Ի՞նչն է մատնում իսկապես խելացի մարդուն։ Շատերը կենթադրեն, որ առաջին հերթին բոլոր խաղաքարտերը բացում է նրա խոսելաոճը կամ նրա կարդացած գրքերի ցանկը։ Բայց իրականում ինտելեկտի ամենավառ նշանը նրա անձնական տարածքն է։ Բնակարանը կամ տունը ներքին աշխարհի շարունակությունն է։ Եվ բարձր IQ ունեցող մարդկանց մոտ այն, որպես կանոն, հետաքրքիր է, ոչ ստանդարտ և հագեցած մանրամասներով։

Չմոռանաք բաժանորդագրվել մեր Telegram ալիքին:

Եթե հյուր գնաք խելացի մարդու տուն, ապա առաջին րոպեներից կզգաք մթնոլորտը՝ կենդանի, ստեղծագործ և մի փոքր քաոսային։ Եվ գրեթե բոլոր զարգացած անհատների տանը կարելի է գտնել հետևյալ իրերը։

1. Խելացի անկարգություն

Պետք չէ շտապել դատապարտել սեղանի վրայի թեթև քաոսը կամ դարակների փոխարեն հատակին դարսված գրքերը։ Բարձր ինտելեկտ ունեցող մարդիկ հազվադեպ են ձգտում կատարյալ կարգուկանոնի. նրանց համար ավելի կարևոր են ֆունկցիոնալությունն ու ոգեշնչումը։ Անկարգությունն այս դեպքում աշխատանքային ռիթմ է, ստեղծագործական հետք և ոչ ստանդարտ մտածողության արտացոլում։ Այստեղ յուրաքանչյուր իր իր տեղում է, նույնիսկ եթե այդ տեղը բազմոցի կենտրոնն է։

2. Գրապահարաններ՝ հատակից մինչև առաստաղ

Ինտելեկտուալի տանը գրքերը փոշի չեն հավաքում գեղեցկության համար։ Դրանք կյանքի մի մասն են։ Վեպեր, հուշագրություններ, գիտահանրամատչելի գրականություն, ֆանտաստիկա, փիլիսոփայություն… Եվ թող որ ամեն ինչ կարդացած չլինի, գլխավորը մտքի, հույզերի և աշխարհին նորովի նայելու աղբյուրներին բաց հասանելիությունն է։

Հետաքրքիր է, որ բարձր IQ ունեցող մարդիկ կարդում են ոչ թե դիպլոմների, այլ հաճույքի և խորհրդածությունների համար։ Նրանք կարողանում են «մտնել» պատմությունների մեջ և սովորել նույնիսկ հորինված հերոսներից։

3. Նկարներ և արտ-օբյեկտներ

Նույնիսկ եթե մարդը նկարիչ չէ, նրա պատերին, ամենայն հավանականությամբ, դուք կնկատեք հույզեր արթնացնող ստեղծագործական աշխատանքներ։ Դա կարող է լինել աբստրակցիա, պաստառ, գրաֆիկա, նկարազարդում կամ նույնիսկ նրա սեփական ստեղծագործությունը։ Արվեստը խելացիների համար ոչ թե ինտերիերի, այլ ինքնաճանաչման մասին է։ Այն օգնում է ապրել զգացմունքները, արտահայտել ապրումները և գեղեցկությունը տեսնել պարզության մեջ։

4. Նյութեր հոբբիի համար

Թելեր ու շյուղեր, վրձիններ ու ներկեր, գեղագրության պարագաներ, կերամիկա, մակրամե, ճարտարապետական էսքիզների համար քանոններ կամ ֆոտոժապավենների հավաքածու. խելացի մարդու տանը կգտնվի առնվազն մեկ ստեղծագործական զբաղմունք։ Սա ոչ միայն լիցքաթափվելու միջոց է, այլև ինքդ քեզ ճանաչելու ճանապարհ։ Չէ՞ որ ինտելեկտը ոչ միայն տրամաբանության, այլև երևակայության մասին է։

5. Գլուխկոտրուկներ, փազլներ և Ռուբիկի խորանարդ

Դրանք դրված են սուրճի սեղանիկին կամ պահարանում են, բայց պարբերաբար օգտագործվում են։ Սրանք ուղեղի համար մարզասարքեր են, որոնք ինտելեկտուալներին անհրաժեշտ են օդի պես։ Խաղալիս խելացի մարդը ոչ թե պարզապես հանգստանում է, այլ խորհում է, մարզում ուշադրությունը, սովորում տեսնել ընդհանուր պատկերը և գտնել անսովոր լուծումներ։ Գլուխկոտրուկներով տարվելը երեկոն հաճույքով և օգուտով անցկացնելու նրանց ամենասիրելի ձևերից է։

Կարդացեք նաև՝ Մարդու 3 հիմնական որակ, որոնք խոսում են նրա բարձր ինտելեկտի մասին

6. Սենյակային բույսեր

Ծաղիկներ, ֆիկուսներ, կակտուսներ, սուկուլենտներ, փաթաթվող լիանաներ. տան կանաչապատումը ստեղծում է կյանքի, կայունության և հոգատարության զգացողություն։ Ինտելեկտուալները գիտեն՝ իրենց ավելի լավ զգալու համար կարևոր է շրջապատել իրենց բնությամբ։ Բույսերը նվազեցնում են սթրեսի մակարդակը, օդը հագեցնում թթվածնով և պարզապես գեղեցկացնում են միջավայրը։ Դրանց խնամքը նաև գիտակցվածության լուռ պրակտիկա է, որը նրանց համար փոխարինում է մեդիտացիային։

7. Երաժշտական գործիքներ կամ տեխնիկա

Անկյունում դրված կիթառ, սինթեզատոր, ուկուլելե, վինիլային նվագարկիչ կամ պարզապես լավ ականջակալներ. խելացի մարդիկ կարողանում են լսել և ստեղծել երաժշտություն։ Այն ոչ միայն զարգացնում է հուզական ինտելեկտը, այլև օգնում է հաղթահարել սթրեսը, կենտրոնանալ և վայելել կյանքը։ Զարգացած անհատների մեծամասնության համար հնչյունները զգացմունքների լեզու են, որը հասկանալի է առանց բառերի։

8. Անձնական օրագիր կամ մտքերի համար նախատեսված նոթատետր

Գաղափարներ գրի առնել, սեփական հույզերին հետևել, թղթի վրա խորհրդածել. այս ամենը սովորություն է մարդու, որը երբեք չի դադարում զարգանալ։ Ինտելեկտուալների օրագիրը պարտադիր չէ, որ լինի դեղին էջերով դասական հաստ նոթատետր։ Հաճախ դրա դերում կարող են հանդես գալ հեռախոսի նշումները, հայելու վրայի սթիքերները և երախտագիտության առավոտյան պրակտիկաները։ Այս գործում գլխավորը իմաստավորումն է։

9. Սեղանի խաղեր

Խաղում են ոչ միայն երեխաները։ Ժամանակակից սեղանի խաղերը ռազմավարական մտածողության և սոցիալական դինամիկայի իսկական հիմն են։ Բարձր IQ ունեցող մարդիկ հաճախ են հավաքվում ընկերների հետ՝ տրամաբանական խնդիրներ լուծելու, դաշինքներ կազմելու, վիճելու, ծիծաղելու և մտքի ճկունությունը զարգացնելու համար։

10. Թեյերի հավաքածու և ոճային թեյնիկ

Յուրաքանչյուր հյուրի հյուրասիրում են ինչ-որ յուրահատուկ բանով՝ անանուխ, հիբիսկուս, ուլուն կամ մասալա։ Թեյը պարզապես ըմպելիք չէ։ Դա հատուկ, հարմարավետ ծես է, որն օգնում է դանդաղեցնել տեմպը, զգալ պահը և «հողին մոտ լինել»։ Բարձր IQ ունեցող մարդիկ գնահատում են այսպիսի փոքր ավանդույթները, որոնք հանգստություն և հաճույք են պատճառում։