Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Աշխարհի վերջ: Պատմություն չհաջողված կանխագուշակումների մասին

Աշխարհի վերջ: Պատմություն չհաջողված կանխագուշակումների մասին

Աշխարհի վերջԱշխարհի վերջ՝ այս հասկացությունը բավական հանրաճանաչ է մեր աշխարհում, ընդ որում աշխարհի վերջի մասին կանխագուշակումներ արել են դեռևս անհիշելի ժամանակներից:

Կամ մարդկանց է դուր գալիս մտածել աշխարհի վերջի, աղետների մասին և հավատալ դրանց, կամ էլ հատուկ նպատակներով մարդկանց մեջ փորձում են խուճապ առաջացնել:

Բայց փաստը մնում է փաստ՝ աշխարհի կործանման մասին կանխագուշակումներ են արել բոլորը, սկսած հին հռոմեացիներից, միջնադարյան պապերից, վերջացրած ում մտքին որ փչի մինչ մեր օրերը:

Աշխարհի վերջի մասին առաջին հիշատակումները՝ մ.թ.ա. 7-րդ դար

Ըստ որոշ տեղեկությունների, աշխարհի կործանման մասին առաջին կանխագուշակումները, որոնք պահպանվել են պատմության մեջ, վերագրվում է հռոմեացիներին դեռևս մ.թ.ա. 7-րդ դարում: Հին Հռոմի շատ բնակիչներ վախենում էին, որ քաղաքը կկործանվի իր հիմնման 120 ամյակին (634 թվական):

Հին Հռոմ

Ըստ առասպելի, 12 արծիվներ հայտնվում են Հռոմի ստեղծողներից մեկին՝ Ռումուլային: 12-ը միստիկական թիվ է, որը ցույց էր տալիս Հռոմի գոյության տևողությունը:

Ինչ որ պատճառով հին հռոմեացիք կարծում էին, որ ամեն մի արծիվը ներկայացնում է 10 տարի, այստեղից եզրակացություն էր արվել, որ Հռոմը կկործանվի իր ստեղծման օրից 120 տարի հետո: Չնայած որոշ Հռոմեացիների մոտ այլ պատկերացումներ կային այս առումով: Նրանք հավատում էին, որ Ռոմուլային հայտնված այդ հանելուկային թիվը դա տարվա մեջ օրերի քանակն է և այդ պատճառով աշխարհի վերջը պետք է որ վրա հասներ մ.թ.ա. 360 թվականին:

Հին Հռոմ

Ինչպես մեզ հայտնի է քաղաքը կանգուն է մինչ այժմ և շարունակում է ծաղկել և բարգավաճել:

Հիսուս Քրիստոսի երկրորդ գալուստը խորհրդանշում է աշխարհի վերջը

Պատմության մեջ պահպանվել են հարյուրավոր օրինակներ այն բանի, որ Հիսուս Քրիստոսը անպայման պետք է վերադառնա Երկիր: Գրեթե բոլոր քրիստոնեական եկեղեցիները սպասել են և մինչ այժմ սպասում են այդ իրադարձությանը: Սակայն այդ մասին բոլոր կանխագուշակումները պսակվում են անհաջողությամբ՝ համենաին դեպս անցյալում:

Հիսուսի գալուստը

Որոշ մարդիկ ենթադրում էին, որ Քրիստոսը պետք է անպայման վերադառնա իր մահից 1000 տարի հետո՝ 1033 թվականին: 19-րդ դարում «Աստվածաշնչյան հետազոտողների միություն» աղանդը Աստվածաշնչյան մարգարեությունը բացատրում էր այնպես, որ աշխարհի վերջը պետք է որ լիներ 1874 թվականին և հենց այդ ժամանակ էլ սպասվում էր Քրիստոսի վերադարձը:

.

Եկեղեցիների և կրոնական աղանդների կանխագուշակումները

Զվարճալի դեպք է տեղի ունեցել 1806թ. անգլիական Լիդս քաղաքում: Մեկը իբր նկատում է, որ հավը սկսում է ձվեր ածել, որոնց վրա գրված է. «Հիսուսը ճանապարհին է»: Այդ տարօրինակ ձվերի մասին լուրը տարածվեց ամբողջ քաղաքով, և մարդիկ սկսեցին խոսել, որ աշխարհի վերջը շատ մոտ է: Սակայն միստիֆիկացիան շատ շուտ բացահայտվում է:

.

Նոր Անգլիայից Ուիլիամ Միլլեր անունով մի ֆերմեր Աստվածաշունչը ուսումնասիրելուց հետո եզրահանգում է անում, որ ձեռագրերի գրական մեկնաբանմամբ կարելի է իմանալ տարեթիվը թե երբ է Աստված որոշել վերացնել աշխարհը: Մանրակրկիտ ուսումնասիրություններից հետո, նա որոշում է, որ այդ իրադարձությունը տեղի կունենա 1843 թ. մարտի 21-ից 1844թ. մարտի 21-ի միջակայքում:

.

Միլլերը հազարավոր հետևորդներ ուներ, որոնք հավատում էին, որ աշխարհի վերջը շատ մոտ է: Նրանք վաճառում կամ բաժանում էին իրենց ունեցվածքը՝ ենթադրելով, որ դրանք իրենց այլևս պետք չեն գա: Նրանից հետո, երբ կանխագուշակված ժամանակահատվածում աշխարհի վերջ չի լինում, աղանդավորական խումբը ցրվում է, իսկ նրանցից որոշները նոր ուղղություն են ստեղծում և անվանվում են 7-րդ օրվա Ադվենտիստներ:

.

Քարոզիչ Հարոլդ Քեմփինգը Քրիստոսի երկրորդ գալստյանը սպասում էր 1994թ.: Եվ քանի որ այդ թվականին ոչինչ էլ տեղի չունեցավ՝ նա և իր կողմնակիցները սկսեցին սպասել այդ իրադարձությանը 2011 թվականին: Ամեն անգամ քարոզիչը կազմակերպում էր հսկայական գովազդային արշավներ, հավատացյալների փողերի նվիրաբերումներ՝ ըստ երևույթին ինքն էլ դրանից լավ գումար աշխատելով:

Հերոլդ Քեմփինգ

Մոլորակների շքերթի և երկնաքարերի մասին կանխագուշակումներ

Աշխարհի վերջի կանխագուշակումներ անում էին ոչ միայն կրոնական ուղղությունների հետևորդներ, այլ նաև դրանով սկսեցին զբաղվել աստղաբաններն ու ասղագուշակները: Նրանք անընդհատ երկնքում ինչ որ նշաններ էին տեսնում մոլորակների շքերթի կամ Երկրին մոտեցող երկնաքարերի կամ էլ անտեսանելի հսկա մոլորակների տեսքով:

մոլորակների շքերթ

2000 թվականի աշխարհի վերջը

2000 թ.-ը շատերը համարում էին բեկումնային տարի: Նախ բոլորը հրաժեշտ էին տալիս 20-րդ դարին և առաջին հազարամյակին և երկրորդ, հետաքրքրությամբ սպասում էին ինչ որ չտեսնված և չլսված նորին: Այդ ամենը նաև թեժացվում էր հոլիվուդյան գիտաֆանտաստիկ ֆիմերով:

2000թ. -ի հետ, բնականաբար, շատերը սկսեցին կապել աշխարհի վերջը: Առաջին հերթին աշխարհի վերջ համակարգիչների համար, քանի որ համակարգիչները կարող էին խառնել դարերը, և քանի որ նոր դարի տվյալները ամրագրված էին 00, այլ ոչ թե 2000: Այսպիսով ստացվում էր, որ 2000 թվականի հունվարի 1-ը կարող էր գրվել 1900 թվականի հունվարի 1՝ 01/01/00:

աշխարհի վերջ

Շատ պեսիմիստներ պնդում էին, որ դրա հետևանքով տեղի կունենա աղետ, որը կանջատի աշխարհի բոլոր համակարգիչները, կխափանի կապը և նույնիսկ ատոմային աղետների կբերի: Շատերը թաքնվեցին թաքստոցներում, իրենց հետ վերցնելով անհրաժեշտ նյութերի և մթերքների պաշար: Սակայն նոր դարը սկսեց առանց որևէ պրոբլեմների:

աշխարհի վերջ

2000թ. կանխագուշակում էին երկրորդ լուսնի հայտնվելը, ատոմային պատերազմներ, մոլորակների շքերթներ, Երկրի վրա երկնաքարերի անկումներ և այլն: Եվ ինչպես միշտ, այնպես էլ այս անգամ այդ տարի մարդկությունը շարունակեց ապրել առանց կանխագուշակումների կատարման:

աշխարհի վերջ

Դրանից հետո աշխարհի վերջ սկսեցին կանխագուշակել գրեթե ամեն տարի: Ահա դրանց որոշ օրինակներ.

