fbpx
Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Ընտրեք նրան, ով Ձեզ համար անում է այս 5 բաները

Ընտրեք նրան, ով Ձեզ համար անում է այս 5 բաները

Եղեք նրա հետ, ում հետ դուք կարող եք ձեզ թույլ տալ լինել անկատար, տարօրինակ, մի խոսքով՝ այնպիսին, ինչպիսին որ կաք …

Եղեք նրա հետ, ով ազնիվ և հավատարիմ է ձեզ:

Թվում է, թե ազնվությունն ու նվիրվածությունը բնական որակներ են յուրաքանչյուր մարդու համար, ով գտնվում է հարաբերություններում: Բայց իրականում դա միշտ չէ, որ այդպես է: Պարզապես մի՛ վստահեք այն մարդուն, ով արժանի չէ դրան:

Եղեք նրա հետ, ում հետ կարող եք ձեզ թույլ տալ լինել այնպիսին, ինչպիսին կաք:

Եկեք նայենք ճշմարտության աչքերին, դուք մարդ եք, ով զուրկ չէ տարօրինակություններից, ինչպես մեզանից որևէ մեկը: Մենք բոլորս ունենք մեր տարօրինակություները և եզակի հատկություններ, որոնք մենք հաճախ փորձում ենք թաքցնել աշխարհից՝ վախենալով դատապարտվելուց:

Ձեր զուգընկերը պետք է լինի այն մարդը, ում հետ, առանց ամաչելու, կարող եք խոսել ձեր գաղտնիքների և ցանկությունների մասին: Նա պետք է հասկանա և ընդունի այն, ինչը դուք չեք կարող որևէ մեկին ասել:

Այն մարդը, ով իսկապես ձեզ հարմար է, չի պահանջի իդեալականություն, հարթեցնելով ձեր բոլոր կնճիռներն ու պուդրայի տակ թաքցնելով ճաքերը: Նա կսիրի ձեզ այնպիսին, ինչպիսին կաք: Նա կհասկանա, որ այս թերությունների շնորհիվ դուք հենց նա եք, ում վրա ուշադրություն է դարձրել:

Հարաբերություններում ներդաշնակությունը բխում է այն փաստից, որ մենք կարող ենք լինել բաց և անկեղծ միմյանց հետ՝ առանց դատաստված լինելու վախի:

Եղեք նրա հետ, ով սիրում է, նույնիսկ եթե երբեմն նյարդայնացնում եք:

Միշտ չէ, որ ամեն ինչում կարող եք համաձայնվել միմյանց հետ: Դուք կարող եք վիճել, կռվել, տարբեր տեսակետներ ունենալ այս կամ այլ բաների վերաբերյալ …

Ահա թե ինչու է այդքան կարևոր, կարողանալ փոխզիջման գնալ: Կարևոր է ամեն օր սեր ընտրել ձեր զուգընկերոջ հանդեպ: Ահա թե ինչու իրական հարաբերությունները տարբերվում են հեքիաթներից, և այդ պատճառով նրանց պետք է վերաբերվել որպես ջանք պահանջող գործ, որը միշտ չէ, որ միայն հաճույք է պատճառում:

Բայց այն, որ դուք վիճել եք, չեք կարողանում որևէ հարցի շուրջ ընդհանուր համաձայնության գալ կամ հիասթափվել եք, չի նշանակում, որ դուք այլևս չեք սիրում զուգընկերոջը: Ի վերջո, եթե ձեր տանը ինչ-որ բան է կոտրվել, անմիջապես չեք վաճառի այն: Դուք կփորձեք վերականգնել կոտրվածը և շարունակել ապրել դրանում:

Իհարկե, եթե ձեր տունը բացարձակ աղետի մեջ է, եթե միևնույն ժամանակ կա հրդեհ, ջրհեղեղ, ապա, իհարկե, ավելի լավ է հեռանալ, որպեսզի չվտանգեք ինքներդ ձեզ: Այսինքն՝ պետք չէ ամեն օր դիմանալ բացասական կամ հիստերիկ վարքին, որը քայքայում է ոչ միայն հարաբերությունները, այլև ձեր հոգեկան առողջությունը: Փոխզիջումը պետք է լինի ողջամիտ:

Եղեք նրա հետ, ով ձեզ հատկացնում է իր թանկագին ուշադրությունը:

