Մենք բոլորս էլ քաջ գիտենք, որ ճիշտ սնվելն ու առողջ ապրելակերպը՝ ամուր առողջության շատ կարևոր բաղադրիչներն են: Բայց գիտե՞ք արդյոք, որ արյան խումբը նույնպես շատ կարևոր դեր ունի դրանում: Գոյություն ունի չորս տեսակի արյուն, որը որոշվում է դեռևս մոր արգանդում:

Շատ մասնագետներ պնդում են, որ դրանցից յուրաքանչյուրն ունի մի շարք ունիկալ առանձնահատկություններ, որը կարող է ազդել քաշը կորցնելու, որոշ հիվանդությունների և նույնիսկ անձի ձևավորման վրա: Եթե դուք հասկանաք ձեր արյան խումբը, ապա կկարողանաք ընտրել ձեզ համապատասխան սնունդ, որն էլ կօգնի բարելավել առողջությունը:

Արյան խումբը և սնունդը

Օրինակ, արյան առաջին խումբ ունեցող մարդկանց ավելի լավ կլինի, եթե ընդունեն սպիտակուցի մեծ պարունակությամբ սնունդ (միս, ձուկ): Երկրորդ խմբին ավելի համապատասխանում են բանջարեղենները: Երրորդին՝ կարմիր միս, իսկ ահա հավի միս ավելի լավ է չօգտագործել: Չորորդ խմբին ավելի համապատասխանում են ծովային մթերքները և ոչ յուղոտ միսը:

Արյան խումբը և հիվանդությունները

Հենց արյան խմբից է կախված, թե օրգանիզմը որ հիվանդությունների դեմ ունի իմունիտետ:

Արյան խումբը և անձը

Առաջին խումբ արյամբ մարդիկ ավելի հաճախ էքստրավերտ են, նրանք ստեղծագործ են և ինքնավստահ: Արյան երկրորդ խումբը մարդուն դարձնում է խաղաղասեր և վստահություն ներշնչող: Երրորդ խմբի արյամբ մարդիկ՝ ուժեղ են և անկախ, չորորդները՝ ամաչկոտ և պատասխանատու:

Արյան խումբը և հղիությունը

Բժշկական փորձագետներն ասում են, որ արյան խումբը ազդում է նրա վրա, թե ով ավելի մեծ հնարավորություն ունի հղիանալու: Բացի դրանից, 4-րդ խմբի արյամբ կանայք արտադրում են ավելի քիչ ֆոլլիկուլոխթանիչ հորմոններ, ինչն էլ օգնում է ավելի հեշտ հղիանալ:

Արյան խումբը և սթրեսերի հանդեպ զգայնությունը

Սթրեսադիմացկունությունը իրոք կախված է արյան խմբից: Եթե դուք հանդիպել եք շուտ նյարդայնացող մարդու, ապա ամենայն հավաանականությամբ նրա մոտ արյան առաջին խումբ է: Նրանց մոտ նաև մեծ է ադրենալինի քանակը արյան մեջ, այդ պատճառով նրանց համար դժվար է «ապաքինվել» սթրեսերից հետո:

Արյան հակածինները

Գիտե՞ք արդյոք, որ արյան հակածիններ կան ոչ միայն արյան մեջ, այլ նաև աղեստամոքսային տրակտում, քթանցքներում և թոքերում:

Արյան խումբը և փորիկը

Այո, խոսքը գնում է նրա մասին, թե որտե՞ղ է ձեզ մոտ հավաքվում ճարպը: Ամեն ինչ կախված է արյան խմբից, որը որոշներին օգնում է ձերբազատվել որովայնի վրա հավաքվող ճարպից, իսկ որոշներին՝ ոչ: Ավելի հաճախ այսպիսի պրոբլեմների հետ առնչվում են արյան առաջին խումբ ունեցող մարդիկ:

Արյան խումբը և ամուսնությունը

Նախքան ամուսնանալը, համոզվեք, որ ձեր և ձեր զույգի արյան խմբերը համատեղելի են: Օրինակ՝ 2 և 3 խմբերը ավելի լավ է չխառնել: Ամեն ինչ կախված է ռեզուս ֆակտորից: Որոշ պետություններ զույգերից նույնիսկ պահանջում են անալիզներ հանձնել, որպեսզի որոշվի արյան խումբն ու համատեղելիությունը:

Արյան խումբը և վարժությունները

Մարդիկ, ովքեր հակված են սթրեսերի, պետք է կատարեն որոշ հանգստացնող և թուլացնող վարժություններ: Յոգան և մեդիտացիան հրաշալի կերպով կօգնեն այդ մարդկանց: Երրորդ խմբին լավ կհամապատասխանի թենիսով, լեռնագնացությամբ կամ մարտական սպորտաձևերով զբաղվելը:

Արյան խումբը և արտակարգ իրավիճակները

Կարևոր է դրամապանակում միշտ ունենալ տվյալներ ձեր մասին՝ անուն, ազգանուն, հասցե, հեռախոսահամար և արյան տեսակը: Եթե դուք, Աստված մի արասցե, հայտնվեք հիվանդանոցում, ապա բժիշկների համար վերջինս շատ կարևոր ինֆորմացիա կլինի: Չէ՞ որ արյան փոխներարկման համար, դոնորը պետք է ունենա արյան նույն տեսակը:

Այժմ դուք գիտեք, թե ամեն մարդու համար որքան կարևոր է արյան խումբը:

^{Աղբյուրը՝ healthylifetricks.com}