fbpx
Գլխավոր ԳՐՈՒՄ ԵՆ ԸՆԹԵՐՑՈՂՆԵՐԸ Նազիկ Գասպարյան - Նորից կփոշոտվի… (գրում են ընթերցողները)

Նազիկ Գասպարյան – Նորից կփոշոտվի… (գրում են ընթերցողները)

Աշունն անձրևոտ մատներով թակեց պատուհանս…

-Ներս արի,- մտքովս անցավ ներս կանչել նրան…բայց նա իմ հրավերին չէր էլ սպասում…նա եկել ու պատուհանս թակում էր քաղաքավարությունից ելնելով…

Փողոցները, մարդիկ, մայթերը…նստարանը աշուն են հագել, աշունոտվել են…

Ապակիս դուրս ու ներսից խոնավ-խոնա՜վ է… ինքս շոգիացել կպել եմ պատուհանիս, հայելուս…

Ճակատս հպել եմ պատուհանին…ու սառում է ճակատս,սառում են աչքերս` անհույս է… էլ նա չի գա…

Հյուրս եկավ, նստեց դաշնամուրիս առաջ, փոշոտ դաշնամուրիս առաջ… տեսնես աշխատո՞ւմ է… վաղուց  չեմ նվագել…

-Գոնե փոշին հավաքեիր, – ասաց ու անձրևահամ մատներով մաքրեց փոշին դաշնամուրից…

– Էլ չեմ նվագում.. մի տեսակ օտարացել եմ, խորթացել սև-սպիտակ ստեղներին… սև-սպիտակ…

Նա լուռ նայում էր դաշնամուրիս… խղճահարություն կար հայացքում` չգիտեմ ի՞նձ էր խղճում թե՞ դաշնամուրին, բայց խղճում էր…

-Ուզո՞ւմ ես նվագեմ…,- հարցրեց ու հասկացա, որ դաշնամուրին է խղճում…

Վախենում էի, բայց քաջություն գտա իմ մեջ ու առաջարկեցի, որ ինքս նվագեմ…

Նստեցի աթոռին… աթոռս խրտնած ճռճռաց…ես էլ խրտնեցի` աթոռ լինեի կճռճռայի…

Մատներս անվարժ զարկեցի ստեղներին…հետ եմ վարժվել, չի ստացվում, անընդունակ աշակերտի նման նստել ու նայում եմ դաշնամուրիս առաջ, նայելով ոչինչ չեմ փոխի`օտարացել ենք… էլ մատներիս չի մնում ստեղների տաքությունը…սառել ենք…

Հյուրս ձեռքերը խաչել կանգնել է….լո՜ւռ…. Անշշուկ ու անձայն աղմկում, գոռում-ճչում է… գիշերն էլ այսպես աղմկում էր ժամացույցս. Ապակու տակ սլաքները ձիերի պես վրնջում, դոփում, ծառս էին լինում..

Փակեցի դաշնամուրը…զգաստացա, նայեցի հյուրիս աչքերին. Նա հասկացավ, որ պիտի չքվի տնիցս, հավաքեց անձրևոտ փեշերն ու… ու գնաց…

Գնաց սենյակիցս` լռություն շաղ տալով մեր մուտքում, մայթերին, կիսաներկ մաշված մեր նստարանին…

Մնաց լռությունը, մնացի ես ու ինձնից խրտնած դաշնամուրը, որ նորից կփոշոտվի…

կարդացեք նաև

ԹԵՍՏ․ Որքա՞ն կկարողանայիք վաստակել «Ո՞վ է ուզում դառնալ միլիոնատեր» հեռուստախաղում․

Տինա՛յք և Պարոնա՛յք, բարի գալուստ «Ո՞վ է ուզում դառնալ միլիոնատեր» հեռուստախաղ: Այսօր մեր ստուդիայում են «Mediamag»-ի ընթերցողները, որոնք եկել են ստուգելու իրենց գիտելիքները և...

Մտածե՞լ եք, որ հնարավոր է ձեր տունն է ձեր առօրյա սթրեսի պատճառը

Մեր օրերում թվում է, թե մենք հավերժ շրջապատված ենք ճնշող սթրեսի մեծ ամպով: «Սթրեսը բարձրացնում է կորտիզոլի մակարդակը և մեզ պահում մարտական ​ վիճակում», -...

ԹԵՍՏ․ Ընդհանուր գիտելիքների ոչ այդքան հեշտ թեստ, որը դուք չեք անցնի, եթե երբևէ չեք բացել որևէ հանրագիտարան

Այս տեսակի թեստերն անցնելն ուղղակի անհրաժեշտություն է բոլոր նրանց համար, ովքեր սիրում են ուղեղի մարզման տարբեր տեսակներ, նրանց համար, ովքեր ուզում են շատ բան...

Լև Տոլստոյ «Մանկություն, Պատանեկություն, Երիտասարդություն»: Մեջբերումներ գրքից

Մի քանի խորիմաստ մեջբերումներ Լև Տոլստոյի «Մանկություն, Պատանեկություն, Երիտասարդություն» եռագրությունից: 1. Յուրաքանչյուր կապվածություն երկու կողմ ունի, մեկը սիրում է, մյուսը՝ թույլ տալիս սիրել իրեն: 2. Որքան...

«Իմ Իննա, քո սերը իմն ա». Զիրոյանի ռոմանտիկ անակնակալը Իննա Խոջամիրյանի 25-ամյակին և դերասանուհու հուզմունքը

Դերասանուհի Իննա Խոջամիրյանն այսօր տոնում է 25-ամյակը, ինչի առթիվ խնջույք է կազմակերպել: Երեկույթի ընթացքում նրա սիրելին՝ դերասան Զիրոյանը, ռոմանտիկ անակնկալ է պատրաստել: «Իմ Իննա, քո...