Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Ձեր ճակատագիրը գրված է Ձեր ծննդյան տարեթվի վերջին թվում

Ձեր ճակատագիրը գրված է Ձեր ծննդյան տարեթվի վերջին թվում

Համաձայն հին չինական օրացույցի, որի վրա էլ կառուցված է արևելյան հորոսկոպը, Երկիր մոլորակում ամեն ժամանակի պահ գտնվում է հինգ տարրերից մեկի իշխանության ներքո՝ Հող, Կրակ, Ծառ (Փայտ), Ջուր և Մետաղ:

Աստղաբանները վստահ են, որ այս տարերքները հզոր ազդեցություն ունեն ոչ միայն բնության, այլ նաև մարդու բնավորության վրա: Դրանք որոշում են մարդու հոգու կազմվածքը, սովորությունները և հակումները:

Ո՞ր թվին եք ծնվել: Վերցրեք ծննդյան թվի վերջին թիվը և Ձեր մասին իմացեք նոր բաներ:

Ահա թե որ տարերքն է համապատասխանում Ձեր թվին․

Հող (8, 9)

Հող տարերքի մարդիկ վստահելի են և համբերատար: Հողի ուժերը օժտում են նրան մտերիմ մարդկանց հանդեպ պատասխանատվությամբ: Նրանք բազմաթիվ ամբիցիաներ ունեն, բայց նույն ժամանակ նրանք իդեալիստ են:

Նրանց մոտ լավ է զարգացած ինտուիցիան: Շրջապատող մարդիկ փորձում են հավասարվել «հողեղեններին», քանի որ նրանց մոտ լավ է զարգացած բարոյաէթիկական արժեքները:

Հողի մարդիկ լավ հարաբերությունների մեջ են փողի հետ: Կարող են շատ բաներ տեսնել դրանց հեռանկարի տեսանկյունից: Զուսպ են էմոցիաներում, բայց նաև կարիք ունեն, որպեսզի իրենց սիրեն:

«Հողեղեններին» պակասում է մեկ կաթիլ արկածախնդրություն և կենսուրախություն: Նրանք լինում են կոպիտ և կամակոր: Նրանք ցանկանում են ամեն ինչ կառավարել և շատ հաճախ ուղղորդվում են բացառապես սեփական շահով և հետաքրքրություններով:

Կրակ (6, 7)

Կրակի մարդիկ միշտ ծարավ են արկածների և երբեք չեն հրաժարվի ուսումնասիրել որևէ նոր բան: Նրանք շատ ակտիվ և էներգիայով լեցուն մարդիկ են, որոնք օժտված են հրաշալի ղեկավարի ձիրքով՝ նրանք սիրում են մրցակցել և հաղթել:

Կրակի մարդիկ որպես օրենք գրավիչ են և ձգող, նրանք տանել չեն կարողանում միայնությունը, գերադասում են շրջապատել իրենց մարդկանցով և անընդհատ գտնվել շարժման մեջ: Բացի դրանից, նրանք ծայրաստիճան կապված են մտերիմների հետ, և ամեն կերպ պահպանում են յուրաքանչյուր ընտանեկան կապ:

Կրակի մարդիկ առանձնանում են իրենց բարձր ինքնագնահատականով և ինքնավստահությամբ, նրանք խելացի են և ընկերասեր, վճռական և տպավորիչ, նաև զուրկ չեն հռետորական տաղանդից:

Կրակի մարդկանց թերությունը՝ ագրեսիվությունն է և յուրաքանչյուր գնով նպատակների հասնելու ձգտումը: Բացի դրանից նրանք ավելորդ էմոցիոնալ են և տառապում են համբերության պակասից:

Ծառ (4, 5)

Ծառի հովանավորության տակ ծնված մարդիկ շատ առատաձեռն են: Նրանք հստակ հետևում են սեփական սկզբունքներին, սիրում են ուսումնասիրել աշխարհը և վերլուծել ինֆորմացիան, նաև օժտված են համոզելու հազվագյուտ ուժով:

Ծառի մարդիկ շատ արտիստիկ են և կրեատիվ, ինչը հաճախ դրսևորվում է ամեն ինչում, ինչին դիպչում են: Նրանք աշխատասեր են և միշտ իրենց համար որևէ զբաղմունք են փնտրում՝ ձգտելով միշտ զբաղված լինել և համարելով, որ աշխատանքը՝ սեփական ուժերի կիրառման լավագույն մեթոդն է:

Ինքնավստահությունը՝ նրանց լավագույն որակներից մեկն է: «Փայտյա» մարդիկ միշտ շնորհակալ են այն ամենի համար, ինչ ունեն և չեն փորձում ընկնել ավելորդությունների ետևից կամ ցատկել սեփական գլխից վեր, չնայած նրանց հետաքրքրությունների ոլորտը բավական լայն և բազմաբղետ է:

Ծառի մարդկանց թերություններին կարելի է դասել նրանց վատնողությունը: Նրանք կարող են իրենց վրա վերցնել չափազանց շատ խնդիրներ, քան կարող են լուծել և այդ պատճառով հաճախ ծանրաբեռնում են իրենց աշխատանքով, որը օգտակար չէ և ոչ մեկի համար: Այլ խոսքերով՝ Ծառի մարդիկ պետք է սովորեն սահմանափակում դնել իրենք իրենց վրա և ճիշտ հաշվարկել սեփական ուժերը:

Ջուր (2, 3)

