարի առաջ, վերացրել է Երկրի վրա գոյություն ունեցող ամբողջ կենդանի արարածներին՝ մասնավորաբար դինոզավրերին: Իրականում, այսօր, գիտականները ենթադրում են, որ կենդանի արարածների 25%-ը այնուամենայնիվ գոյատևել է: Հենց նրանք են զարգացել և դարձել այսօրվա ձիերն ու պրիմատները:

5. Հնարավոր չէ հիվանդանալ ցրտից

Չնայած նրան, որ մարդիկ դարերով համարում էին որ կարելի է հիվանդանալ մրսելուց կամ անձրևի տակ մնալուց, բայց դա այդպես չէ: Չնայած հետազոտությունների մեծ մասը ցույց են տալիս, որ ցածր ջերմաստիճաններում օրգանիզմը ավելի զգայուն է ինֆեկցիաների հանդեպ, բայց հնարավոր չէ հենց այնպես հիվանդանալ: Հիմնական տեսությունը, թե ինչու են մարդիկ հիվանդանում հատկապես ձմռանը՝ բացատրվում է նրանով, որ այդ եղանակին մարդիկ ավելի շատ են գտնվում փակ տարածքներում վիրուսակիր մարդկանց կողքին և ձմռանը առավել մեծ խոնավությամբ:

6. Առյուծը ամենևին էլ ջունգլիների արքան չէ

Չնայած առյուծներին մարդիկ սովորել են անվանել ջունգլիների արքա, առյուծների մեծ մասը նույնիսկ չի էլ բնակվում ջունգլիներում: Հիմնականում այդ կենդանիները բնակվում են սավանաներում:

7. Վան Գոգը, հնարավոր է, չի կտրել իր ականջը

Շատ մարդիկ կարծում են, որ Վան Գոգը կտրել է իր ականջի ծայրը խելագարության նոպայի ժամանակ: Սակայն վերջին հետազոտությունները ցույց են տալիս, որ նրա ընկերը՝ ֆրանսիացի նկարիչ Պոլ Գոգենը, հնարավոր է, ծագած վեճի ժամանակ կտրել է Վան Գոգի ականջը սուսերով:

8. Հիսուսը ձմռանը չի ծնվել

Հիսուս Քրիստոսը իրականում ձմռանը չի ծնվել: Շատ գիտնականներ և աստվածաբաններ կարծում են, որ Հիսուսը, ամենայն հավանականությամբ, ծնվել է աշնան սկզբներին, հնարավոր է սեպտեմբերին: Բենեդիկտ XVI-րդ Պապը հայտարարեց, որ Հիսուսի ծննդյան թիվը աղավաղվել է Դիոնիս կրտսեր վանականի կողմից ստեղծված սխալ օրացույցի պատճառով:

9. Մարդիկ ունեն ավելի քան 5 զգայարան

Հանրահայտ տեսակետը, որ մարդիկ ունեն միայն 5 զգայարան, գալիս է Արիստոտելից, ով որոշել էր, որ հիմնական զգայարաններն են՝ համ, հոտ, շոշափելիք, տեսողություն և լսողություն: Այսօր գիտնականները տարբերում են ավելի քան 20 զգայարան, այդ թվում՝ թերմացեպցիան (ջերմության զգացում), էկվիլիբրացեպցիա (հավասարակշռության զգացում) և պրոպրիացեպցիա (զգացումը այն բանի, թե հատկապես տարածության մեջ որտեղ են գտնվում մարմնի մասերը):

10. Ութոտուկները չունեն 8 ոտք

Նրանք ունեն միայն երկու ոտք (մարմնի ետևի մասում) և 6 ձեռք (մարմնի առջևի մասում), որոնք օգտագործում են, որպեսզի բռնեն կերը և ուսումնասիրեն շրջակայքը:

11. Նապոլեոնը ցածրահասակ չէր

Ֆրանսիայի կայսր Նապոլեոն Բոնապարտը այդքան ցածրահասակ չէր, ինչպես սովորաբար նրան նկարագրում և պատկերում են: Նրա հասակը 168 սմ էր, որը այն ժամանակների չափանիշներով համարվում էր միջին հասակ:

12. Քամելեոնների մեծ մասը չեն կարողանում քողարկվել

Չնայած նրան, որ քամելեոնները բոլորին հայտնի են իրենց գունավորումը փոխելու, շրջակա միջավայրի հետ միաձուլվելու ունակությամբ, քամելեոնների մեծ մասը չեն կարողանում փոխել մաշկի գույնը, որպեսզի քողարկվեն: Փոխարենը նրանք փոխում են իրենց գույնը՝ կախված էմոցիաներից:

13. Ալկոհոլը չի տաքացնում

Ալկոհոլը չի բարձրացնում մարմնի ջերմաստիճանը, այլ միայն լայնացնում է արյունատար անոթները, որի հետևանքով տաք արյունը հայտնվում է մաշկին ավելի մոտ: Սակայն մաշկը, հետագայում, շատ արագ կրկին սառչում է՝ իջեցնելով ընդհանուր մարմնի ջերմաստիճանը: Այդ պատճառով ձմռանը երբեք պետք չէ տաքանալ սպիրտայինով, այլապես կարելի է ցրտահարվել:

14. Տիեզերքից հնարավոր չէ տեսնել Չինական Մեծ Պատը

Շատ մարդիկ համարում են, որ Չինական Մեծ պատը միակ ձեռակերտ օբյեկտն է, որը հնարավոր է տեսնել տիեզերքից: Պարզվում է Միջազգային տիեզերակայանից, նույնիսկ ցածր ուղեծիրներում, հնարավոր չէ տեսնել այն: