fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Քանի դեռ կյանքը ձեզ դուր չի գալիս՝ այն անցնում է

Քանի դեռ կյանքը ձեզ դուր չի գալիս՝ այն անցնում է

1995թ.-ին հանրահայտ գրող Կուրտ Վոննեգուտը հրաշալի ելույթով հանդես եկավ Մասաչուսեթսի տեխնոլոգիական ինստիտուտի շրջանավարտների առաջ:

Պարզ և խորը բառեր իրական արժեքների, սիրո և գեղեցկության մասին:

Վայելեք ձեր երիտասարդության ուժն ու գեղեցկությունը, քանի դեռ կյանքը ձեզ դուր չի գալիս՝ այն անցնում է: Հավատացեք ինձ, 20 տարի հետո դուք կնայեք ձեր լուսանկարներին և կհիշեք մի այնպիսի զգացմունքով, որն այժմ դուք չեք հասկանա: Որքան հնարավորություններ են բաց եղել ձեր առաջ, և որքան հեքիաթային տեսք ունեիք: Դուք այդքան էլ շատ չեք կշռում, որքան ձեզ է թվում:

Մի անհանգստացեք ապագայի համար: Կամ լավ, անհանգստացեք, բայց իմացեք, որ այդ անհանգստությունները նույնքան արդյունավետ են, որքան փորձերը լուծել հանրահաշվական հավասարումը մաստակ ծամելու օգնությամբ: Կյանքում իրական անհաջողություններ պատահում են այն իրադարձություններով, որոնք երբեք չեն անհանգստացրել ձեր միտքը, այսպես օրինակ, այն ինչը ձեզ անակնկալի է բերում գիշերվա ժամը չորսին, ասենք սովորական մի երեքշաբթի օր:

Ամեն օր կատարեք ինչ-որ բան, ինչը ձեզ վախեցնում է:

Երգեք:

Զգույշ վերաբերվեք այլ մարդկանց սրտերին:

Մի հաշտվեք նրանց հետ, ովքեր անտարբեր են ձեր սրտի հանդեպ:

Մի ծախսեք ձեր ժամանակը նախանձի վրա, երբեմն դուք առջևում եք, երբեմն ետ եք մնում, մրցավազքը երկար է, և, վերջիվերջո, դուք մրցության մեջ եք ինքներդ ձեզ հետ:

Հիշեք հաճոյախոսությունները, որ ստացել եք, բայց մոռացեք վիրավորանքները, և եթե դուք կարողանաք դա անել՝ ինձ էլ ասեք, թե ինչպես ստացվեց:

Մեղավոր մի զգացեք ձեզ, եթե չգիտեք թե ինչ անել ձեր կյանքի հետ: Իմ իմացած բոլոր հետաքրքիր մարդիկ 22 տարեկանում պատկերացում անգամ չունեին, թե ինչպես են նրանք ուզում ապրել, ընդորում, որոշ ինձ ծանոթ հետաքրքիր քառասունամյաները մինչև հիմա դա չգիտեն:

Միգուցե կամուսնանաք, իսկ միգուցե ոչ: Միգուցե երեխաներ կունենաք, միգուցե ոչ: Միգուցե քառասունում կբաժանվեք, իսկ միգուցե կպարեք փոքրիկ բադիկների պարը ձեր ամուսնության յոթանասուն ամյակին: Ինչ էլ որ անեք, չափից շատ մի գովեք ինքներդ ձեզ, բայց նաև մի էլ կշտամբեք: Ձեր ընտրությունը, ինչպես և բոլորի դեպքում՝ կիսով չափ կախված է պատահականությունից:

Վայելեք ձեր մարմինը, օգտագործեք այն ինչպես կարող եք, և մի վախեցեք այն բանից, թե ինչ են ձեր մասին մտածում ուրիշ մարդիկ: Մարմինը՝ դա ամենահրաշալի գործիքն է, որը երբևէ կունենաք:

Պարեք, նույնիսկ եթե պարելու տեղ չունեք, բացի ձեր հյուրասենյակից:

Բարեսիրտ եղեք ձեր եղբայրների և քույրերի հետ, նրանք ձեր լավագույն կապն են անցյալի հետ, և նրանք են, ովքեր ամենայն հավանականությամբ ձեզ հետ կլինեն նաև ապագայում:

Հասկացեք, որ ընկերները գալիս և գնում են, բայց մի քանի թանկարժեք ընկերոջը պետք է ամեն կերպ պահել: Գործադրեք ամեն ջանք, որպեսզի բացառեք թե՛ աշխարհագրության առումով, և թե՛ կյանքում նրանց հետ կապի խզումը, որովհետև որքան մեծանաք, այնքան ձեզ հարկավոր կլինեն մարդիկ, ում ճանաչել եք, երբ երիտասարդ էիք:

Ընդունեք մի քանի անխուսափելի ճշմարտություն՝ գները կաճեն, քաղաքական գործիչները կդավաճանեն իրենց կանանց: Դուք նույնպես կծերանաք, և երբ կծերանաք, դուք կսկսեք երևակայել, որ երբ երիտասարդ էիք՝ գները խելքին մոտ էին, քաղաքական գործիչները պարկեշտ էին և երեխաները հարգում էին ծերերին:

Ի դեպ, հարգեք ծերերին, դուք երբեք չգիտեք, թե երբ նրանք հավերժ կհեռանան:

Հույս մի ունեցեք, որ ինչ-որ մեկը ձեզ կապահովի: Միգուցե դուք ունեք սեփական ներդրումային ֆոնդը, միգուցե ունեք հարուստ ամուսին կամ կին, բայց դուք երբեք չգիտեք թե նրանք երբ կարող են լքել ձեզ:

Բոլորս էլ մի օր հեռանալու ենք, բայց պետք է դիմանալ մինչև վերջ՝ հավատալով ինչ-որ բանի: Դրանում է ամենամեծ դժվարությունը, որովհետև թվում է, որ չկա ոչինչ, ինչին կարելի է մինչև վերջ հավատալ:

 

կարդացեք նաև

Ինչպես պետք է լիցքաթափվեն Կենդանակերպի նշանները

Ներկայացնում ենք մեթոդներ, թե ինչպես պետք է լիցքաթափվեն Կենդանակերպի նշանները։ Խոյ Խոյերն ամբողջ օրվա ընթացքում աշխատում են շատ ծանր գրաֆիկով եւ հանգստանալու ժամանակ չեն ունենում։ Սակայն...

Հոգեբանական ԹԵՍՏ․ Ունա՞կ եք արդյոք կյանքում հասնել հաջողությունների

Ի՞նչ եք կարծում, ունա՞կ եք կյանքում հաջողությունների հասնել: Որքա՞ն է հնարավորությունը, որ կհասնեք հաջողության: Այս հոգեբանական թեստը կպատասխանի այդ հարցերին՝ Ձեր ենթագիտակցությունից դուրս հանելով...
video

Ուիլլ Սմիթ. Արա ԴԱ 21 օրվա ընթացքում: Մարդկանց միայն 1% ն է անում ԴԱ: Լավագույն մոտիվացիան (տեսանյութ)

Մարդկանց միայն 1% ն է անում դա: Արա դա 21 օրվա ընթացքում: Ուիլլ Սմիթի գաղտնիքը: Հզոր մոտիվացիա: Գրանցվիր մեր Telegram ալիքին։ Ուղարկում ենք միայն թարմ հոդվածները...

Աղջիկների յուրահատկությունն ըստ կենդանակերպի նշանի

Կենդանակերպի յուրաքանչյուր նշան ունի բնավորության յուրահատուկ գիծ։ Ու հենց այդ գծով էլ տարբերվում է մյուսներից։ Խոյ Խոյերի համար կյանքի իմաստը կյանքի իմաստի որոնումն է։ Որքան էլ պարադոքսալ...

Ընդհանուր գիտելիքների ԹԵՍՏ․ եթե անսխալ պատասխանեք բոլոր հարցերին, ապա դուք իսկական գերազանցիկ եք կամ հանրագիտարանը անպակաս է ձեզանից

Ահա և պատրաստ է ընդհանուր գիտելիքներին վերաբերող մեր նոր թեստը: Դուք ընդամենը պետք է լինեք ուշադիր և փորձեք որևէ սխալ թույլ չտալ: Մենք վստահ...