Տղամարդկային 6 գաղտնիք, որոնց մասին կանայք պետք է իմանան

Դա ինձ ցավ է պատճառում: Ես փորձում եմ թմրացնել այդ ցավը մեկ շիշ ալկոհոլով, քանի որ թվում է, թե ամբողջ աշխարհս փլուզվել է: Մեր բոլոր ծրագրերը, հույսերն ու երազանքները կարծես հօդս ցնդեցին, հենց որ մեր հարաբերություններն ավարտվեցին:

Ես ամեն ինչ արեցի դրանք փրկելու համար, բայց ինչքան շատ էի փորձում, այն ավելի բարդ ու շփոթեցնող էր դառնում: Եվ դա այնքան թունավոր դարձավ, որ այլևս չկարողացա: Հարաբերություններն արդեն վնասում էին հոգեկան առողջությունս: Եվ չնայած ես սիրում էի նրան, բայց ստիպված էի բաժանվել:

Դա ավելի քան մեկ տարի առաջ էր: Եվ այս ընթացքում ես մտածեցի անցյալի ոչ մեկ հարաբերություններիս մասին և եկա այն եզրակացության, որ հաճախ բաժանումները տեղի են ունենում այն ​​բանի համար, որ կանայք վատ են հասկանում կամ ընդհանրապես չեն հասկանում տղամարդկանց վարքը:

Բայց մենք բարդ չենք: Եթե ​​մի քանի բան հասկանաք մեր մասին, դա շատ ավելի հեշտ կդառնա: Օրինակ…

1. Մենք իսկապես ուզում ենք օգնել ձեզ դժվար իրավիճակներում

Միշտ չէ, որ ամեն ինչ ինքներդ պետք է անեք: Պետք չէ շատ անկախ լինել, և պետք չէ ձևացնել, որ տղամարդու կարիք չունեք:

Բաժանվելուց հետո ես ժամադրության գնացի մի աղջկա հետ: Եվ նա ուղղակիորեն ասաց ինձ, որ ինքը շատ անկախ է, չի սիրում, երբ ինչ-որ մեկը փորձում է օգնել նրան, քանի որ վստահ է, որ ամեն ինչ կարող է ինքնուրույն անել: Եվ նա կարծում է, որ եթե տղամարդն իրեն օգնի, նա կսկսի այս կերպ վերահսկել իրեն:

Իրականում, մեր օգնությունը ձեզ պակաս անկախ չի դարձնում և մեզ վերահսկում չի տալիս ձեր վրա, բայց դա մեզ տալիս է վստահություն և գոհունակություն ձեր կյանքում ներկա լինելուց:

Մենք չենք սիրում տեսնել, թե որքան դժվար է մեր կնոջ համար, ինչպես է նա տառապում: Մենք իսկապես պարզապես ուզում ենք օգնել:

2. Մենք սիրում ենք հաճոյախոսություններ:

Կանայք կարծում են, որ տղամարդիկ հաճոյախոսությունների կարիք չունեն, քանի որ շատ տղամարդիկ այդպես են վարվում, կարծես իրենց համար միևնույնն է: Բայց իրականում սա նրա ինքնագնահատականը բարձրացնելու լավագույն միջոցներից մեկն է: Դա նրան ավելի շատ է տրամադրում դեպի ձեզ, ավելի ինքնավստահ է դարձնում, հիշեցնում է, թե ինչու եք ընտրել նրան:

3. Մենք նույնպես կարող ենք էմոցիոնալ լինել

Ոչ, տղամարդիկ միշտ չէ, որ կոշտ են ու սառնասիրտ: Մենք նույնպես զգում ենք զգացմունքների ամբողջ սպեկտրը՝ տխրությունից և մոտիվացիայի կորստից, մինչև ինքնախղճահարությունից երկրպագություն և սեր: Այսպիսով, երբ ձեր տղամարդը ոգու անկում է ապրում, դուք չպետք է ասեք, որ տղամարդ լինի, այլ եղեք նրա ընկերը, օգնեք նրան, լսեք և աջակցեք:

4. Մեզ վանում է ավելորդ կպչունությունը

Մենք նույնպես սիրում ենք միասին շատ ժամանակ անցկացնել, բայց չափազանց շատն արդեն կպչունություն է: Ամեն ինչ ունի սահմաններ և չափանիշ: Սովորեք ժամանակ անցկացնել առանց ձեր տղամարդու, քանի որ իմանալը, թե երբ նրան տարածություն տրամադրել, գրավիչ է: Ընդ որում, ձեզ հարկավոր չէ անընդհատ գրել կամ զանգահարել, պարզել, թե որտեղ է նա և ում հետ:

5. Մեր ազնվությունը բարի նպատակներ ունի

Շատ կանանց նյարդայնացնում է այն փաստը, որ երբեմն տղամարդիկ չափազանց շիտակ ու ազնիվ են լինում, նույնիսկ նուրբ իրավիճակներում: Եվ երբեմն դրանից ավելորդ դրամա են սարքում: Բայց մենք պարզապես ուզում ենք ճշմարտությունն ասել, և մի՞թե դուք նույնը չեք ուզում: Նույնիսկ եթե դա տհաճ է լսել:

6. Գնահատեք լավ տղամարդկանց:

Լավ տղամարդիկ աջակցում են ձեր երազանքներին և նպատակներին, փորձում են հասկանալ ձեր զգացմունքներն ու հույզերը և հոգ տանել ձեր մասին: Իսկ կանանց, միևնույնն է, ավելի հաճախ դուր են գալիս վատ տղաները, ովքեր չեն հետաքրքրվում ձեր ցանկություններով ու երազանքներով, ովքեր չեն մտածում ձեր զգացմունքների մասին: Եվ լավ տղամարդիկ դա գիտեն և վիրավորվում են: Գնահատեք լավերին:

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 3 assessment, среднее 3.67 из 5 )
MediaMag
Տղամարդկային 6 գաղտնիք, որոնց մասին կանայք պետք է իմանան