Ջրի մարդիկ հմայիչ են և գթասիրտ, նաև կարողանում են կարեկցել: Նրանք շատ ճկուն են և հրաշալի կարողանում են լողալ հոսանքի ուղղությամբ: Բացի դրանից, նրանք խելացի են և կրեատիվ:

Ջրի մարդիկ ապշեցուցիչ երևակայություն ունեն, և նրանք չեն վախենում դա օգտագործել: Նրանց մեջ քիչ չեն հրաշալի փիլիսոփաներ և մտածողներ, նրանք բավական անկախ են և շատ հաճախ յուրացնում են մի քանի մասնագիտություն: Ջրի ներկայացուցիչները օժտված են շփման իդեալական հմտություններով և կարող են շատ համոզիչ լինել:

Նաև պետք է նշել դիվանագիտության ոլորտում նրանց ակնառու ունակությունները: Նրանք շատ ինտուիտիվ են և ունակ են որսալ այն, ինչը դուրս է մնում այլ մարդկանց ուշադրությունից: Նրանք լավ կազմակերպիչներ են և ոչ պակաս կատարողներ, որոնք կարողանում են նկատել շրջապատող մարդկանց տաղանդները և օգնել նրանց զարգացնել դրանք:

Ջրի մարդիկ կարող են լինել գաղտնապահ և ոչ անկեղծ և երբեք չեն կիսվում սեփական գաղտնիքներով ուրիշների հետ: Բացի դրանից նրանց մոտ նկատվում է մանիպուլյացիայի ենթարկելու արտահայտված հակումներ: Նրանք միշտ և ամեն ինչում փորձում են գտնել պարզ և հեշտ ելք, քանի որ առանձնանում են իրենց որոշակի պասիվությամբ և հաճախ են ենթարկվում սեփական և այլ մարդկանց քմահաճույքներին:

Մետաղ (0, 1)

«Մետաղական» մարդիկ շատ կենսունակ են, անկախ և ինքուրույն, ինչը պայմանավորված է նրանց բնավորության հզոր ուժով։ Նրանք սիրում են իրենք իրենց, բայց նույն ժամանակ հոգում և հարգում են ուրիշներին։ Նրանք որպես օրենք շատ զուսպ են, բայց արտաքին ճնշման դեպքում անվարան և ակտիվ կերպով պնդում են իրենց տեսակետը։

Այս տարերքի ներկայացուցիչները ձգտում են կարգավորվածության և գերադասում են հավասարակշռությունն ու մաքրությունը բառիս բոլոր իմաստներով։ Նրանք տարբերվում են հուսալիությամբ և վճռականությամբ, չնայած երբեմն իրենց հեռու են պահում՝ փորձելով չլինել ամբոխի մի մաս։

Երբ մետաղի մարդիկ գիտեն թե ինչ են փնտրում և ինչ են ցանկանում, ապա նրանց վճռականությանը կարելի է միայն նախանձել, որովհետև խոչընդոտներն ու անհաջողությունները երբեք չեն կարող նրանց ստիպել շեղվել իրենց ճանապարհից։ Նրանք վախ չունեն միայնությունից, իսկ միակ բանը, որ ցանկանում են սոցիումից՝ իրենց ձեռքբերումների և հաջողությունների ընդունումն է։

Մետաղի մարդկանց թերությունների մեջ կարելի է նշել նրանց պարբերական իմպուլսիվությունը։ Գիտակցորեն թե ենթագիտակցորեն՝ նրանք օժտված են ճոխության, փողի և իշխանության ձգտմամբ։ Հաճախ նրանք կարող են լինել կամակոր և իրենց անհիմն կերպով դրսևորել։

 

 

կարդացեք նաև

Նկարիչը ստեղծում է հզոր սոցիալական նկարազարդումներ, որոնք տեսնելուց հետո երկար ժամանակ չեք մոռանա

Ժամանակակից իրականության ամենամութ կետերը, որոնք որոշում են կյանքը Երկիր մոլորակի վրա, ակնհայտ են դառնում այս նկարազարդումների շնորհիվ, որոնք պատկերում են ժամանակակից հասարակությունը՝ իրականության դառը...

Սողոմոն Թագավոր․ 5 բան, որ տարբերում են իմաստունին հիմարից

Իր իմաստությամբ Սողոմոնը կիսվել է գրքերում՝ «Առակներում» և «էկլեսիաստներում»: Իսկ ի՞նչ է ասված այնտեղ մարդկային խելացիության և հիմարության մասին: Սողոմոն Արքան ուշադիր հետևելով և...

Կենդանակերպի նշանների մեդալի երկու կողմերը

Աշխարհը բաղկացած է երկու մասից՝ խավարից և լույսից, սևից և սպիտակից, չարից և բարուց: Նույնկերպ Կենդանակերպի նշաններն ունեն դրական և բացասական կողմեր: Կենդանակերպի ներկայացուցիչներից...

ԹԵՍՏ․ Ստուգիր գիտելիքներդ

Մեր ուղեղը կարելի է համեմատել գրադարանի հետ, որը տարեցտարի համալրվում է բեստսելլերներով: Մեզ թվում է, որ այդ գրադարանում կարելի է գտնել ամեն ինչ, ինչ...

Պաուլո Կոելյո «Նոր Տարին սկսեք մաքուր էջից»

Լեգենդար գրող Պաուլո Կոելյոն պատմում է, թե ինչպես սկսել կյանքը մաքուր էջից: Դուք կարող եք ինքներդ ձեզ ասել, որ չենք անի քայլ առաջ այնքան ժամանակ,...