2001թ. օգոստոսի 11 – Աշխարհի վերջը, քանի որ Եկրկրին կուլ կտա սև անցքը:

2003թ. – Երկիրը մասերի կբաժանվի:

2006թ. հուլիսի 6 – տեղի կունենա աշխարհի վերջ 6.6.06 թվերի (գազանի թիվ) համադրության պատճառով:

2008թ. սեմպտեմբերի 10 – Մեծ ադրոնային Կոլայդորի մեկնարկի պատճառով կարող է առաջանալ սև անցք և կուլ տալ Երկիրը:

Ե՞րբ են սպասվում հաջորդ աշխարհի վերջերը

2012թ. – մոտակա աշխարհի վերջը, ինչպես բոլորս էլ գիտենք կանխատեսված է հենց այսօր՝ դեկտեմբերի 21-ին: Այս թիվը հնարավոր է եղել գտնել Մայաների օրացույցի շնորհիվ, որը իբր թե վերջանում է այդ օրով: Սակայն գիտությունը ոչ մի կերպ դա չի ապացուցում:

2021թ. – Այս թվականին կարող է աշխարհի վերջ տեղի ունենալ Երկրի մագնիսական դաշտի բևեռների փոփոխման պատճառով, որը կբերի մարդկության կեսից ավելիի վերացման:

աշխարհի վերջ

2036թ. – Աշխարհի վերջ կարող է լինել Ապոֆիս անվանումով երկնաքարի հետ բախման հետևանքով: 270մ տրամագծով այս երկնաքարը բավական լրջորեն սպառնում է Երկրին բախմամբ: Այդ պատճառով գիտնականները արդեն այսօր նկարագրում են այդ աղետի հետևանքով առաջացած սարսափելի տեսարաններ, բայց նաև մտածում են թե ինչպես կանխել աղետը:

երկնաքարի հետ բախում

2060թ. – 18-րդ դարում այս թիվն է կանխագուշակել Իսահակ Նյուտոնը:

2242թ. – Մոլորակային դարերի տեսության հիման վրա, հրեա փիլիսոփա Աբրահամ բեն Մեիր իբն Էզրան դեռևս 12-րդ դարում կանխագուշակել է աշխարհի վերջը: Իր տեսությամբ այս թվին վերջանում է Արևի դարը:

աշխարհի վերջ

3797թ. – Նոստրադամուսի կանխատեսումը:

5 միլիարդ տարուց – Շատ գիտնականների կարծիքով հենց այսքան է ապրում մեր արևը, որից հետո նրա կենտրոնում կվերջանա վառելիքը և դրա հետևանքով այն դուրս կգա արտաքին շերտեր, կմեծանա և կուլ կտա Երկիրն ու մոտակա մոլորակները:

աշխարհի վերջ

Տարբեր աղբյուրներից ծաղկաքաղը, թարգմանությունն ու համադրումը՝ Արամ Հակոբյանի (Արխանգելո)

Загрузка…

կարդացեք նաև

Ինչպես են վիրավորվում Կենդանակեպի տարբեր նշանները

Նախապես իմանալով թե տարբեր իրավիճակում ինչպես իրեն կդրսևորի այս կամ այն Կենդանակերպի նշանը՝ կարելի է խուսափել տարբեր պրոբլեմներից և իմանալ, վրեժխնդիր կլինի՞ արդյոք այդ...

ԹԵՍՏ․ Կկարողանա՞ք հավաքել թեկուզ 9/13 ընդհանուր գիտելիքների այս թեստում

Դե ի՞նչ ընկերներ, հետաքրքրացնե՞նք մեր միապաղաղ օրերը հետաքրքիր թեստով: Եթե Ձեզ մոտ ազատ րոպե է հայտնվել, եկեք ստուգենք Ձեր բազմակողմանի զարգացվածությունը: Մեկ թեստում մենք...

Մարզասարքեր մետրոյում և պաղպաղակով սենդվիչներ․ փաստեր Սինգապուրի մասին, որոնք Ձեզ կզարմացնեն

Սինգապուրը կղզի-քաղաք-հանրապետություն է, որը համարվում է աշխարհի ամենահարուստ և թանկարժեք երկրներից մեկը: Զբոսաշրջիկի համար այստեղ ամեն ինչ զարմանալի է և անսովոր՝ սկսած քաղաքային անհվանական...

Ձեր առաքելությունն ու կարման ըստ ծննդյան ամսաթվի

Գիտակցել սեփական առաքելությունը կօգնի մեր կարմային հորոսկոպը: Իսկ գիտե՞ք, որ ծննդյան ամսաթիվը ուղղակի ամսաթիվ չէ: Յուրաքանչյուր մարդ աշխարհ է գալիս, որպեսզի իր մասին ինչ-որ բան...

IQ որոշող ԹԵՍՏ

Չնայած հասարակական կարծիքին, IQ մակարդակը ոչ այդքան ցույց է տալիս ինֆորմացիան հիշելու ունակությունը, որքան դա վերլուծելը: Հենց այդ պատճառով IQ և մտածելակերպի զարգացվածություն որոշող...