Հարաբերությունների ստեղծումը չի նշանակում ընտրել այնպիսի մարդու, որի հետ դուք կանցկացնեք ձեր ամբողջ ազատ ժամանակը բազմոցի վրա՝ հայացքը հառելով սմարթֆոններին: Իհարկե, երբեմն շատ հետաքրքիր է մտնել սոցիալական ցանցեր, բայց նման ժամանցը բոլորովին չի ուժեղացնում ձեր միջև սերտությունը:

Հետևաբար ընտրեք այն մարդուն, ով ձեր ընկերակցությամբ սովորաբար մոռանում է, թե ինչ է սմարթֆոնը: Ինչ-որ մեկը, ով հետաքրքրված կլինի, թե ինչպես անցավ ձեր օրը: Նա, ով կկիսվի իր զգացմունքներով և հույզերով ձեզ հետ: Ինչ-որ մեկը, ում հետ հետաքրքիր է երբեմն պարզապես լռել:

Եղեք նրա հետ, ով ունակ է հասկանալ, որ իր կողքին գտնվող մեկ մարդն ավելի կարևոր է, քան հարյուր վիրտուալ «ընկերները»:

Եղեք նրա հետ, ով գիտի ինչպես գնահատել ձեր մարդկային էությունը:

Փորձելով գտնել մեկին, ում հետ կարող եք կատարել համատեղ անկրկնելի սելֆիներ և ցուցադրել կյանքի կատարյալ պատկերը, գուցե չնկատենք մի մարդու, ով իրականում կարող է դառնալ ձեր դժվարին կյանքի ուղու հավատարիմ ուղեկից:

Հետևաբար, եղեք նրա հետ, ով վայելում է ձեր արտաքին գեղեցկությունը, բայց միևնույն ժամանակ գիտակցում է, որ այն խամրում է ձեր սիրող և բաց սրտի ֆոնի վրա: Մեկի հետ, ով գիտակցում է, որ ձեր գեղեցիկ մաշկը մի օր ծածկված կլինի կնճիռներով, իսկ մետաքսե մազերը կդառնան սպիտակ և բարակ:

Եղեք նրա հետ, ով իսկապես սիրում է և պատրաստ է ընդունել ձեզ այնպիսին, ինչպիսին այսօր եք, և ով կդառնա հիմնասյուն այն մարդու համար, ով պետք է դառնաք:

telegramԳրանցվիր մեր Telegram ալիքին։ Ուղարկում ենք միայն թարմ հոդվածները:

կարդացեք նաև

10 նշան, որ Դուք հասել եք հոգևոր հասունության

Շատ հեշտ է որոշել մարդու հոգևոր զարգացման մակարդակը, հատկապես եթե գիտեք, թե ինչի վրա արժե ուշադրություն դարձնել: Ներկայացնում ենք հոգեպես հասուն անհատի 10 նշաններ: 1....

Տղամարդկանց կանոններ կանանց համար

Տղամարդկանց կանոններ կանանց համար: Կարդալուց հետո բարի եղեք՝ հաշվի առեք: Ինչպես ասում են, նախազգուշացված է՝ ուրեմն զինված է: Մենք անընդհատ կանանցից ենք լսում «կանոնների» մասին:...
video

Քաղաքապետը բնակարան է նվիրել 9-ամյա տղային, ով փողոցներ էր մաքրում (տեսանյութ)

Տղան ցանկանում էր մի փոքր օգնել մորը, ով քրտնաջան աշխատում է՝ իրեն ու իր չորս երեխաներին կերակրելու, ինչպես նաև վարձակալած բնակարանի վարձը վճարելու համար:...

Կենդանակերպի 4 նշան, որոնց բախտը գրեթե միշտ բերում է

Կան մարդիկ, ովքեր բառացիորեն ծրագրավորված են բախտավոր լինել: Ինչ էլ որ անեն, նրանց մոտ ամեն ինչ ստացվում է և ամեն ինչում բախտները բերում է: Կարիճ Կա...

ԹԵՍՏ․ Միայն իսկական էրուդիտը կկարողանա չսխալվել պատասխաններում

Ներկայացնում ենք մեր հերթական բազմագիտակության թեստը: Համատեղեք օգտակարը հաճելիի հետ․․․ Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք միայն թարմ...