Եթե չեք վախենում ապրել լայն բացված հոգով, պատրաստ եղեք, որ միշտ կգտնվի մեկը, ով կցանկանա ձեզ վնասել կամ օգտվել դրանից: Դուք չեք կարող ստիպողաբար փոխվել, այնպես որ մի փորձեք փակվել և դիմակ դնել: Եղեք այնպիսին, ինչպիսին կաք, բայց երբեք մի մոռացեք ինքներդ ձեզ հիշեցնել հետևյալի մասին.
1. Դուք չափազանց լի եք կյանքով և սիրով, որպեսզի բավարարվեք թունավոր հարաբերություններով:
2. Շատ ցավալի է, երբ քեզ վանում են ու մերժում: Հիշեցրեք ինքներդ ձեզ, որ մարդիկ միշտ երես են թեքում այն զարդերից, որոնք չեն կարող իրենց թույլ տալ:
3. Տալու կարողությունը ձեր բնածին որակն է: Մի օր կհասկանաք, որ չափազանց շատ բան եք տվել «սխալ» մարդկանց: Այդ օրը պետք է գա միայն մեկ նպատակով. որպեսզի դուք կարողանաք հասկանալ, թե ով է իսկապես արժանի ձեր ջերմությանը և հոգատարությանը:
4. Ձեր հոգին և սիրտը միշտ բաց են, և դա թուլության նշան չէ: Ընդհակառակը, դա քաջության դրսևորում է, քանի որ դուք չեք վախենում զգայուն ու խոցելի մարդու տպավորություն թողնել:
5. Թույլ մի տվեք, որ աշխարհը ձեր մեջ ոչնչացնի ձեր բարությունը: Ձեզ տապալելուց և խաբելուց հետո բարի մնալը հսկայական տղամարդկություն է պահանջում, բայց սա կլինի ձեր ամենամեծ հաղթանակը:
6. Դուք ծնվել եք սիրելու, ուրիշներին ոգեշնչելու համար, և սա ձեր ամենահզոր զենքն է: Դուք ձեր այս շնորհով աշխարհին ուրախություն եք պատճառում: Երբեք թույլ մի տվեք, որ ձեր հետ պատահող վատ բաները ճնշեն ձեր այս ներքին ուժը:
7. Դուք բոլորից սուր եք զգում հոգու ցավը, քանի որ շատ եք տալիս՝ առանց դրա դիմաց որևէ բան ակնկալելու կամ խնդրելու: Դուք իրավունք ունեք սիրված լինել այնքան, որքան ինքներդ եք սիրում այս ամբողջ աշխարհը:
8. Դուք մարտիկ եք և ամուր եք կանգնած այս կյանքում: Դուք ուզում եք ճիշտ գործել և փակել յուրաքանչյուր ճեղք: Այնուամենայնիվ, ինքներդ ձեզ պետք է հիշեցնեք, որ եթե նույնիսկ ձեր սերն անսահման է, այն գերսոսինձ չէ, որը կարող է փակել ինչ-որ մեկի ճաքերը: Դա ձեր առաքելությունը չէ:
9. Բաց թողնելու ունակությունը երջանիկ կյանքի նախապայման է: Դուք պայքարում եք դրա հետ, քանի որ ձեզ դուր չի գալիս, երբ մարդիկ հեռանում են: Ձեր սիրտը ցավում է և կտոր-կտոր է լինում, բայց իմացեք, որ բաց թողնելը չի նշանակում ինչ-որ բան կորցնել: Դա նշանակում է գտնել ավելի արժանի մի բան, որն արդեն պատրաստ է մուտք գործել ձեր կյանք:
10. Դուք չափազանց սիրող, չափազանց համակրելի, չափազանց հոգատար, չափազանց խորը մարդ եք: Դուք միշտ այսպիսին կլինեք: Եվ այն մարդիկ, ովքեր դա չեն գնահատում, պարզապես արժանի չեն ձեզ:
Գրանցվիր մեր Telegram ալիքին։ Ուղարկում ենք միայն թարմ հոդվածները:
