Ներկայացնում ենք ուղեղի զարգացման համար 13 ամենահետաքրքիր և օգտակար հոբբիները: Ընտրեք դրանցից մեկը կամ երկուսը և օրվա մեջ թեկուզ կես ժամ նվիրեք դրանց:

1. Մեդիտացիա

Մեդիտացիան օգնում է նվազեցնել սթրեսի մակարդակը, արյան ճնշումը, ամրացնում է իմունային համակարգը և բարելավում է կենտրոնանալու ունակությունը: Ամբողջական ռելաքսացիայի ընդամենը 10 րոպեն կվերադարձնեն Ձեզ բարձր տրամադրությունը և կօգնեն ուղեղին ավելի լավ աշխատել:

2. Աշխատանք այգում

Այգեգործությունը՝ զարմանալիորեն շատ օգտակար է ուղեղի համար: Դուք․

• Նվազեցնում եք կարտիզոլի՝ սթրեսի հորմոնի մակարդակը:
• Դրականորեն եք լիցքավորվում:
• Հպարտանում եք ձեռքբերումներով:
• Կատարում եք ֆիզիկական աշխատանք:
• 36%-ով նվազեցնում եք դեմենցիայի ռիսկը:
• Ժամանակ եք անցկացնում մաքուր օդում:

3. Կերակուրի պատրաստում

Հետազոտությունները ցույց են տալիս, որ մարդիկ, ովքեր կերակուր են պատրաստում տանը ուտելու համար, ընդհանուր առմամբ ավելի առողջ ապրելակերպ են վարում: Բացի դրանից, նրանք հնարավորություն ունեն ընտրել առավելագույնս առողջ մթերքներ և վայելել պատրաստման ընթացքը, ինչը լավ է անդրադառնում ուղեղի վիճակի վրա:

4. Ընթերցանություն

Ընթերցանությունը սովորեցնում է ուղեղին կենտրոնանալ, ընդլայնել բառապաշարը, զարգացնում է երևակայությունը, վերլուծական ունակությունները և դարձնում է ուղեղն ավելի ակտիվ: Բացի դրանից, ընթերցանությունը՝ սթրեսի դեմ պայքարի լավագույն միջոցներից է (սթրեսի մակարդակը նվազում է 69%-ով):

5. Երաժշտական գործիքի վրա նվագել

Երաժշտական գործիքի վրա նվագելը նպաստում է կոգնիտիվ ընկալունակության զարգացմանը, բարելավում է կորդինացիան և շարժողական ունակությունները: Ինչպես երեխաների, այնպես էլ մեծահասակների մոտ երաժշտական գործիքի վրա նվագելը բարձրացնում է IQ մակարդակը:

6. Շախմատ

Խաղի ընթացքում զարգանում են երկու կիսագնդերը, բարելավվում է հիշողությունը և ստրատեգիական մտածողությունը:

7. Պարեր

Պարերը՝ ոչ միայն հրաշալի ֆիզիկական մարզանք են, որոնք նվազեցնում են սթրեսը և բարձրացնում սերոտոնինի մակարդակը: Պարը՝ ավելի խելացի դառնալու միջոց է, քանի որ շարժումների որոշակի կոմբինացիաներ հիշելու և իրականացնելու համար դուք գործարկում եք ուղեղի տարբեր հատվածներ:

8. Թիմային սպորտաձևեր

Խաղալով թիմում՝ ստանում եք բազմաթիվ առավելություններ՝ շարժունակություն, նոր ընկերներ և շփում: Հետազոտությունները ցույց են տալիս, որ շփման բացակայությունը բացասաբար է ազդում ինչպես ուղեղի, այնպես էլ ընդհանուր ֆիզիկական վիճակի վրա: Այդ պատճառով, բասկետբոլը, ֆուտբոլը, վոլեյբոլը և այլ թիմային սպորտաձևեր հրաշալի միջոց կարող են հանդիսանալ ժամանակը օգտակար անցկացնելու համար:

9. Մարտարվեստներ

Բացի ակնհայտ առավելություններից՝ կարողանալ պաշտպանել ինքդ քեզ, մարտարվեստները նաև հրաշալի կերպով զարգացնում են ուղեղը, մեծացնելով կենտրոնանալու ունակությունը, հավասարակշռությունը, նաև նպաստում են հասնել ոգու և մարմնի ներդաշնակության:

10. Ձեռագործ

Փորձագետները պնդում են, որ ձեռագործը՝ տագնապի, դեպրեսիայի և քրոնիկ ցավերի դեմ պայքարելու հրաշալի մեթոդ է։ Ձեռքով աշխատանքի առավելությունը կարելի է համեմատել մեդիտացիայի հետ։ Ձեռագործը ակտիվացնում է պարասիմպատիկ նյարդային համակարգը և բթացնում է «խփիր և փախիր» ռեակցիան։

11. Նամակ

Օրագիր պահելը, որում գրառում եք Ձեր մտքերը, իդեաները, նպատակները և այլն օգնում են շատ պրոբլեմներ լուծել և ծառայում են որպես սթրեսը հանելու յուրատեսակ մեխանիզմ։

12. Լեզուների ուսումնասիրում

Օտար լեզուների ուսումնասիրումը Ձեզ ավելի խելացի կդարձնեն։ Բացի դրանից կկարողանաք շփվել օտարերկրացիների հետ՝ ճանաչելով նոր մշակույթներ։ Այս ամենը օգնում է նվազեցնել դեմենցիայի ռիսկը։

13. Ծիծաղ

Բացի վերոնշյալներից, ուղեղի և ամբողջ մարմնի համար հրաշալի դեղ է ծիծաղը, որն անվանում են ակտիվ մեդիտացիա։

Ուղեղի համար որ հոբբին էլ որ ընտրեք, ծիծաղը հրաշալի լրացում կլինի դրանց՝ այն կօգնի նվազեցնել սթրեսը և թուլանալ։